ଅର୍ଗସ ବ୍ୟୁରୋ: ଗତରାତିରେ ୟୁଏଇରୁ ଆସୁଥିବା ଏକ ଯାତ୍ରୀବାହୀ ବିମାନ ସହ ଏକ ରାଜହଂସ ସମୂହଙ୍କ ଧକ୍କା ହୋଇଛି। ଫଳରେ ୩୬ ରାଜହଂସଙ୍କ ମୃତ୍ୟୁ ଘଟିଛି। ସୂଚନାନୁସାରେ, ଇକେ-୫୦୮ ଯାତ୍ରୀବାହୀ ବିମାନ ୩୧୦ ଯାତ୍ରୀଙ୍କୁ ମୁମ୍ବାଇରୁ ଦୁବାଇ ନେଇ ଯାଉଥିଲା। ଏହି ସମୟରେ ନିର୍ଦ୍ଧାରିତ ରନ୍‌ୱେରେ ରାଜହଂସଙ୍କ ଏକ ସମୂହ ବସିଥିଲେ। ରନ୍‌ୱେରେ ଆଗକୁ ବଢ଼ିବା ବେଳେ ସେମାନଙ୍କ ସହ ବିମାନର ଧକ୍କା ହୋଇଥିଲା।

ଏହି ଧକ୍କା ଫଳରେ ‌ବିମାନର ସାମାନ୍ୟ କ୍ଷତି ଘଟିଥିଲା। ଏନେଇ ବିମାନ କର୍ତ୍ତୃପକ୍ଷଙ୍କ ପକ୍ଷରୁ କୌଣସି ସୂଚନା ଦିଆଯାଇନାହିଁ। ଏହି ଘଟଣାରେ ମହାରାଷ୍ଟ୍ର ଜଙ୍ଗଲ ପରିବେଶ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ତଦନ୍ତ ଆରମ୍ଭ କରିଛି। ଅପରପକ୍ଷରେ, ରନ୍‌ୱେରେ କୌଣସି ପକ୍ଷୀଙ୍କ ଦେହାବଶେଷକୁ ଠାବ କରାଯାଇପାରିନଥିଲା। ଆଜି ସକାଳେ ବନ ବିଭାଗ କର୍ମଚାରୀମାନେ ବିମାନବନ୍ଦର ନିକଟରେ ଲକ୍ଷ୍ମୀନଗର ଅଧୀନ ପନ୍ଥନଗରରୁ ୩୬ ରାଜହଂସଙ୍କ ମୃତଦେହକୁ ଉଦ୍ଧାର କରିଛନ୍ତି। 

ପଶୁପକ୍ଷୀଙ୍କ ସୁରକ୍ଷା ପାଇଁ କାର୍ଯ୍ୟ କରୁଥିବା ବନଶକ୍ତି ଏନ୍‌ଜିଓର ଡି ଷ୍ଟାଲିନ୍‌ କହିଛନ୍ତି ଯେ ଏହି ଘଟଣାର ତଦନ୍ତ ଚାଲିଛି। ପୂର୍ବେ ଏଭଳି ଘଟଣା ଘଟିନଥିଲା। ଅନ୍ୟପକ୍ଷରେ ଏହି ଘଟଣାକୁ ଗୁରୁତର ସହ ନେଇଛି ମହାରାଷ୍ଟ୍ରର ଜଙ୍ଗଲ ପରିବେଶ ବିଭାଗ। ଖୁବଶୀଘ୍ର ଏହାର  ତଦନ୍ତ କରି ବିମାନ କର୍ତ୍ତୃପକ୍ଷଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେବ ପରିବେଶ ବିଭାଗ।

ଅଧିକ ପଢ଼ନ୍ତୁ ଭାରତ ଖବର