ଦୁଇ ଦିନିଆ ୟୁଏଇ ଗସ୍ତରେ କେନ୍ଦ୍ର ଶିକ୍ଷାମନ୍ତ୍ରୀ । ପ୍ରଥମ ଦିନରେ ଆବୁଧାବିର ଶିକ୍ଷା ଏବଂ ଜ୍ଞାନ ବିଭାଗର ଅଧ୍ୟକ୍ଷା ସାରା ମୁସଲ୍ଲମଙ୍କ ସହ ଆଲୋଚନା କରିଛନ୍ତି ଧର୍ମେନ୍ଦ୍ର ପ୍ରଧାନ ।

IIT ଦିଲ୍ଲୀ ଆବୁଧାବି ପ୍ରତିଷ୍ଠାରେ ସମସ୍ତ ସହଯୋଗ ପାଇଁ ଏବଂ UAEରେ ଭାରତୀୟ ପାଠ୍ୟକ୍ରମ ଅନୁସରଣ କରୁଥିବା ବିଦ୍ୟାଳୟ ଗୁଡ଼ିକୁ ସହାୟତା ପାଇଁ ସାରା ମୁସଲ୍ଲମଙ୍କଙ୍କୁ ଧନ୍ୟବାଦ ଜଣାଇଛନ୍ତି ଧର୍ମେନ୍ଦ୍ର । ଭାରତର ବିଦ୍ୟାଳୟ ଗୁଡ଼ିକରେ କୌତୁହଳ ଏବଂ ସୃଜନ ଶୀଳତାକୁ ପ୍ରୋତ୍ସାହିତ କରିବାରେ ଅଟଳ ଟିଙ୍କରିଂ ଲ୍ୟାବ୍ସର ସଫଳତା ଏବଂ UAEରେ ଅଟଳ ଇନୋଭେସନ୍ ଲ୍ୟାବ୍ସ କାର୍ଯ୍ୟକାରୀ କରିବା ପାଇଁ ଭାରତୀୟ ବିଦ୍ୟାଳୟ ଗୁଡ଼ିକର ଯୋଜନାକୁ ଅଂଶୀଦାର କରିଛି ।

ଶିକ୍ଷା କ୍ଷେତ୍ରରେ ଆମ ସହଯୋଗକୁ ଆହୁରି ବିସ୍ତାର କରିବା ଉପରେ ଉତ୍ପାଦନକ୍ଷମ ଆଲୋଚନା ହୋଇଛି । ଯେଉଁଥିରେ ଭାରତୀୟ ପ୍ରବାସୀମାନଙ୍କର ଶିକ୍ଷାଗତ ଆବଶ୍ୟକତା ପୂରଣ କରିବା ପାଇଁ UAEରେ ଅଧିକ ଭାରତୀୟ ପାଠ୍ୟକ୍ରମ-ଭିତ୍ତିକ ବିଦ୍ୟାଳୟ ଖୋଲିବା ଏବଂ ସ୍କୁଲ ସ୍ତରରୁ ହିଁ ଦୁଇ-ପାଖ ଛାତ୍ର ଆଦାନ ପ୍ରଦାନକୁ ସୁବିଧା ଯୋଗାଇବା ଅନ୍ତର୍ଭୁକ୍ତ ।

ଆବୁଧାବି କ୍ୟାମ୍ପସରେ ପହଞ୍ଚିବା ପରେ ଧର୍ମେନ୍ଦ୍ର ପ୍ରଧାନଙ୍କୁ ବିପୁଳ ସ୍ୱାଗତ ସମ୍ବର୍ଦ୍ଧନା ଦିଆଯାଇଥିଲା । IIT ଦିଲ୍ଲୀ ଆବୁଧାବି କ୍ୟାମ୍ପସକୁ ଧର୍ମେନ୍ଦ୍ରଙ୍କ ଏହା ଦ୍ୱିତୀୟ ଗସ୍ତ । IIT ଦିଲ୍ଲୀର ପ୍ରତିଷ୍ଠିତ ଐତିହ୍ୟ ସହିତ, ଏହି ପ୍ରତିଷ୍ଠାନ ଜ୍ଞାନ ଏବଂ ଗବେଷଣାର ଏକ ଆଲୋକମାଳ । ଏହା ଭାରତ-UAE ଜ୍ଞାନ ସହଭାଗୀର ଏକ ଆଲୋକମାଳ ଭାବେ କାର୍ଯ୍ୟ କରେ ବୋଲି ନିଜ 'ଏକ୍ସ' ଆକାଉଣ୍ଟରେ ପୋଷ୍ଟ କରି କହିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ।

Pleasure meeting H.E. Sara Musallam, Chairperson, Abu Dhabi Department of Education and Knowledge (ADEK) today afternoon.

Thanked her and @ADEK_tweet for all the cooperation extended in establishing @iitdelhi Abu Dhabi and also for the support being extended to schools… pic.twitter.com/ROQm6M8MO2

— Dharmendra Pradhan (@dpradhanbjp) September 10, 2025