ନୂଆଦିଲ୍ଲୀ: ଦିଲ୍ଲୀ-ଏନସିଆର୍ ସହ ଭାରତର ଏକାଧିକ ରାଜ୍ୟରେ ଭୂମିକମ୍ପ ଝଟ୍‌କା ଅନୁଭୂତ ହୋଇଛି । ଜମ୍ମୁ-କାଶ୍ମୀର, ହିମାଚଳ ପ୍ରଦେଶ, ଉତ୍ତରାଖଣ୍ଡ ପଞ୍ଜାବ ସହ ଉତ୍ତରପ୍ରଦେଶର ନୋଏଡ଼ାରେ ଭୂମିକମ୍ପ ଅନୁଭୂତ କରିଛନ୍ତି ଲୋକେ ।

ପ୍ରାୟ ୩୦ରୁ ୪୦ ସେକେଣ୍ଡ ଧରି ହାଲୁକା ଭୂମିକମ୍ପ ଝଟ୍‌କା ଅନୁଭୂତ ହୋଇଥିଲା । ଭୂମିକମ୍ପର କେନ୍ଦ୍ର ସ୍ଥଳ ଆଫଗାନିସ୍ତାନ ବୋଲି ଜଣାପଡ଼ିଛି । ଆଫଗାନିସ୍ତାନ-ତାଜିକିସ୍ତାନ ସୀମା ନିକଟ ହେଉଛି ଭୂମିକମ୍ପର କେନ୍ଦ୍ର ସ୍ଥଳ ।

ଏଥିସହ ପଢ଼ନ୍ତୁ: ସକାଳୁ ସକାଳୁ ଥରିଲା ଇଣ୍ଡୋନେସିଆ: ରିକ୍ଟର ସ୍କେଲରେ ତୀବ୍ରତା ୭.୮

#WATCH | Jammu & Kashmir: An earthquake was felt in Udhampur, fans were seen moving. Further details awaited. pic.twitter.com/svGSjNGmk4

— ANI (@ANI) April 3, 2026

ଆଫଗାନିସ୍ତାନରେ ଭୂମିକମ୍ପର ତୀବ୍ରତା ୫.୯ ରେକର୍ଡ କରାଯାଇଛି । ଭୂମିକମ୍ପ ଅନୁଭୂତ ହେବା ପରେ ଭୟରେ ଲୋକେ ଘରୁ ବାହାରକୁ ବାହାରି ଆସିଥିଲେ । ତତ୍‌କ୍ଷଣାତ୍ କୌଣସି କ୍ଷୟକ୍ଷତି ନେଇ ସୂଚନା ମିଳିନାହିଁ । ଜମ୍ମୁ-କାଶ୍ମୀର ରାଜଧାନୀ ଶ୍ରୀନଗରରୁ ଭୂମିକମ୍ପ ସହ ଜଡ଼ିତଭିଡିଓ ଆସିଛି । ଘରେ ଲାଗିଥିବା ଝୁମର ହଲୁଥିବା ନଜର ଆସୁଛି ।

ଆଫିଗାନିସ୍ତାନ ଭୂମିକମ୍ପର କେନ୍ଦ୍ର ସ୍ଥଳ

କେନ୍ଦ୍ର: ଆଫଗାନିସ୍ତାନ-ତାଜିକିସ୍ତାନ ସୀମା
ସମୟ: ୨୦୨୬-୦୪-୦୩ ୧୬:୧୨:୫୮.୦ UTC
ତୀବ୍ରତା: ୫.୯
ଗଭୀର: ୧୭୫ କିଲୋମିଟର

#WATCH | Jammu & Kashmir: An earthquake was felt in Srinagar. Chandeliers and fans were seen moving. pic.twitter.com/iFx5OTZ7uB

— ANI (@ANI) April 3, 2026

ଜାମ୍ମୁ କାଶ୍ମୀରର କିସ୍ତୱାଡ଼, ଡୋଡା ସମେତ ଅନ୍ୟ ଜିଲ୍ଲାରେ ଭୂମିକମ୍ପ ଝଟ୍‌କା ଅନୁଭୂତ ହୋଇଛି । ସେପଟେ ଚଣ୍ଡିଗଡ଼ରେ ଲୋକେ ଭୂମିକମ୍ପ ଝଟ୍‌କାକୁ ଅନୁଭୂତ କରିଛନ୍ତି । ପଞ୍ଜାବ ଜିରକପୁରରେ ୧୧ ମହଲାରେ ରହୁଥିବା ଅଜୟ କହିଛନ୍ତି, "କିଛି ସେକେଣ୍ଡ ପର୍ଯ୍ୟନ୍ତ ଭୂମିକମ୍ପ ହୋଇଥିଲା ।"

ଏଥିସହ ପଢ଼ନ୍ତୁ: ଭୂ-କମ୍ପ ଝଟକାରେ ଥରିଲା ପ୍ରଶାନ୍ତ ମହାସାଗର: ରିକ୍ଟର ସ୍କେଲରେ ତୀବ୍ରତା ୭.୬...ଘର ବାହାରକୁ ଦୌଡ଼ିଲେ ଲୋକେ

କାହିଁକି ଅନୁଭୂତ ହୋଇଥାଏ ଭୂମିକମ୍ପ ?

ପୃଥିବୀ ପୃଷ୍ଠରେ ରହିଥିବା ସାତଟି ଟେକଟୋନିକେ୍ ପ୍ଲେଟ୍ (Tectonic Plates of Earth) ସବୁବେଳେ ଗତିଶୀଳ ଅବସ୍ଥାରେ ରହିଥାଏ । ଯେଉଁଠିରେ ଏହି ପ୍ଲେଟ ପରସ୍ପର ସହ ଧକ୍କା ହୋଇଥାନ୍ତି, ସେତେବେଳେ ଏହାକୁ ଜୋନ ଫଲ୍ଟ (Zone Fault) କୁହାଯାଏ । ବାରମ୍ବାର ଧକ୍କା ହେବା କାରଣରୁ ପ୍ଲେଟ ନିଜର କୋଣ ପରିବର୍ତ୍ତନ କରିଥାଏ । ଯେତେବେଳେ ଏଥିରେ ଅଧିକ ଚାପ ସୃଷ୍ଟି ହୁଏ ସେତେବେଳେ ଏହି ପ୍ଲେଟ ଭାଙ୍ଗିବା ଆରମ୍ଭ କରେ । ଏହାର ନିମ୍ନରେ ଥିବା ଶକ୍ତି ବାହାରକୁ ଆସିବାକୁ ରାସ୍ତା ଖୋଜିଥାଏ । ଯାହା ପରେ ଭୂମିକମ୍ପ ରୂପରେ ବାହାରକୁ ଆସିଥାଏ ।