Argus News - ଦିଲ୍ଲୀରେ ୪ ମୋଷ୍ଟ ଓ୍ବାଣ୍ଟେଡ୍‌ ଗ୍ୟାଙ୍ଗଷ୍ଟରଙ୍କୁ ଏନ୍‌କାଉଣ୍ଟର

ଅଶାନ୍ତ ରାଜଧାନୀ । ରକ୍ତରଞ୍ଜିତ ହେଲା ଦିଲ୍ଲୀ । ଦିଲ୍ଲୀ କ୍ରାଇମବ୍ରାଞ୍ଚ ଓ ଅପରାଧୀଙ୍କ ମଧ୍ୟରେ ଗୁଳି ବିନିମୟ। ୪ ଗ୍ୟାଙ୍ଗଷ୍ଟରଙ୍କୁ ଏନ୍‌କାଉଣ୍ଟର । ଦିଲ୍ଲୀରେ ୪ ମୋଷ୍ଟ ଓ୍ବାଣ୍ଟେଡ୍‌ ଗ୍ୟାଙ୍ଗଷ୍ଟରଙ୍କୁ ଏନ୍‌କାଉଣ୍ଟର । ନୂଆଦିଲ୍ଲୀର ରୋହିଣୀରେ ବିହାରର ୪ ଗ୍ୟାଙ୍ଗଷ୍ଟରଙ୍କୁ ଏନ୍‌କାଉଣ୍ଟର । ଦିଲ୍ଲୀ ପୋଲିସ କ୍ରାଇମବ୍ରାଞ୍ଚ ଏବଂ ବିହାର ପୋଲିସର ମିଳିତ ଅପରେସନ । ପୋଲିସ ଓ ଅପରାଧୀଙ୍କ ମଧ୍ୟରେ ଜୋରଦାର ଗୁଳିବିନିମୟ ହୋଇଥିଲା । ସିଗ୍ମା ଆଣ୍ଡ କମ୍ପାନୀ ଗ୍ୟାଙ୍ଗର ମୁଖ୍ୟ ରଞ୍ଜନ ପାଠକ ନିହତ । ଏହି ୪ ଅପରାଧୀ ବହୁ ସଙ୍ଗୀନ ଅପରାଧରେ ଜଡିତ ଥିଲେ । ବିହାର ନିର୍ବାଚନ ପୂର୍ବରୁ ଦିଲ୍ଲୀ ପୋଲିସକୁ ବଡ଼ ସଫଳତା । ଅପରାଧୀମାନେ ବିହାର ନିର୍ବାଚନ ବେଳେ ଆତଙ୍କ ସୃଷ୍ଟି କରିବାକୁ ଲକ୍ଷ୍ୟ ରଖିଥିଲେ ।

ସୂଚନାନୁଯାୟୀ ଦିଲ୍ଲୀ ପୋଲିସ କ୍ରାଇମବ୍ରାଞ୍ଚ ଏବଂ ବିହାର ପୋଲିସର ଏକ ଦଳ ଏହି ଏନକାଉଣ୍ଟର କରିଥିଲା । ସୂତ୍ର ଅନୁଯାୟୀ, ପୋଲିସ ସୂଚନା ପାଇଥିଲା ଯେ ବିହାରରେ ସକ୍ରିୟ ଏହି ଗ୍ୟାଙ୍ଗ ଦିଲ୍ଲୀରେ ଏକ ବଡ଼ ଅପରାଧ ଯୋଜନା କରୁଛି। ବୁଧବାର ବିଳମ୍ବିତ ରାତିରେ କ୍ରାଇମବ୍ରାଞ୍ଚ ଏବଂ ବିହାର ପୋଲିସର ଏକ ଦଳ ରୋହିଣୀ ସେକ୍ଟର-୨୮ ଅଞ୍ଚଳକୁ ଘେରାବନ୍ଦୀ କରିଥିଲା ।

#WATCH | Delhi | Delhi Police Crime Branch, in coordination with Bihar Police, shot dead four members of Bihar's notorious Ranjan Pathak gang during an encounter in Rohini at around 2:20 AM. Acting on specific intelligence inputs that the gang members were planning to carry out a… pic.twitter.com/RZ3juyliGO

— ANI (@ANI) October 23, 2025

ପୋଲିସ ରାତି ପ୍ରାୟ ୨:୨୦ ରେ ଏକ ସନ୍ଦିଗ୍ଧ କାରକୁ ଅଟକାଇବାକୁ ଚେଷ୍ଟା କରିଥିଲା । କାରରେ ଥିବା ଅପରାଧୀମାନେ ହଠାତ୍ ଗୁଳି ଚଳାଇଥିଲେ। ପ୍ରତିଶୋଧ ସ୍ୱରୂପ, ପୋଲିସ ମଧ୍ୟ ଗୁଳି ଚଳାଇଥିଲା। ପ୍ରାୟ ୧୫ ମିନିଟ୍ ଧରି ପ୍ରବଳ ଗୁଳି ବିନିମୟ ହୋଇଥିଲା। ଗୁଳିବିନିମୟ ସମୟରେ ସମସ୍ତ ଚାରି ଅପରାଧୀଙ୍କୁ ଗୁଳି କରାଯାଇଥିଲା ।

ସେମାନଙ୍କୁ ତୁରନ୍ତ ରୋହିଣୀର ଡକ୍ଟର ଭୀମରାଓ ଆମ୍ବେଦକର ହସ୍ପିଟାଲ (BSA)କୁ ନିଆଯାଇଥିଲା, ଯେଉଁଠାରେ ଡାକ୍ତରମାନେ ସେମାନଙ୍କୁ ମୃତ ଘୋଷଣା କରିଥିଲେ। ଏନକାଉଣ୍ଟର ସ୍ଥଳରୁ ବିପୁଳ ପରିମାଣର ଅସ୍ତ୍ରଶସ୍ତ୍ର, ଗୁଳିଗୋଳା ସହ ଏକ ବିଳାସପୂର୍ଣ୍ଣ କାର ଉଦ୍ଧାର କରାଯାଇଥିଲା।


ଅଧିକ ପଢ଼ନ୍ତୁ ବିଦେଶ ଖବର...