ବଢିବ ପ୍ରତିରକ୍ଷା ବଜେଟ୍ । ଆହୁରି ମଜବୁତ ହେବ ଭାରତର ସାମରିକ ଶକ୍ତି । ସେନାକୁ ଅଧିକ ଶକ୍ତିଶାଳୀ କରିବା ପାଇଁ ଆହୁରି ୫୦ହଜାର କୋଟି ଟଙ୍କା ଅନୁଦାନ ଦିଆଯିବ ବୋଲି ସୂଚନା ମିଳିଛି । ଏଥିରେ ଅତ୍ୟାଧୁନିକ ଅସ୍ତ୍ରଶସ୍ତ୍ର କିଣାଯିବା ସହ ସେନାକୁ ଆଧୁନିକୀକରଣ କରାଯିବ । ଅପରେସନ ସିନ୍ଦୂର ପରେ ଏହାର ଅନେକ ଗୁରୁତ୍ବ ରହିଛି ।

ଏହି ଅନୁଦାନ ମିଳିବା ପରେ ପ୍ରତିରକ୍ଷା ବଜେଟ୍ ସାତ ଲକ୍ଷ କୋଟି ପାର ହେବ ବୋଲି ଜାତୀୟ ଗଣମାଧ୍ୟମରେ ସୂଚନା ଦିଆଯାଇଛି । ଚଳିତ ବଜେଟ୍ ପ୍ରତିରକ୍ଷା ବିଭାଗ ପାଇଁ ୬ଲକ୍ଷ ୮୧ ହଜାର କୋଟି ଅନୁଦାନ ଘୋଷଣା କରିଥିଲେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ । ପୂର୍ବ ବଷ ତୁଳନାରେ ଏହା ୯.୨ ପ୍ରତିଶତ ଅଧିକ ରହିଥିଲା । ସେନାକୁ ମଜବୁତ କରିବା ପାଇଁ ନରେନ୍ଦ୍ର ମୋଦି ସରକାର ଗୁରୁତ୍ବ ଦେଉଛନ୍ତି ।