ଅର୍ଗସ ବ୍ୟୁରୋ: ଦେଶର ସରକାରଙ୍କ ପାଇଁ ବଜେଟ୍‌ ଯେତିକି ଆବଶ୍ୟକ, ସେତିକି ଗୋଟିଏ ସାଧାରଣ ପରିବାର ପାଇଁ ମଧ୍ୟ ଆବଶ୍ୟକ । କୌଣସି ପରିବାରର ବଜେଟ୍‌ ପ୍ରସ୍ତୁତ କରିବା ଦ୍ୱାରା ସାଧାରଣ ଲୋକଟିଏ ସୀମିତ ଆୟରେ ସେ ନିଜ ଖର୍ଚ୍ଚ ନିର୍ଦ୍ଧାରଣ କରିପାରିବେ । ଯାହାଦ୍ୱାରା ସାଧାରଣ ଲୋକଟିଏ ବିତ୍ତୀୟ ଶୃଙ୍ଖଳାରେ ଗୁରୁତ୍ୱ ବିଷୟରେ ଜାଣି ପାରିବ, ଆଉ ଅନାବଶ୍ୟକ ଖର୍ଚ୍ଚରୁ ମୁକ୍ତି ପାଇପାରିବ । ସେହିଭଳି ଦେଶର ବଜେଟ ମଧ୍ୟ ସମାନ ଢଙ୍ଗରେ ପ୍ରସ୍ତୁତ କରାଯାଏ । ପ୍ରତିବର୍ଷ ଉପସ୍ଥାପିତ ବଜେଟ୍‌ରେ ସରକାର ବିଶେଷ ଭାବରେ ସେହି କ୍ଷେତ୍ରଗୁଡିକ ଉପରେ ଧ୍ୟାନ ଦିଅନ୍ତି ଯାହା ରୋଜଗାର ଏବଂ ଅର୍ଥନୀତିକୁ ପ୍ରୋତ୍ସାହିତ କରିବାରେ ସାହାଯ୍ୟ କରିପାରିବ । ଆଉ ଆଜି ହେଉଛି ସେହି ବଜେଟର ଦିନ ।

ଆସିବ ଦେଶର ବଜେଟ୍ । କେନ୍ଦ୍ର ଅର୍ଥ ମନ୍ତ୍ରୀ ନିର୍ମଳା ସୀତାରମଣ ଲୋକସଭାରେ ୨୦୨୩-୨୪ ବର୍ଷ ପାଇଁ ସାଧରଣ ବଜେଟ ଉପସ୍ଥାପନ କରିବେ । ୨୦୨୪ ସାଧାରଣ ନିର୍ବାଚନ ପୂର୍ବରୁ ଏହା ହେବ ସରକାରଙ୍କ ଶେଷ ପୂର୍ଣ୍ଣାଙ୍ଗ ବଜେଟ୍ । ତେବେ ଏଥିରେ କାହାକୁ ମିଳିବ ଅଧିକ ଫୋକସ । ସ୍ବାସ୍ଥ୍ୟ , ଶିକ୍ଷା, ରୋଜଗାର, କୃଷି ପାଇଁ କଣ ରହିଛି ବଡ଼ ଯୋଜନା। ଏଥର ବଜେଟରେ କଣ ରହିଛି ତାକୁ ନେଇ ସାରା ଦେଶର ନଜର ରହିଛି । କଣ ରହିବ କେନ୍ଦ୍ରୀୟ ବଜେଟ-୨୦୨୪ର ରୂପରେଖ ? ପକେଟକୁ ବାଧିବ ନା ବଢିବ ସେଭିଂ ? ମଧ୍ୟବିତ୍ତଙ୍କ ପାଇଁ କଣ ରହିଛି ଯୋଜନା ? ସାଧାରଣ ନିର୍ବାଚନ ପୂର୍ବରୁ କେଉଁ ବର୍ଗକୁ ଫୋକସ କରିବେ କେନ୍ଦ୍ର ସରକାର ?

ବଜେଟ୍ 2024...ଫୋକସରେ ଏସବୁ:

ପ୍ରତିରକ୍ଷା ଭିତ୍ତିଭୂମି ବିକାଶ
ରେଳ ଭିତ୍ତିଭୂମିକୁ ଅଗ୍ରାଧିକାର
ଗ୍ରାମାଞ୍ଚଳ ବିକାଶ
କୃଷି ଓ କୃଷକ ବିକାଶ
ଗରିବ କଲ୍ୟାଣ
ସବୁଜ ଶକ୍ତିର ବିକାଶ
ଯୁବଶକ୍ତି
ଶିକ୍ଷାକ୍ଷେତ୍ରକୁ ଅଗ୍ରାଧିକାର
ସ୍ୱାସ୍ଥ୍ୟକ୍ଷେତ୍ରକୁ ଗୁରୁତ୍ୱ
କରଦାତାଙ୍କ ପାଇଁ ବଡ ରିହାତି
ଛୋଟ ବ୍ୟବସାୟୀଙ୍କୁ ଲାଭ
ମହିଳା ଓ ବୟସ୍କଙ୍କ ପାଇଁ ସ୍ୱତନ୍ତ୍ର ପ୍ୟାକେଜ୍‌
ପର୍ଯ୍ୟଟନକୁ ଗୁରୁତ୍ୱ
ଜାତୀୟ ଐତିହ୍ୟ କୀର୍ତ୍ତିରାଜିର ସଂରକ୍ଷଣ

ଅଧିକ ପଢ଼ନ୍ତୁ ଦେଶ ଖବର:

Argus News | argus news | Odisha Latest News, Breaking News, Trending News, Live TV