'ତିନୋଟି ବୋମା ରଖିଛୁ, କିଛି ସମୟରେ ଫାଟିବ...' ଇମେଲ୍କୁ ନେଇ ଦିଲ୍ଲୀ ହାଇକୋର୍ଟରେ ଆଲର୍ଟ
Key Points
ବୋମା ଧମକ ମିଳିବା ପରେ ଶୁକ୍ରବାର ଦିଲ୍ଲୀ ହାଇକୋର୍ଟକୁ ଖାଲି କରି ଦିଆଯାଇଛି । ଫଳରେ ଦିଲ୍ଲୀ ହାଇକୋର୍ଟରେ ବାଧାପ୍ରାପ୍ତ ହୋଇଛି ଆଜି ହେବାକୁ ଥିବା ବିଭିନ୍ନ ମାମଲାର ଶୁଣାଣି ।
ନୂଆଦିଲ୍ଲୀ: ଅଧାରୁ ବନ୍ଦ ହେଲା ଶୁଣାଣି, ଖାଲି ହେଲା ହାଇକୋର୍ଟ । ବୋମା ଧମକ ମିଳିବା ପରେ ଶୁକ୍ରବାର ଦିଲ୍ଲୀ ହାଇକୋର୍ଟକୁ ଖାଲି କରି ଦିଆଯାଇଛି । ଫଳରେ ଦିଲ୍ଲୀ ହାଇକୋର୍ଟରେ ବାଧାପ୍ରାପ୍ତ ହୋଇଛି ଆଜି ହେବାକୁ ଥିବା ବିଭିନ୍ନ ମାମଲାର ଶୁଣାଣି ।
ସୂଚନା ଦିଲ୍ଲୀ ହାଇକୋର୍ଟକୁ ଉଡ଼ାଇ ଦେବାକୁ ଏକ ଇମେଲ୍ ଆସିଥିଲା । ବିଜୟ ଶର୍ମା ନାମକ କେହି ଜଣେ ବ୍ୟକ୍ତି ଓକିଲ ଆରଜି ଅରୁଣ ଭରଦ୍ଵାଜଙ୍କୁ ଧମକ ପୂର୍ଣ୍ଣ ଇମେଲ୍ ପଠାଇଥିଲେ । ଯେଉଁଥିରେ ଲେଖାଥିଲା, ହାଇକୋର୍ଟ କମ୍ପ୍ଲେକ୍ସରେ ୩ଟି ବୋମା ରଖାଯାଇଛି, କିଛି ସମୟରେ ଫାଟିବ ।
ଆଉ ଏହି ଧମକପୂର୍ଣ୍ଣ ଇମେଲ୍ ପରେ ହାଇକୋର୍ଟକୁ ଆଲର୍ଟରେ ରଖାଯାଇଛି । ଧମକ ପରେ କୋର୍ଟରୁମ୍ରେ ଭିଡ଼ ବଢ଼ି ଯାଇଥିବା ବେଳେ ସୁରକ୍ଷାକର୍ମୀ ଲୋକଙ୍କୁ ହାଇକୋର୍ଟ ପରିସର ବାହାରକୁ ଯିବାକୁ ନିବେଦନ କରିଛନ୍ତି । ଦିଲ୍ଲୀ ପୋଲିସ ସହ ବୋମା ନିଷ୍କ୍ରିୟକାରୀ ଟିମ୍ ଛାନଭିନ୍ କରୁଛି । ତେବେ ଏବେ ପର୍ଯ୍ୟନ୍ତ କୌଣସି ସନ୍ଦିଗ୍ଧ ସାମଗ୍ରୀ କୋର୍ଟ ପରିସରରୁ ମିଳିନାହିଁ ।
📱 Get Argus News App
✨
ସୂଚନା ଯୋଗ୍ୟ, ଦିଲ୍ଲୀରେ ଏଭଳି ବୋମା ଧମକ ନୂଆ ନୁହେଁ । ବିଗତ ମାସ ଗୁଡ଼ିକରେ ମଧ୍ୟ ଦିଲ୍ଲୀ-ଏନସିଆର ସହ ଦେଶର ଅନେକ ସହରରେ ଥିବା ସ୍କୁଲ୍କୁ ବୋମାରେ ଉଡ଼ାଇ ଦେବାକୁ ଧମକ ମିଳିଥିଲା । ଇମେଲ୍ରେ ଧମକ ପରେ ସ୍କୁଲରେ ଯାଞ୍ଚ କରାଯାଇଥିବା ବେଳେ କିଛି ମିଳି ନଥିଲା ।
ଏବେ ଦିଲ୍ଲୀ ହାଇକୋର୍ଟକୁ ବୋମା ଧମକ ମିଳିବା ପରେ କୋର୍ଟ କାର୍ଯ୍ୟକୁ ସ୍ଥଗତି ରଖାଯାଇଛି । ଦିନ ୨ଟା ୩୦ ପରେ କୋର୍ଟ କାର୍ଯ୍ୟ ପୁଣି ଥରେ ଆରମ୍ଭ ହେବ ବୋଲି ଜଣାପଡ଼ିଛି । ଏବେ କୋର୍ଟ ପରିସରରେ ସୁରକ୍ଷାକର୍ମୀ ଛାନଭିନ୍ କରୁଥିବା ବେଳେ କୌଣସି ସନ୍ଦିଗ୍ଧ ବସ୍ତୁ ମିଳି ନାହିଁ ।