ଶାଶୁକୁ ୧୯ ପିସ୍ କରି ପଲିଥିନରେ ଫିଙ୍ଗିଦେଲେ ଡାକ୍ତର ଜ୍ଵାଇଁ

ଜଘନ୍ୟ, ଅମାନବୀୟ, ଲୋମଟାଙ୍କୁରା ହତ୍ୟାକାଣ୍ଡ । ଶାଶୁକୁ ପିସ୍ ପିସ୍ କରି କାଟି ପଲିଥିନ୍‌ରେ ଗୁଡାଇ ରାସ୍ତାରେ ଫୋପାଡି ଦେଇଥିଲେ ଡାକ୍ତର ଜ୍ଵାଇଁ । କାହାରିକୁ ନଜଣାଇ ପ୍ଲାନିଂ କରି ଏପରି ହତ୍ୟା କରିଥିଲେ ଜ୍ଵାଇଁ । ଏପରି ଅଭାବନୀୟ ହତ୍ୟା ଘଟଣା ଦେଖିବାକୁ ମିଳିଛି କର୍ଣ୍ଣାଟକର ତୁମକୁରୁ ଜିଲ୍ଲାରେ ।

ମୃତ ମହିଳା ଜଣକ ହେଉଛନ୍ତି ୪୨ ବର୍ଷୀୟ ଲକ୍ଷ୍ମୀଦେବୀ । ଲକ୍ଷ୍ମୀଦେବୀ ଅଗଷ୍ଟ ୪ ତାରିଖରେ ନିଜ ଝିଅଘର ହନୁମନ୍ତପୁରା ଯାଇଥିଲେ । ଆଉ ସେବେଠାରେ ସେ ନିଖୋଜ ଥିଲେ । ତାଙ୍କର ସ୍ଵାମୀ ବସବରାଜ ଏନେଇ ପୋଲିସରେ ଏଫଆଇଆର ମଧ୍ୟ ଦେଇଥିଲେ । ତଦନ୍ତରୁ ଜଣା ପଡିଥିଲା ଲକ୍ଷ୍ମୀଦେବୀଙ୍କ ଜ୍ଵାଇଁ ଡା. ରାମଚନ୍ଦ୍ରପା ତାଙ୍କୁ ଏପରି ହତ୍ୟା କରିଛନ୍ତି ।

ତାଙ୍କୁ ଗିରଫ କରିବା ପରେ ସେ ସବୁକିଛି ସତ ମାନିଛନ୍ତି । ରାମଚନ୍ଦ୍ରପା ହେଉଛନ୍ତି ଜଣେ ଡେଣ୍ଟିଷ୍ଟ । ତାଙ୍କର ଡିଭୋର୍ସ ପରେ ସେ ଲକ୍ଷ୍ମୀଦେବୀଙ୍କ ଝିଅଙ୍କୁ ବିବାହ କରିଥିଲେ । ବାହାଘର ପରେ ନିଜ ଝିଅ ପରିବାରର ପର୍ତି କଥାରେ ମୁଣ୍ଡ ପୁରାଉଥିଲେ ଲକ୍ଷ୍ମିଦାବୀ । ତାଙ୍କ ଜ୍ଵାଇଁ କହିଛନ୍ତି, ଲକ୍ଷ୍ମିଦେବୀଙ୍କ ପାଇଁ ହିଁ ତାଙ୍କ ବୈବାହିକ ଜୀବନରେ ଝଡ ସୃଷ୍ଟି ହେଉଥିଲା । ନିଜ ସ୍ତ୍ରୀକୁ ମନା କରିବା ପରେ ମଧ୍ୟ ସେ ତାଙ୍କ ମାଆଙ୍କ କଥା ଶୁଣୁଥିଲେ । ଆଉ ତାଙ୍କ ଶାଶୁ ତାଙ୍କୁ ସବୁବେଳେ ସନ୍ଦେହ ନଜରରେ ଦେଖିବା ସହ ତାଙ୍କୁ ସମସ୍ତଙ୍କ ସାମ୍ନାରେ ଯାହାକୁ ନେଇ ଖୁବ ରାଗି ଯାଇଥିଲେ ଜ୍ଵାଇଁ । ଆଉ ଏକୁଟିଆର ସୁଯୋଗ ନେଇ ସେ ତାଙ୍କ ଘରକୁ ଆସୁଥିବା ବାଟରେ ରାମଚନ୍ଦ୍ରପା ନିଜର ୨ ଜଣ ସାଙ୍ଗଙ୍କ ସହ ମିଶି ତାଙ୍କୁ ହତ୍ୟା କରିଥିଲେ । ପରେ ତାଙ୍କର ଶରୀରକୁ କାଟି ପିସ ପିସ କରି ୧୯ ଖଣ୍ଡ କରି ଦେଇଥିଲେ । ଆଉ ଛୋଟଛୋଟ ଖଣ୍ଡକୁ କଳା ପଲିଥିନରେ ବାନ୍ଧି ଅଲଗା ଅଲଗା ସ୍ଥାନରେ ଫୋପାଡି ଦେଇଥିଲେ ।

ପୋଲିସ ତଦନ୍ତ କରିବା ପରେ ୭ ଅଗଷ୍ଟରେ ଲକ୍ଷ୍ମୀଦେବୀଙ୍କ ଶରୀରର ଅଲଗା ଅଲଗା ଖଣ୍ଡ ପଲିଥିନରେ ବନ୍ଧା ହୋଇ ପଡିଥିବା ଦେଖିବାକୁ ମିଳିଥିଲା । ପ୍ରମାଣ ଲୁଚାଇବାକୁ ଶରୀରକୁ କାଟି ଏମିତି କରିଥିଲେ ରାମଚନ୍ଦ୍ରପା । ହେଲେ ପୋଲିସ ପ୍ରମାଣ ଖୋଜିବାକୁ ଯାଇଁ ଜ୍ଵାଇଁ ରାମଚନ୍ଦ୍ରପାଙ୍କୁ ଗିରଫ କରିଛି । ତାଙ୍କ ସହ ବାକି ୨ ଜଣ ସହଯୋଗୀଙ୍କୁ ମଧ୍ୟ ଗିରଫ କରିଛି ପୋଲିସ ।