ଥରେ ଭାବନ୍ତୁ ଏମିତି ଏକ ଗାଁ ରହିଛି, ଯେଉଁ ଗାଁରେ କେବେବି ବର୍ଷା ହୁଏ ନାହିଁ । କିନ୍ତୁ ଏଠାରେ ଲୋକମାନେ ଚାଷ କରନ୍ତି ଏବଂ ପରିବାର ପ୍ରତିପୋଷଣ କରନ୍ତି। ଥରେ ଭାବନ୍ତୁ ଆପଣ ଏମିତି ଏକ ଜାଗାରେ ଅଛନ୍ତି ଯେଉଁଠି ଆକାଶରୁ ନୁହେଁ ବରଂ ଆପଣଙ୍କ ପାଦ ତଳେ ବର୍ଷା ହେଉଛି। ଆଉ ଆପଣ ଥିବା ଗାଁ ସମ୍ପୂର୍ଣ୍ଣ ଶୁଖିଲା ରହିଛି। କଥାଟି ନିଶ୍ଚୟ ଗପ ପରି ଲାଗୁଛିନା। ପ୍ରାୟ କେବେ ବର୍ଷା ହେଉନଥିବାରୁ ଗାଁରେ ପାଗ ବହୁତ କଠୋର ଏବଂ ଅସାଧାରଣ ଅନୁଭବ ହୁଏ। ଉଚ୍ଚତା ଏବଂ ପତଳା ପବନ ସକାଳକୁ ବହୁତ ଥଣ୍ଡା କରିଥାଏ। ସୂର୍ଯ୍ୟ ଉଦୟ ହେବା ସହିତ, ତାପମାତ୍ରା ଦ୍ରୁତ ଗତିରେ ବୃଦ୍ଧି ପାଏ ଏବଂ ମଧ୍ୟାହ୍ନରେ ବହୁତ ଗରମ ଅନୁଭୂତ ହୁଏ, କାରଣ ଗ୍ରାମ ମେଘ ଆବରଣ ଉପରେ ସିଧାସଳଖ, ନିରବଚ୍ଛିନ୍ନ ସୂର୍ଯ୍ୟକିରଣ ପାଏ।

କିନ୍ତୁ ପ୍ରକୃତରେ ଏହା କୌଣସି କାଳ୍ପନିକ କିମ୍ବା ଚଳଚ୍ଚିତ୍ର ସେଟ୍ ନୁହେଁ। ସାନା ନିକଟରେ ଅବସ୍ଥିତ ଅଲ୍ ହୁତାଇବ୍ ଗାଁ ସାରା ବିଶ୍ୱର ବୈଜ୍ଞାନିକ, ପରିବ୍ରାଜକ ଏବଂ ଭୂଗୋଳବିତଙ୍କୁ ଆଶ୍ଚର୍ଯ୍ୟ କରିଛି। ଏହି ୟେମେନ୍ ଗାଁରେ କେବେ ବର୍ଷା ହୁଏ ନାହିଁ। କାହିଁକି ନା ଗାଁଟି ମେଘ ଉପରେ ଅବସ୍ଥିତ। ଏହାର ପାଗ ବ୍ୟତୀତ, ଏହି ଗାଁ ବୋହରା ସମ୍ପ୍ରଦାୟ ପାଇଁ ଗଭୀର ଧାର୍ମିକ ଗୁରୁତ୍ୱ ବହନ କରେ। ଏହା ଏକ ପ୍ରମୁଖ ତୀର୍ଥସ୍ଥଳ ଏବଂ ଏଥିରେ ତୃତୀୟ ଦାୟି ଅଲ-ମୁତଲାକ, ସୈୟଦନା ହାତିମ ବିନ୍ ଇବ୍ରାହିମ ଅଲ-ହାମିଦଙ୍କ ମଠ ରହିଛି। ସାରା ବିଶ୍ୱରୁ ବିଶେଷକରି ଭାରତ, ପାକିସ୍ତାନ ଏବଂ ଦକ୍ଷିଣ ଏସିଆର ଅନ୍ୟାନ୍ୟ ଅଞ୍ଚଳରୁ ଭକ୍ତମାନେ ତୀର୍ଥଯାତ୍ରା ପାଇଁ ଏହି ଗାଁକୁ ଆସିଥାନ୍ତି।
ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି ଏଠାରେ କୃଷି ଏବେ ବି ସମୃଦ୍ଧ।

ଗ୍ରାମବାସୀମାନେ ପାହାଡ଼ ଢାଲୁରେ ଟେରାସ୍ ଚାଷ ​​କରନ୍ତି ଏବଂ ସିଧାସଳଖ ବର୍ଷା ଅଭାବ ସତ୍ତ୍ୱେ ଫସଲ କରନ୍ତି। ପ୍ରାଚୀନ କୌଶଳ ବ୍ୟବହାର କରି ପାଣି ସଂଗ୍ରହ କରାଯାଏ। କାକର, କୁହୁଡ଼ି ଏବଂ ପାହାଡ଼ ତଳକୁ ପ୍ରବାହିତ ପାଣି ସଂଗ୍ରହ କରାଯାଏ। ଏହି ଅଞ୍ଚଳ ଉଚ୍ଚମାନର ୟେମେନି କଫି ଉତ୍ପାଦନ ପାଇଁ ପ୍ରସିଦ୍ଧ, ଯାହା ଏହାର ଉତ୍କୃଷ୍ଟ ସ୍ୱାଦ ଏବଂ ସୁଗନ୍ଧ ପାଇଁ ବିଶ୍ୱବ୍ୟାପୀ ପ୍ରଶଂସିତ।

ବାଦଲ ଉପରେ ଏକ ଗ୍ରାମ:

ଅଲ୍ ହୁତୈବ ସମୁଦ୍ର ପତ୍ତନଠାରୁ ପ୍ରାୟ ୩୨୦୦ ମିଟର ଉଚ୍ଚତାରେ ଅବସ୍ଥିତ। ଅଧିକାଂଶ ବର୍ଷା ମେଘ ସାଧାରଣତଃ ପ୍ରାୟ ୧୫୦୦ ରୁ ୨୦୦୦ ମିଟର ଉଚ୍ଚତାରେ ସୃଷ୍ଟି ହୁଏ ଏବଂ ବର୍ଷା ହୁଏ। ଏହି ଗାଁର କ୍ଷେତ୍ରରେ ମେଘଗୁଡ଼ିକ ଏକାଠି ହୋଇ ଗାଁର ତଳେ ବର୍ଷା ହୁଏ। ଏହାର ଅର୍ଥ ହେଉଛି ବର୍ଷା ଗାଁ ଭିତରେ ନୁହେଁ, ଗାଁ ତଳେ ଥିବା ଉପତ୍ୟକାରେ ପଡ଼େ। ଏଠାକାର ବାସିନ୍ଦାମାନେ ପ୍ରାୟତଃ ସେମାନଙ୍କ ଘରୁ ଚମତ୍କାର ବିଜୁଳି, ଘଡ଼ଘଡ଼ି ଏବଂ ପ୍ରବଳ ବର୍ଷା ଦେଖନ୍ତି। ଏହା ପୃଥିବୀର କିଛି ସ୍ଥାନ ମଧ୍ୟରୁ ଗୋଟିଏ ଯେଉଁଠାରେ ଲୋକମାନେ ପ୍ରକୃତରେ ବାଦଲ ଉପରେ ବଞ୍ଚନ୍ତି।

ଅଧିକ ପଢ଼ନ୍ତୁ ଦେଶ ଖବର: