ଅର୍ଗସ ବ୍ୟୁରୋ : ଧୂମ୍ରପାନ ଏକ ନିଶା । ଯାହା ଥରେ ଅଭ୍ୟାସରତ ହେବାପରେ ଏହାକୁ ଛାଡିବା ମଣିଷ ପକ୍ଷେ ମୁସ୍କିଲ ହୋଇଯାଏ । ଅନେକ ଜଣ ନିଜକୁ ଧୂମ୍ରପାନରୁ ନିବୃତ କରିବାକୁ ଅନେକ ଚେଷ୍ଟା କରି ବିଫଳ ହୁଅନ୍ତି । ଆଉ କିଛିଜଣ ଏଥିପାଇଁ ଅନେକ ଚେଷ୍ଟା କରନ୍ତି , ଅନେକ ପରିଶ୍ରମ ମଧ୍ୟ କରନ୍ତି । ଖୁବ କମ ଧୂମ୍ରପାନକୁ ଭ୍ୟାସରେ ବନାଇଥିବା ବ୍ୟକ୍ତି ଏଥିରୁ ନିଜକୁ ନିବୃତ କରିଛନ୍ତି । କାରଣ କର୍କଟ ଭଳି ବଡ ରୋଗ ପଛର ବଡ କାରଣ ହେଉଛି ଧୂମ୍ରପାନ ।

କିନ୍ତୁ ଏପରେ ଜଣେ ବ୍ୟକ୍ତି ଅଛନ୍ତି, ଯିଏ ଧୂମ୍ରପାନରୁ ନିଜକୁ ରୋକିବା ପାଇଁ ମୁହଁକୁ ଦୀର୍ଘ ୧୧ ବର୍ଷ ହେବ ପିଞ୍ଜରାରେ ବନ୍ଦ କରିଛନ୍ତି । ଏହି ତୁର୍କିସ୍ ବ୍ୟକ୍ତିଙ୍କ ନାଁ ହେଉଛି ଇବ୍ରାହିମ ୟୁସେଲ । ଯିଏ ମେଟାଲ ଭଳି ଏକ ପିଞ୍ଜରାରେ ନିଜ ମୁହଁକୁ ବନ୍ଦ କରିଛନ୍ତି । ଅତ୍ୟଧିକ ସିଗାରେଟ ଟାଣୁଥିବାରୁ ଏହାକୁ ରୋକିବାକୁ ଏପରି କରିଛନ୍ତି । ଇବ୍ରାହିମ ପ୍ରତିବର୍ଷ ସିଗାରେଟ ଛାଡିବା ପାଇଁ ନିଜ ସ୍ତ୍ରୀ ଏବଂ ନିଜ ପିଲାମାନଙ୍କ ଆଗରେ ଶପଥ କରୁଥିଲେ । ମାତ୍ର କିଛିଦିନ ଏହାକୁ ଛାଡିବା ପରେ ପୁଣି ଟାଣୁଥିଲେ ।

ଏହାକୁ ରୋକିବାକୁ ୨୦୧୩ରେ ସେ ନିଜେ ଏହି ପିଞ୍ଜରାରେ ନିଜ ମୁହଁକୁ ବନ୍ଦ କରି ଏହାର ଚାବି ନିଜ ସ୍ତ୍ରୀକୁ ଦେଇଥିଲେ । କେବଳ ଖାଇବା ବେଳେ ତାଙ୍କ ସ୍ତ୍ରୀ ତାଙ୍କ ମୁହଁରୁ ସେ ପିଞ୍ଜରା କାଢନ୍ତି । ଅନ୍ୟ ସମୟରେ ସେ ଏହାକୁ ମୁହଁରେ ଲଗାଇଥାନ୍ତି ।
WHO ର ରିପୋର୍ଟ ଅନୁଯାୟୀ ପ୍ରତିବର୍ଷ ୮ ମିଲିୟନ ଲୋକ ଧୂମ୍ରପାନର ଶିକାର ହୋଇ ମୃତ୍ୟୁମୁଖରେ ପଡୁଛନ୍ତି ।