ଦେଶବାସୀଙ୍କ ପାଇଁ ଗର୍ବର ମୁହୂର୍ତ୍ତ। ୟୁନେସ୍କୋ ଅମୂଲ୍ୟ ସାଂସ୍କୃତିକ ଐତିହ୍ୟ ତାଲିକାରେ ସ୍ଥାନିତ ହୋଇଛି ଆଲୋକର ପର୍ବ ଦୀପାବଳି । ଲାଲକିଲ୍ଲାରେ ଆୟୋଜିତ ୟୁନେସ୍କୋ ସମାରୋହରେ ଏହି ବଡ଼ ଘୋଷଣା ପରେ ଖୁସିବ୍ୟକ୍ତ କରିଛନ୍ତି ପ୍ରଧାନମନ୍ତ୍ରୀ ମୋଦି । ଦୀପାବଳିକୁ ଆମ ସଭ୍ୟତାର ଆତ୍ମା ବୋଲି ଏକ୍ସ ପୋଷ୍ଟରେ ଲେଖିବା ସହ ପ୍ରଭୁ ଶ୍ରୀରାମଙ୍କ ଆଦର୍ଶ ଅନନ୍ତକାଳ ପାଇଁ ଆମକୁ ମାର୍ଗଦର୍ଶନ କରୁ ବୋଲି ଉଲ୍ଲେଖ କରିଛନ୍ତି ପ୍ରଧାନମନ୍ତ୍ରୀ । ରାଷ୍ଟ୍ରର ସାଂସ୍କୃତିକ, ଆଧ୍ୟାତ୍ମିକ ଚେତନାର ପ୍ରତିଷ୍ଠାକୁ ସମ୍ମାନ ମିଳିଥିବା କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।

ଭାରତୀୟ ପରମ୍ପରାକୁ ବୈଶ୍ବିକ ସ୍ବୀକୃତି । UNESCOର ଅମୂଲ୍ୟ ସାଂସ୍କୃତିକ ଐତିହ୍ୟ ତାଲିକାରେ ସ୍ଥାନିତ ଆଲୋକର ପର୍ବ ଦୀପାବଳି । ଆନୁଷ୍ଠାନିକ ଭାବରେ ୟୁନେସ୍କୋର ସାଂସ୍କୃତିକ ଐତିହ୍ୟ ତାଲିକାରେ ଦୀପାବଳିକୁ ସ୍ଥାନ ମିଳିବା ପରେ ଖୁସି ବ୍ୟକ୍ତ କରିଛନ୍ତି ପ୍ରଧାନମନ୍ତ୍ରୀ ମୋଦି । ଦୀପାବଳିକୁ ଆମ ସଭ୍ୟତାର ଆତ୍ମା ବୋଲି ଏକ୍ସ ପୋଷ୍ଟରେ ଲେଖିବା ସହ ପ୍ରଭୁ ଶ୍ରୀରାମଙ୍କ ଆଦର୍ଶ ଅନନ୍ତକାଳ ପାଇଁ ଆମର ମାର୍ଗଦର୍ଶନ କରୁ ବୋଲି ଉଲ୍ଲେଖ କରିଛନ୍ତି ପ୍ରଧାନମନ୍ତ୍ରୀ । ଦୀପୋତ୍ସବ ଭାରତର ଦିବ୍ୟ ସାଂସ୍କୃତିକ ଗାରିମାକୁ ଆଲୋକିତ କରୁଥିବା ଲେଖିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ନୂଆଦିଲ୍ଲୀର ଐତିହାସିକ ଲାଲକିଲ୍ଲାରେ ଅନୁଷ୍ଠିତ ୟୁନେସ୍କୋର ଆନ୍ତଃସରକାରୀ କମିଟିର ୨୦ତମ ଅଧିବେଶନରେ ଏହି ବଡ଼ ଘୋଷଣା ହୋଇଛି ।

ଭାରତ ପାଇଁ ଗର୍ବର ମୁହୂର୍ତ୍ତ। ପ୍ରଥମ ଥର ପାଇଁ ଡିସେମ୍ବର ୮ ତାରିଖରୁ ଦେଶରେ ୟୁନେସ୍କୋ ବୈଠକ ଆୟୋଜିତ ହୋଇଥିବା ବେଳେ ରାଷ୍ଟ୍ରର ସାଂସ୍କୃତିକ ପ୍ରତୀକ ଦୀପାବଳି ୟୁନେସ୍କୋର ଅଂଶ ହୋଇଛି। ଲାଲକିଲ୍ଲାରେ ଆସନ୍ତା ୧୩ ତାରିଖ ପର୍ଯ୍ୟନ୍ତ ଚାଲିବ ୟୁନେସ୍କୋ ବୈଠକ । ୟୁନେସ୍କୋ ICH‌ ତାଲିକାରେ ଦୀପାବଳି ସାମିଲ ଘୋଷଣା ପରେ ବୈଠକ ଗୃହରେ ଗୁଞ୍ଜରିତ ହୋଇଛି ବନ୍ଦେ ମାତରମ୍ ଓ ଭାରତ ମାତା କି ଜୟ ଧ୍ୱନି । ଦେଶବାସୀଙ୍କୁ ଏହି ଘୋଷଣା ଗର୍ବିତ କରିଛି ।

ୟୁନେସ୍କୋ ବର୍ତ୍ତମାନ୍ ପର୍ଯ୍ୟନ୍ତ ୧୫ଟି ଭାରତୀୟ ସାଂସ୍କୃତିକ ଐତିହ୍ୟ ସ୍ଥାନକୁ ସାଂସ୍କୃତିକ ତାଲିକାରେ ସାମିଲ କରିଛି। ଏହାମଧ୍ୟରେ ରହିଛି କୁମ୍ଭମେଳା, ପଶ୍ଚିମବଙ୍ଗ ଦୁର୍ଗା ପୂଜା, ଗୁଜରାଟର ଗରବା, ଯୋଗ, ରାମଲୀଳା, ବୈଦିକ ମନ୍ତ୍ର ଉଚ୍ଚାରଣ, ରାମାୟଣର ପାରମ୍ପରିକ ପ୍ରଦର୍ଶନ । ୟୁନେସ୍କୋର ଅମୂଲ୍ୟ ଐତିହ୍ୟ ତାଲିକାର ଏକ ଅଂଶ ହେବା ପରେ ଦୀପାବଳି ବିଶ୍ୱବ୍ୟାପୀ ଆହୁରି ଅଧିକ ଲୋକପ୍ରିୟତା ହାସଲ କରିବ ବୋଲି ଆଶାବ୍ୟକ୍ତ କରିଛନ୍ତି ।