ଦେଶବାସୀ ଜାଣିବା ଦରକାର ଏଥିରେ କେଉଁମାନେ ସାମିଲ୍... USAID ଫଣ୍ଡିଂକୁ ନେଇ କହିଲେ ଏସ୍ ଜୟଶଙ୍କର
ଭାରତକୁ ନେଇ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଦେଇଥିବା ମନ୍ତବ୍ୟର ଯାଞ୍ଚ ଚାଲିଛି । ଟ୍ରମ୍ପ ପ୍ରଶାସନର ବୟାନକୁ ନେଇ ପ୍ରତିକ୍ରିୟା ରଖିଛନ୍ତି ଭାରତର ବିଦେଶ ମନ୍ତ୍ରୀ ଏସ୍ ଜୟଶଙ୍କର । ସେ କହିଛନ୍ତି, ଭାରତ ନିର୍ବାଚନରେ ବିଦେଶୀ ହସ୍ତକ୍ଷେପକୁ ନେଇ ଟ୍ରମ୍ପ ଯେଉଁ ଟ୍ରମ୍ପ ପ୍ରଶାସନ ଯେଉଁ ମତ ଦେଇଛନ୍ତି ତାର ସତ ଶୀଘ୍ର ସାମ୍ନାକୁ ଆସିବ ।
ପୂର୍ବରୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଥିଲେ, ଭାରତରେ ମତଦାନ ହାର ବଢ଼ାଇବା ଲାଗି ୟୁଏସ୍ଏଡ୍ ୨.୧ କୋଟି ଡଲାର ଦେଇଥିଲା । ତେବେ ଏହି ଅର୍ଥ ପ୍ରଦାନର ଉଦ୍ଦେଶ୍ୟ କାହାକୁ ନିର୍ବାଚିତ କରାଇବା କହି ଆଶ୍ଚର୍ଯ୍ୟ ପ୍ରକାଶ କରିଥିଲେ ଡୋନାଲ୍ଡ ଟ୍ରମ୍ପ ।
📱 Get Argus News App
✨ଯାହାକୁ ନେଇ ଏକ କାର୍ଯ୍ୟକ୍ରମରେ ଏସ୍ ଜୟଶଙ୍କର କହିଛନ୍ତି, ଟ୍ରମ୍ପ ପ୍ରଶାସନର ଲୋକ ଏମିତି କିଛି ସୂଚନା ଦେଇଛନ୍ତି ଯାହା ଚିନ୍ତାଜନକ । ଆମ ସରକାର ଏହାର ଯାଞ୍ଚ କରୁଛି, ତଥ୍ୟ ସାମ୍ନାକୁ ଆସିବ । ଭଲ ଉଦ୍ଦେଶ୍ୟ ରଖି ଭାରତରେ ୟୁଏସ୍ଏଡ୍କୁ ଅନୁମତି ଦିଆ ଯାଇଥିଲା । କିନ୍ତୁ କିଛି ଗତିବିଧି ମନ୍ଦ ଉଦ୍ଦେଶ୍ୟ ରଖି କରାଯାଇଛି ।
ଜୟଶଙ୍କର ଆହୁରି କହିଛନ୍ତି, ଯେତେବେଳେ ଆମେରିକା କହୁଛି ଏମିତି ଗତିବିଧି ହୋଇଛି ଏହା ଦୁର୍ଭାଗ୍ୟପୂର୍ଣ୍ଣ ଓ ଚିନ୍ତାଜନକ । ଯଦି ଏଥିରେ କିଛି ଅଛି ତ ଦେଶବାସୀ ମଧ୍ୟ ଜାଣିବା ଦରକାର କେଉଁମାନେ ଏହା ସହ ଜଡ଼ିତ । ଲଗାତାର ତୃତୀୟ ଦିନ ଟ୍ରମ୍ପ ଏହି ପ୍ରସଙ୍ଗ ଉଠାଇଛନ୍ତି ।
ଏହା ପୂର୍ବରୁ ଶୁକ୍ରବାର ବିଦେଶ ମନ୍ତ୍ରଣାଳୟ କହିଥିଲା, ଟ୍ରମ୍ପ ପ୍ରଶାସନ ଦେଇଥିବା ମନ୍ତବ୍ୟର ଯାଞ୍ଚ କରୁଛନ୍ତି ଭାରତୀୟ ଏଜେନ୍ସି ।