ଯବାନଙ୍କ ସହ ବିଜୟାଦଶମୀ ପାଳିଲେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ

ଅର୍ଗସ ବ୍ୟୁରୋ: ଯବାନଙ୍କ ସହ ବିଜୟାଦଶମୀ ପାଳିଲେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ । ପଶ୍ଚିମବଙ୍ଗର ଦାର୍ଜିଲିଂ ଠାରେ ଯବାନଙ୍କ ଗହଣରେ ସେ ଶସ୍ତ୍ର ପୂଜା କରିଛନ୍ତି। ଏହି ଅବସରରେ ଯବାନଙ୍କ ମଥାରେ ତିଳକ ଲଗାଇଥିଲେ ରାଜନାଥ । ଦେଶସେବାରେ ନିୟୋଜିତ ସେନା ବାହିନୀଙ୍କ ସହ କଥା ହୋଇ ମନୋବଳ ବଢାଇଥିଲେ । ରାଜନାଥ କହିଛନ୍ତି, ଶସ୍ତ୍ର ପୂଜା ଏକ ଅନନ୍ୟ ପରମ୍ପରା । ଆଜିର ଦିନରେ ରାବଣଙ୍କୁ ବଧ କରିଥିଲେ ରାମ । ଅସତ୍ୟ ଉପରେ ସତ୍ୟର ବିଜୟ ହୋଇଥିଲା । ଭଗବାନ ରାମଙ୍କ ସେଇ ପ୍ରେରଣା ଆମ ସେନା ମଧ୍ୟରେ ମୁଁ ଦେଖୁଛି । ଘୃଣା କି ହିଂସା ଭାବରୁ ପ୍ରେରିତ ହୋଇ ଆମେ କୌଣସି ଦେଶ ସହ ଆଜି ଯାଏଁ ଯୁଦ୍ଧ କରିନୁ । ଇଏ ଆମ ଭାରତବାସୀଙ୍କ ସଂସ୍କାର । ଏହାକୁ ଆଗକୁ ବି ଆମେ ବଜାୟ ରଖିବୁ, ବିଜୟା ଦଶମୀରେ ଏଇ ସଂକଳ୍ପ ନେବା । ଭାରତର ସୈନ୍ୟବଳର ସାମର୍ଥ୍ୟ ବିଶ୍ବର ପ୍ରତି କୋଣ ଅନୁକୋଣରେ ମୁଖରିତ ହେବ ।