ଟ୍ରେନ ଧକ୍କାରେ ଗଲା ୮ ଗଜରାଜଙ୍କ ଜୀବନ । ଆସାମର ହୋଜାଇ ଜିଲ୍ଲାରେ ସାଇରଙ୍ଗ-ନୂଆଦିଲ୍ଲୀ ରାଜଧାନୀ ଏକ୍ସପ୍ରେସ ଧକ୍କାରେ ୮ ହାତୀଙ୍କ ମୃତ୍ୟୁ ହୋଇଛି । ନୂଆଦିଲ୍ଲୀ ଯାଉଥିବା ଟ୍ରେନଟି ଭୋର ପ୍ରାୟ ୨.୧୭ ସମୟରେ ଦୁର୍ଘଟଣାର ସମ୍ମୁଖୀନ ହୋଇଥିଲା । ଟ୍ରେନର ପାଞ୍ଚଟି କୋଚ୍ ଓ ଇଞ୍ଜିନ ଲାଇନଚ୍ୟୁତ ହୋଇଥିବା ଉତ୍ତର-ପୂର୍ବ ସୀମାନ୍ତ ରେଳବାଇ -NFR ମୁଖପାତ୍ର କହିଛନ୍ତି । ହୋଜାଇ ଜିଲ୍ଲାର ଚାଙ୍ଗଜୁରାଇ ଅଞ୍ଚଳରେ ଏହି ଘଟଣା ଘଟିଛି ।

ସୂଚନାନୁଯାୟୀ ଘଟଣାଟି ହୋଜାଇ ଜିଲ୍ଲାର ଚାଙ୍ଗଜୁରାଇ ଅଞ୍ଚଳରେ ଘଟିଛି। ସୂଚନା ପାଇବା ପରେ ଦମକଳ ଏବଂ ଅନ୍ୟ ବନ ଅଧିକାରୀମାନେ ଘଟଣାସ୍ଥଳକୁ ଯାଇଥିଲେ । ଦୁର୍ଘଟଣା ପରେ, ଜମୁନାମୁଖ-କାମ୍ପୁର ସେକ୍ସନ ଦେଇ ଯାଉଥିବା ଟ୍ରେନଗୁଡ଼ିକୁ ୟୁପି ଲାଇନକୁ ପରିବର୍ତ୍ତନ କରାଯାଇଛି ଏବଂ ସେଠାରେ ମରାମତି କାର୍ଯ୍ୟ ଚାଲିଛି । ସାଇରଙ୍ଗ-ନୂଆଦିଲ୍ଲୀ ରାଜଧାନୀ ଏକ୍ସପ୍ରେସ ମିଜୋରାମର ସାଇରଙ୍ଗକୁ ଆନନ୍ଦ ବିହାର ଟର୍ମିନାଲ,ଦିଲ୍ଲୀ ସହିତ ସଂଯୋଗ କରୁଛି ।

ଟ୍ରେନରେ ଥିବା ଯାତ୍ରୀମାନେ ସକାଳେ ହଠାତ୍ ଏକ ଝଟକା ଅନୁଭବ କରିଥିବା । ଟ୍ରେନର କିଛି କୋଚ୍ ଲାଇନଚ୍ୟୁତ ହୋଇଥିଲା ଏବଂ ଟ୍ରେନଟି ଅଟକି ଯାଇଥିଲା । ଲାଇନଚ୍ୟୁତ ହେବା ଫଳରେ ଯାତ୍ରୀମାନଙ୍କ ମଧ୍ୟରେ ଉତ୍ତେଜନା ସୃଷ୍ଟି ହୋଇଥିଲା । ଟ୍ରେନରୁ ଓହ୍ଲାଇବା ପରେ ସେମାନେ ଟ୍ରାକରେ ଆଠଟି ହାତୀର ମୃତଦେହ ଦେଖିଥିଲେ।

ଅଧିକାରୀମାନେ କହିଛନ୍ତି ଯେ ଯାତ୍ରୀ ଏବଂ ରେଳ କର୍ମଚାରୀ ସମସ୍ତେ ସୁରକ୍ଷିତ ଅଛନ୍ତି। ଲୋକୋ ପାଇଲଟ୍ ହାତୀ ପଲଙ୍କୁ ରେଳ ଧାରଣାରେ ଦେଖିବା ପରେ ଜରୁରୀକାଳୀନ ବ୍ରେକ୍ ଲଗାଇଥିଲେ। କିନ୍ତୁ ଏହା ସତ୍ତ୍ବେ ବି ଟ୍ରେନଟି ହାତୀଙ୍କୁ ଧକ୍କା ଦେଇଥିଲା। ଘଟଣା ଘଟିବା ପରେ ଦୁର୍ଘଟଣା ରିଲିଫ୍ ଟ୍ରେନ୍ ଏବଂ ଲୁମଡିଙ୍ଗ ଡିଭିଜନାଲ ମୁଖ୍ୟାଳୟର ବରିଷ୍ଠ ଅଧିକାରୀମାନଙ୍କୁ ତୁରନ୍ତ ଘଟଣାସ୍ଥଳକୁ ପଠାଯାଇଥିଲା। ଉତ୍ତର-ପୂର୍ବ ସୀମାନ୍ତ ରେଳବାଇର ମହାପ୍ରବନ୍ଧକ ଏବଂ ଲୁମଡିଙ୍ଗର ଡିଭିଜନାଲ ରେଳବାଇ ପରିଚାଳକଙ୍କ ସମେତ ବରିଷ୍ଠ ରେଳ ଅଧିକାରୀମାନେ ମଧ୍ୟ ଉଦ୍ଧାର ଏବଂ ପୁନରୁଦ୍ଧାର କାର୍ଯ୍ୟ ତଦାରଖ କରିବା ପାଇଁ ଘଟଣାସ୍ଥଳରେ ପହଞ୍ଚିଥିଲେ।

ଲାଇନ୍‌ଚ୍ୟୁତ ହୋଇଥିବା କୋଚ୍‌ରୁ ଯାତ୍ରୀମାନଙ୍କୁ ଟ୍ରେନ୍‌ର ଅନ୍ୟ କୋଚ୍‌ର ଖାଲି ବର୍ଥରେ ଅସ୍ଥାୟୀ ଭାବରେ ରଖାଯାଇଥିଲା। ଲାଇନଚ୍ୟୁତ କୋଚ୍‌ଗୁଡ଼ିକୁ ଅଲଗା କରିବା ପରେ, ଟ୍ରେନ୍‌ଟି ସକାଳ ପ୍ରାୟ ୬:୧୧ ସମୟରେ ଗୌହାଟି ଅଭିମୁଖେ ଯାତ୍ରା କରିଥିଲା।