ତାରିଖ ଘୋଷଣା ପୂର୍ବରୁ ବିଭିନ୍ନ ରାଜ୍ୟରେ ସୁରକ୍ଷା ସ୍ଥିତି ଯାଞ୍ଚ ଜାରି 

ନୂଆଦିଲ୍ଲୀ : ଖୁବଶୀଘ୍ର ହୋଇପାରେ ନିର୍ବାଚନ ତାରିଖ ଘୋଷଣା । ନିର୍ବାଚନ କମିଶନ ପକ୍ଷରୁ ତାରିଖ ଘୋଷଣା ପୂର୍ବରୁ ବିଭିନ୍ନ ରାଜ୍ୟରେ ସୁରକ୍ଷା ସ୍ଥିତି ଯାଞ୍ଚ ଜାରି ରଖିଛି । ନିର୍ବାଚନ ସମୟରେ ସୁରକ୍ଷାକୁ ନେଇ ଆଗୁଆ ପ୍ରସ୍ତୁତ ହୋଇଛି ନିର୍ବାଚନ କମିଶନ । ନିର୍ବାଚନକୁ ନିରପେକ୍ଷ ଓ ଶାନ୍ତିପୂର୍ଣ୍ଣ କରିବାକୁ CAPFର 3 ଲକ୍ଷ 40 ହଜାର ଯବାନ ଯୋଗାଇଦେବାକୁ ଗୃହ ମନ୍ତ୍ରାଳୟକୁ ଚିଠି ଲେଖି ଅନୁରୋଧ କରିଛି ନିର୍ବାଚନ କମିଶନ ।

ନିର୍ବାଚନ ହେବାକୁ ଯାଉଥିବା ସମସ୍ତ ରାଜ୍ୟ ଓ କେନ୍ଦ୍ରଶାସିତ  ଅଞ୍ଚଳରେ ମୁଖ୍ୟ ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟ, ଇଭିଏମ ଷ୍ଟ୍ରଙ୍ଗରୁମ୍ ସୁରକ୍ଷା ପାଇଁ ସିଏପିଏଫ ମୁତୟନ କରିବାକୁ ଅନୁରୋଧ କରିଛି ନିର୍ବାଚନ କମିଶନ । CAPFର ଗୋଟିଏ କମ୍ପାନୀରେ ପ୍ରାୟ ଶହେ ଜଣ ଯବାନ ରହିଥାନ୍ତି । ସିଏପିଏଫରେ କେନ୍ଦ୍ରୀୟ ରିଜର୍ଭ ପୋଲିସ ବଳ, ସୀମା ସୁରକ୍ଷା ବଳ, କେନ୍ଦ୍ରୀୟ ଔଦ୍ୟୋଗିକ ସୁରକ୍ଷା ବଳ, ଭାରତ-ତିବ୍ବତ ସୀମା ପୋଲିସ, ସଶସ୍ତ୍ର ସୀମା ବଳ ସହ ରାଷ୍ଟ୍ରୀୟ ସୁରକ୍ଷା ଗାର୍ଡ ମଧ୍ୟ ସାମିଲ ଅଛନ୍ତି । 

ଅଧିକ ପଢନ୍ତୁ ଭାରତ ଖବର