ଦାୟିତ୍ବ ଗ୍ରହଣ କଲେ ଇସ୍ରୋର ନୂଆ ଅଧ୍ୟକ୍ଷ
Key Points
ଏସ୍ .ସୋମନାଥଙ୍କ ସ୍ଥାନ ନେଲେ ବିଶିଷ୍ଟ ବୈଜ୍ଞାନିକ ଭି.ନାରାୟଣନ୍ ।
ଅର୍ଗସ ବ୍ୟୁରୋ: ଏସ୍ .ସୋମନାଥଙ୍କ ସ୍ଥାନ ନେଲେ ବିଶିଷ୍ଟ ବୈଜ୍ଞାନିକ ଭି.ନାରାୟଣନ୍ । ଭାରତୀୟ ମହାକାଶ ଗବେଷଣା ପ୍ରତିଷ୍ଠାନ ବା ଇସ୍ରୋର ନୂଆ ଅଧ୍ୟକ୍ଷ ଭାବରେ ଦାୟିତ୍ୱ ଗ୍ରହଣ କରିଛନ୍ତି ଭି.ନାରାୟଣନ୍ । ସୋମବାର ଅପରାହ୍ନରେ ଦାୟିତ୍ବ ଗ୍ରହଣ କରିଛନ୍ତି ଇସ୍ରୋର ନୂଆ ଅଧ୍ୟକ୍ଷ । ନାରାୟଣନ୍ ଆସନ୍ତା ଦୁଇ ବର୍ଷ ପାଇଁ ଏହି ଗୁରୁତ୍ବପୂର୍ଣ୍ଣ ପଦରେ ରହିବେ। ପୂର୍ବରୁ ସେ ଇସ୍ରୋର ଜଣେ ପ୍ରତିଷ୍ଠିତ ବୈଜ୍ଞାନିକ ଭାବେ ଏଲପିଏସସିର ଅଧ୍ୟକ୍ଷ ଭାବେ କାର୍ଯ୍ୟ କରୁଥିଲେ ।
୧୯୮୪ରେ ଇସ୍ରୋରେ ଯୋଗ ଦେଇ ପ୍ରାୟ ୪୦ ବର୍ଷ ଧରି ବୈଜ୍ଞାନିକ ଭାବେ କାର୍ଯ୍ୟ କରିଛନ୍ତି ନାରାୟଣନ୍ । ଇସ୍ରୋ ଅଧ୍ୟକ୍ଷ ହେବା ପୂର୍ବରୁ ନାରାୟଣନ ଭଲିଆମାଲାରେ ଅବସ୍ଥିତ ଲିକ୍ୱିଡ୍ ପ୍ରପଲ୍ୟୁସନ୍ ସିଷ୍ଟମ୍ ସେଣ୍ଟର ବା LPSC ର ନିର୍ଦ୍ଦେଶକ ଭାବରେ କାର୍ଯ୍ୟ କରି ସାରିଛନ୍ତି। ଜିଏସଏଲଭି ଏମ୍ କେ-୩ ପାଇଁ ଆବଶ୍ୟକ ସିଇ-୨୦ କ୍ରାୟୋଜେନିକ୍ ଇଞ୍ଜିନ୍ ତିଆରିରେ ନାରାୟଣନଙ୍କର ଥିଲା ପ୍ରମୁଖ ଭୂମିକା । ଦେଶକୁ ଚନ୍ଦ୍ରଯାନ-୩ର ଐତିହାସିକ ସଫଳତା ଦେଇଥିବା ଇସ୍ରୋ ମୁଖ୍ୟ ଏସ୍ .ସୋମନାଥଙ୍କ କାର୍ଯ୍ୟକାଳ ଗତକାଲି ଶେଷ ହୋଇଥିଲା । ୧୪ ଜାନୁଆରୀ ୨୦୨୨ରେ ସେ କାର୍ଯ୍ୟଭାର ଗ୍ରହଣ କରିଥିଲେ।
