କେରଳରେ ଏକ କଣ୍ଟେନର ଜାହାଜରେ ବିସ୍ଫୋରଣ। କେରଳ ଉପକୂଳ ସମୁଦ୍ର ଭିତରେ ହୋଇଛି ଏହି ବିସ୍ଫୋରଣ। ଏଥିରେ ଚାରିଜଣ କ୍ରିଉ ମେମ୍ବର ଗୁରୁତର ହୋଇଥିବା ଜଣାପଡ଼ିଛି। ଭାରତୀୟ ନୌସେନା ରିଲିଫ୍ ଏବଂ ଉଦ୍ଧାର କାର୍ଯ୍ୟ ପାଇଁ INS ସୁରଟକୁ ସେଠାକୁ ପଠାଇଛି। ଏନେଇ ସୂଚନା ଦେଇଛନ୍ତି ପ୍ରତିରକ୍ଷା ଜନସମ୍ପର୍କ ଅଧିକାରୀ ।

ସେ କହିଛନ୍ତି ଆଜି ସକାଳେ କେରଳ ଉପକୂଳ ନିକଟରେ କଣ୍ଟେନର ଜାହାଜ MV ୱାନ୍ ହାଇ ୫୦୩ ରେ ଏକ ବଡ଼ ଧରଣର ବିସ୍ଫୋରଣ ହୋଇଛି। ଏହି ଜାହାଜର ଲମ୍ବ ୨୭୦ ମିଟର ହୋଇଥିବା ବେଳେ ଡ୍ରାଫ୍ଟ ୧୨.୫ ମିଟର ରହିଛି। ଜାହାଜଟି ଜୁନ୍ ୭ ତାରିଖରେ କଲମ୍ବୋରୁ ବାହାରି ମୁମ୍ବାଇ ଯାଉଥିଲା। ଆସନ୍ତକାଲି ଏହା ମୁମ୍ବାଇରେ ପହଞ୍ଚିଥାନ୍ତା।