ଜମ୍ମୁ-କଶ୍ମୀରର ବିଭିନ୍ନ ଅଞ୍ଚଳରେ "ଆଜାଦୀ କା ଅମୃତ ମହୋତ୍ସବ" ଅନ୍ତର୍ଗତ "ହର ଘର ତ୍ରିରଙ୍ଗା" ଅଭିଯାନରେ ତ୍ରିରଙ୍ଗା ରାଲି କରାଯାଉଛି । ଏହି କ୍ରମରେ ଡୋଡାରେ ଦେଖିବାକୁ ମିଳିଥିଲା ବିଶାଳ ତ୍ରିରଙ୍ଗା ରାଲି । ଯେଉଁଥିରେ ଛାତ୍ରଛାତ୍ରୀଙ୍କ ସହ ସାମିଲ ହୋଇଥିଲେ ହଜାର ହଜାର ଲୋକେ । ୧୫୦୮ ମିଟର ଲମ୍ବର ଏହି ତ୍ରିରଙ୍ଗା ଥିଲା । ଏଥରେ ସମସ୍ତେ ହଜାର ହଜାର ଲୋକ ସାମିଲ୍ ହୋଇ ଜାତୀୟ ଅଭିଯାନ ପ୍ରତି ଦେଶପ୍ରେମ ଏବଂ ଆନୁଗତ୍ୟର ଭାବନା ପ୍ରଦର୍ଶନ କରିଥିଲେ ।

କାଶ୍ମୀରର ସ୍କୁଲ, ୱାର୍ଡ ଏବଂ ପଞ୍ଚାୟତ ସମେତ ସୀମାନ୍ତ ଅଞ୍ଚଳ ଗୁଡ଼ିକରେ ଦେଶପ୍ରେମର ଉତ୍ସାହ ଏବଂ ଜନଭାଗୀଦାରୀର ଏକ ପ୍ରଭାବଶାଳୀ ଲହରୀ ପରିଲକ୍ଷିତ ହେଉଛି । ଏହି ତ୍ରିରଙ୍ଗା ରାଲି ଏକତା, ସୃଜନଶୀଳତା ଏବଂ ଦେଶପ୍ରେମର ଉତ୍ସାହକୁ ପ୍ରତିଫଳିତ କରୁଛି ।

ଆଉ ଦିନ କେଇଟା ପରେ ଦେଶ ପାଳିବ ସ୍ବାଧୀନତା ଦିବସ । ଏନେଇ ପଲ୍ଲୀରୁ ରାଜଧାନୀ ଦିଲ୍ଲୀ ପର୍ଯ୍ୟନ୍ତ ଆରମ୍ଭ ହୋଇଗଲାଣି ପ୍ରସ୍ତୁତି । ପ୍ରଧାନମନ୍ତ୍ରୀଙ୍କ "ହର ଘର ତ୍ରିରଙ୍ଗା" ଆହ୍ୱାନରେ ପ୍ରତି ଘରେ ତ୍ରିରଙ୍ଗା ଉ଼ଡାଇବାକୁ ଆହ୍ୱାନ କରାଯାଇଛି।