ଆଜି ମାତୃ ଦିବସ, ମା'... ତୋ ପାଇଁ ଆଜି ଗୋଟାଏ ଦିନ ନୁହେଁ ତୋ ପାଇଁ ସବୁ ଦିନ । ତୁ ଆମ ପାଇଁ ପ୍ରତିଦିନ ଖାସ୍ । ତୁ ଘରେ ନଥିଲେ ଘରକୁ ପଶିବାକୁ ଇଛା ହୁଏନି । ଆଉ ତୁ ଯଦି ଦୂରକୁ ଚାଲିଯାଉ ମନଟା ଭାରି କଷ୍ଟ ଲାଗେ ।

ମା’ଙ୍କ ପାଇଁ ଦିନଟିଏ । ବିଶ୍ୱବ୍ୟାପୀ ପ୍ରତ୍ୟେକଟି ମଣିଷ ଏହି ଦିବସକୁ ବେଶ ସହକାର ସହ ପାଳନ କରୁଛନ୍ତି । ଦୁନିଆରେ ଚଳନ୍ତି ପ୍ରତିମା ହେଉଛନ୍ତି ମା'। ଆଜି ମା'ଙ୍କର ସବୁ ସେହି ଯୋଗଦାନକୁ ଧନ୍ୟବାଦ ଜଣାଇବାକୁ ପ୍ରତିବର୍ଷ ମେ' ମାସର ଦ୍ବିତୀୟ ରବିବାରକୁ ମାତୃଦିବସ ଭାବେ ପାଳନ କରାଯାଏ ।

କିଏ କେକ୍ କାଟି ମାତୃ ଦିବସ ପାଳୁଛନ୍ତି ତ ଆଉ କିଏ ସୋସିଆଲ ମିଡିଆରେ ନିଜ ମାଙ୍କ ଫଟୋକୁ ସ୍ଥାନ ଦେଇ ମାତୃ ଦିବସ ପାଳନ କରୁଛନ୍ତି । ଦୁନିଆର ସବୁଠୁ ସୁନ୍ଦର ଶବ୍ଦ ହେଉଛି ମା, ଏହାର ସଜ୍ଞାକୁ ଶବ୍ଦରେ ବଖାଣିବା ମଧ୍ୟ କଷ୍ଟକର । ତ୍ୟାଗ ଓ ତପସ୍ୟାର ପ୍ରତୀକ ମା ନିଜ ପିଲାର ଜନ୍ମଠୁ ଆରମ୍ଭ କରି ବଡ଼ ହେବା ପର୍ଯ୍ୟନ୍ତ ସମସ୍ତ ଅଳିଅଝଟ ଶୁଣିବା ସହ ଦାୟିତ୍ୱ ମଧ୍ୟ ତୁଲାଇଥାନ୍ତି ।

ମା' ଶବ୍ଦ ସ୍ୱର୍ଗଠାରୁ ବଡ଼ ହୋଇଥିବା ବେଳେ ଇଶ୍ୱରଙ୍କ ଠାରୁ ମଧ୍ୟ ମହାନ ହୋଇଥାଏ । ସେହି ପ୍ରେରଣାଦାୟୀ ମମତାମୟୀ ମଣିଷଟି ପାଇଁ ଆଜି ଦିନଟି ଉତ୍ସର୍ଗ ହୋଇଥିବା ବେଳେ ସମସ୍ତେ ମାତୃ ଦିବସ ପାଳନ କରୁଛନ୍ତି ।