ଅର୍ଗସ ବ୍ୟୁରୋ: ଦିଲ୍ଲୀରେ କୋଚିଂ ସେଣ୍ଟରରେ ତିନି ପରୀକ୍ଷାର୍ଥୀଙ୍କ ମୃତ୍ୟୁକୁ ଗୁରୁତର ସହ ନେଇଛନ୍ତି ସୁପ୍ରିମକୋର୍ଟ । ଏନେଇ ସୁପ୍ରିମକୋର୍ଟ ନିଜ ଆଡୁ କେନ୍ଦ୍ର ସରକାର ଓ ଦିଲ୍ଲୀ ସରକାରଙ୍କୁ ଜାରି କରିଛନ୍ତି ନୋଟିସ । ଦେଶର ବିଭିନ୍ନ ସ୍ଥାନରୁ ଆସିଥିବା ଛାତ୍ରଛାତ୍ରୀଙ୍କ ଜୀବନ ସହ କୋଚିଂ ସେଣ୍ଟର ଗୁଡିକ ଖେଳୁଛନ୍ତି । ଦିଲ୍ଲୀରେ ହୋଇଥିବା ମର୍ମନ୍ତୁଦ ଘଟଣା ସମସ୍ତଙ୍କର ଆଖି ଖୋଲି ଦେଇଛି । 

ବିନା ସୁରକ୍ଷା ବ୍ୟବସ୍ଥାରେ କୌଣସି କୋଚିଂ ସେଣ୍ଟର ଗୁଡିକୁ ଚାଲିବାକୁ ଅନୁମତି ଦିଆଯିବା ଉଚିତ୍ ନୁହେଁ । କୋଚିଂ ସେଣ୍ଟର ଗୁଡିକ ମୃତ୍ୟୁର ଯନ୍ତା ପାଲଟିଛି । ସେପଟେ ରାଜେନ୍ଦ୍ର ନଗର କୋଚିଂ ସେଣ୍ଟର ମୃତ୍ୟୁ ଘଟଣାର ତଦନ୍ତ ସିବିଆଇକୁ ଦିଆଯାଇଛି । ପୂର୍ବରୁ ଏହାର ତଦନ୍ତ ଦିଲ୍ଲୀ ପୋଲିସ କରୁଥିଲା । ଦିଲ୍ଲୀ ରାଜେନ୍ଦ୍ର ନଗର କୋଚିଂ ସେଣ୍ଟରର ଗ୍ରାଉଣ୍ଡ ଫ୍ଲୋରରେ ପାଣି ପଶି ତିନି ୟୁପିଏସସି ପ୍ରସ୍ତୁତି କରୁଥିବା ଛାତ୍ରଛାତ୍ରୀଙ୍କ ମୃତ୍ୟୁ ହୋଇଥିଲା । 

ଆହୁରି ପଢନ୍ତୁ ଭାରତ ଖବର...