ପ୍ରତିରକ୍ଷାମନ୍ତ୍ରୀ ରାଜନାଥ ସିଂ ଆଜି ଭୁଜ୍ ଏୟାରବେସ୍ ଯିବେ। ଗତକାଲି ପ୍ରତିରକ୍ଷା ମନ୍ତ୍ରୀ ଶ୍ରୀନଗରରେ ଯବାନମାନଙ୍କୁ ଭେଟିବା ସହ ସେମାନଙ୍କ ମନୋବଳ ବଢାଇଥିଲେ । ଭୁଜ ଗସ୍ତରେ ଯାଇ ସେନାର ପ୍ରସ୍ତୁତିର ସମୀକ୍ଷା କରିବେ ପ୍ରତିରକ୍ଷା ମନ୍ତ୍ରୀ । ପହଲଗାମ୍ ଆତଙ୍କୀ ଆକ୍ରମଣ ପରେ ଅପରେସନ୍ ସିନ୍ଦୂର ଜରିଆରେ ଭାରତ ଏହାର କଡା ଜବାବ ଦେଇଛି ।

ତା ପରଠାରୁ ଦୁଇ ଦେଶ ମଧ୍ୟରେ ଅସ୍ତ୍ରବିରତି ଲାଗୁ ହୋଇଥିଲେ ମଧ୍ୟ ଏବେ ବି ପରିସ୍ଥିତି ଉତ୍ତେଜନା ମୂଳକ ରହିଛି । ଗୁଜରାଟ ସହ ୫୦୮ କିମି ସୀମା ପାକିସ୍ତାନ ସହ ଲାଗିଛି । ଅପରେସନ୍ ସିନ୍ଦୂର ପରେ ଭୂଜ ଏୟାରବେସକୁ ପାକିସ୍ତାନ ପକ୍ଷରୁ ଟାର୍ଗେଟ କରିବାକୁ ଉଦ୍ୟମ ହୋଇଥିଲା । ଭାରତୀୟ ସେନା ଏହାର କଡା ଜବାବ ଦେଇଥିଲା ।