ଭାଷା ଲଦି ଦେବାର କୌଣସି ପ୍ରଶ୍ନ ହିଁ ନାହିଁ । କିନ୍ତୁ ବିଦେଶୀ ଭାଷା ଉପରେ ଅତ୍ୟଧିକ ନିର୍ଭରତା ନିଜ ମାତୃଭାଷା ଠାରୁ ଦୂରେଇ ରଖୁଛି ଏବଂ ଜାତୀୟ ଶିକ୍ଷା ନୀତି-୨୦୨୦ (NEP) ଏହାକୁ ଠିକ୍ କରିବା ପାଇଁ ପ୍ରୟାସ କରୁଛି । ତାମିଲନାଡ଼ୁ ମୁଖ୍ୟମନ୍ତ୍ରୀ ଏମ୍‌କେ ଷ୍ଟାଲିନଙ୍କୁ ଶୁକ୍ରବାର ଚିଠିରେ ଏ କଥା କହିଛନ୍ତି କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।

ସେ ଲେଖିଛନ୍ତି, ଜାତୀୟ ଶିକ୍ଷା ନୀତିର ପ୍ରୟୋଗକୁ ଦୂରଦୃଷ୍ଟିର ସହ ଦେଖିବା ଉଚିତ୍ । ରାଜନୈତିକ ଲାଭ ପାଇଁ ଏହି ପ୍ରଗତିଶୀଳ ନୀତିର ବିରୋଧ କରିବା ଅନୁଚିତ୍ । ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ଲେଖିଛନ୍ତି, ଭାଷାକୁ ଲଦିବା ପାଇଁ ଶିକ୍ଷା ନୀତି ହୋଇ ନାହିଁ । ଅନେକ ଅଣ ବିଜେପି ଶାସିତ ରାଜ୍ୟରେ ରାଜନୈତିକ ମତଭେଦ ପରେ ବି ଜାତୀୟ ଶିକ୍ଷା ନୀତିର ପ୍ରଗତିଶୀଳ ନୀତି ଲାଗୁ ହୋଇଛି । NEP-୨୦୨୦ର ଉଦ୍ଦେଶ୍ୟ ଭାଷାକୁ ବ୍ୟାପକ କରିବା, ସଂକୀର୍ଣ୍ଣ ନୁହେଁ ।

Highly inappropriate for a State to view NEP 2020 with a myopic vision and use threats to sustain political narratives.

Hon’ble PM @narendramodi ji’s govt. is fully committed to promote and popularise the eternal Tamil culture and language globally. I humbly appeal to not… pic.twitter.com/aw06cVCyAP
— Dharmendra Pradhan (@dpradhanbjp) February 21, 2025

ଧର୍ମେନ୍ଦ୍ର କହିଛନ୍ତି, ଜାତୀୟ ଶିକ୍ଷା ନୀତିରେ ଭାଷାର ସ୍ଵାଧୀନତା ରହିଛି । ଶିକ୍ଷାର୍ଥୀ ତାଙ୍କ ପସନ୍ଦର ଭାଷାରେ ପଢ଼ି ପାରିବେ । ତେବେ ଜାତୀୟ ଶିକ୍ଷା ନୀତିକୁ ରାଜନୈତିକ ଉଦ୍ଦେଶ୍ୟ ରଖି ତାମିଲନାଡ଼ୁର ଶାସକ ଡିଏମ୍‌କେ ଲଗାତାର ବିରୋଧ କରି ଆସୁଛି ।

କେନ୍ଦ୍ର ଶିକ୍ଷା ମନ୍ତ୍ରୀ ଆହୁରି ଲେଖିଛନ୍ତି, ପ୍ରଧାନମନ୍ତ୍ରୀ ମୋଦି ତାମିଲନାଡ଼ୁ ସଂସ୍କୃତି ଓ ଭାଷାକୁ ବିଶ୍ଵରେ ପ୍ରମୋଟ କରିବାକୁ ଚାହୁଁଛନ୍ତି । କିନ୍ତୁ ଅନୁରୋଧ ଶିକ୍ଷା କ୍ଷେତ୍ରରେ ରାଜନୀତି ନ କରନ୍ତୁ । ଏହା ପୂର୍ବରୁ ଗୁରୁବାର ତାମିଲନାଡ଼ୁ ମୁଖ୍ୟମନ୍ତ୍ରୀ ଏମ୍‌କେ ଷ୍ଟାଲିନ୍ ଏନ୍‌ଇପି ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଚିଠି ଲେଖିଥିଲେ ।

ଭାଷାକୁ ନେଇ ତାମିଲନାଡ଼ୁ ଓ କେନ୍ଦ୍ର ସରକାରଙ୍କ ମଧ୍ୟରେ ଯୁଦ୍ଧା ଚାଲିଥିବା ବେଳେ ମାର୍ଚ୍ଚ ୧ରୁ ବିଦେପି ଆରମ୍ଭ କରିବ ୩ ଲ୍ୟାଙ୍ଗୁଏଜ୍ କ୍ୟାମ୍ପେନ୍ । ଆସନ୍ତା ବର୍ଷ ତାମିଲନାଡ଼ୁ ବିଧାନସଭା ଲାଗି ଭୋଟ୍ ହେବାକୁ ଥିବା ବେଳେ ବିଜେପି ପ୍ରଥମଥର ରାଜ୍ୟ ଦଖଲ କରିବାକୁ ଅଣ୍ଟା ଭିଡ଼ିଛି । ୨୦୧୬ରେ ବିଜେପି ସମସ୍ତ ୨୩୪ ଆସନରେ ପ୍ରାର୍ଥୀ ଦେଇ ସବୁଠି ହାରିଥିଲା । ୨୦୨୧ରେ ୨୦ ଆସନରେ ଦଳ ପ୍ରାର୍ଥୀ ଦେଇଥିବା ବେଳେ ୪ଟିରେ ବିଜୟୀ ହୋଇଥିଲା ।

Argus News | argus news | -Argusnews Home: Odisha Latest News, Breaking News, Trending News, Live TV and more