ଅର୍ଗସ ବ୍ୟୁରୋ: ମହାକାଶ ଗବେଷଣା କ୍ଷେତ୍ରରେ ଇସ୍ରୋ ରଚିଲା ନୂଆ ଇତିହାସ...ଜଙ୍ଗଲ ନିଆଁ, ଜ୍ବାଲାମୁଖୀ, ପବନର ବିଶ୍ଳେଷଣ ଆଦି ବିଷୟରେ ମିଳିବ ତଥ୍ୟ। ଐତିହାସିକ ରକେଟ ଲଞ୍ଚ କଲା ଇସ୍ରୋ । ଶ୍ରୀହରିକୋଟା ଲଞ୍ଚିଂ ପ୍ୟାଡ଼ରୁ SSLV-D3 ରକେଟ ପ୍ରେରଣ। ଆର୍ଥ ଅବଜରଭେସନ୍‌ ସାଟେଲାଇଟ୍‌ EOS-08ର ସଫଳ ଉତ୍‌କ୍ଷେପଣ। ୪୭୫ କିଲୋମିଟର ଉଚ୍ଚରେ ଥିବା ଅର୍ବିଟରେ ଘୁରିବେ ଦୁଇ ସାଟେଲାଇଟ୍ EOS-8 ଏବଂ SR-O DEMOSAT। ଭବିଷ୍ୟତରେ ଯେକୌଣସି ବିପଦ ଆସିବା ପୂର୍ବରୁ ଏମାନଙ୍କ ସହାୟତାରେ ଆଗୁଆ ମିଳିଯିବ ସୂଚନା। ଜଙ୍ଗଲରେ ନିଆଁ ଲାଗିବା,ଜ୍ବାଲାମୁଖୀର ଦିଗ,ପବନର ବିଶ୍ଳେଷଣ ଆଦି ବିଷୟରେ ଆଗୁଆ ତଥ୍ୟ ମିଳିଯିବ ।

ଶୁକ୍ରବାର ସକାଳେ ଆନ୍ଧ୍ରପ୍ରଦେଶର ଶ୍ରୀହରିକୋଟାସ୍ଥିତ ସତୀଶ ଧୱନ ସ୍ପେସ୍ ସେଣ୍ଟରରୁ ନୂତନ ରକେଟ୍ SSLV D3 ଲଞ୍ଚ କରାଜାଇଛି। ଏହାସହ ଆର୍ଥ ଅବଜର୍ଭେସନ୍ ସାଟେଲାଇଟ୍ ସାଟେଲାଇଟ୍ EOS-08 ମିଶନ୍ ଭାବରେ ଉତକ୍ଷେପଣ କରାଯାZଛି। ଏହି ଉପଗ୍ରହ ବିପର୍ଯ୍ୟୟ ବିଷୟରେ ସତର୍କ ସୂଚନା ଦେବ। ଏହା SSLV ର ଶେଷ ପ୍ରଦର୍ଶନ ବିମାନ ହେବ।
ଏହି EOS-08 କେବଳ ପୃଥିବୀ ଉପରେ ନଜର ରଖିବ ନାହିଁ ବରଂ ବିପର୍ଯ୍ୟୟ ବିଷୟରେ ସୂଚନା ମଧ୍ୟ ଦେବ। ସୂଚନା ଅନୁଯାୟୀ, ଏହାର ଓଜନ ପ୍ରାୟ ୧୭୫.୫ କିଲୋଗ୍ରାମ ଅଟେ। ଏଥିରେ ତିନୋଟି ଅତ୍ୟାଧୁନିକ ପେଲୋଡ୍ ଅଛି। 

ଇସ୍ରୋର ଏହି ଏୈତିହାସିକ ସାଟେଲାଇଟ୍ ଆମକୁ ବିପର୍ଯ୍ୟୟ ଠାରୁ ଆରମ୍ଭ କରି ଅଗ୍ନି ଏବଂ ଆଗ୍ନେୟଗିରି ପର୍ଯ୍ୟନ୍ତ ସୂଚନା ସଂଗ୍ରହ କରିବାକୁ ସକ୍ଷମ କରିବ । ଏଥିରେ ଥିବା ସିଷ୍ଟମ୍-ରିଫ୍ଲେକ୍ଟୋମେଟ୍ରି ପେଲୋଡ୍ ମଧ୍ୟ ସମୁଦ୍ର ପୃଷ୍ଠର ପବନ, ମୃତ୍ତିକାର ଆର୍ଦ୍ରତା ଏବଂ ବନ୍ୟା ଚିହ୍ନଟ କରିବା ପାଇଁ ରିମୋଟ ସେନ୍ସିଙ୍ଗ କ୍ଷମତା ପ୍ରଦର୍ଶନ କରିବ । ଏହାର ଏକ ବର୍ଷର ମିଶନ ଲାଇଫ ସହ, EOS-08 ଗୁରୁତ୍ୱପୂର୍ଣ୍ଣ ସୂଚନା ପ୍ରଦାନ କରିବାକୁ ପ୍ରସ୍ତୁତ  ବୋଲି ଇସ୍ରୋ ପକ୍ଷରୁ ସୂଚନା ଦିଆଯାଇଛି ।