ଆପଣ ଜାଣି ଆଶ୍ଚର୍ଯ୍ୟ ହେବେ, ଆମ ଦେଶର ଜଣେ ପୂର୍ବତନ ପ୍ରଧାନମନ୍ତ୍ରୀ ତଥା କଂଗ୍ରେସ ନେତାଙ୍କ ଘର ପାକିସ୍ତାନରେ ରହିଛି । ଏବେ ବି ତାଙ୍କ ପୈତୃକ ସମ୍ପତ୍ତି ବା ପୈତୃକ ଘର ପାକିସ୍ତାନରେ ରହିଥିବା ଜଣାପଡ଼ିଛି । ସେହି କଂଗ୍ରେସ ନେତା ୧୦ ବର୍ଷ ଧରି ଭାରତର ପ୍ରଧାନମନ୍ତ୍ରୀ ଭାବେ ଦାୟିତ୍ୱ ମଧ୍ୟ ତୁଲାଇଛନ୍ତି ।

ତେବେ ଏହି ପୂର୍ବତନ ପ୍ରଧାନମନ୍ତ୍ରୀ ଆଉ କେହି ନୁହନ୍ତି, ସେ ହେଉଛନ୍ତି ଡଃ ମନମୋହନ ସିଂହ । ତାଙ୍କ ଘର ପାକିସ୍ତାନର ପଞ୍ଜାବ ରାଜ୍ୟର ଗାହ ଚିକଓ୍ୱାଲରେ ରହିଛି । ଏହା ଏକ ଅତି ନିପଟ ମଫସଲିଆ ଗାଁ । ଏହି ଗାଁର ଫଟୋ ଦେଖିଲେ ଆପଣଙ୍କୁ ବି ମନେ ପଡ଼ିଯିବ ମଣିଷ କେତେ ସରଳ ଜୀବନ ଯାପନ କରିପାରନ୍ତି । ଗାଁର ସରଳ ଏବଂ ପାରମ୍ପରିକ ଜୀବନଶୈଳୀକୁ ଏହି ଫଟୋ ଗୁଡ଼ିକ ପ୍ରତିଫଳିତ କରେ।

ଏହି ଗାଁର ମହତ୍ୱ ଖୁବ୍‌ ଅଧିକ । କାରଣ ଏଠାରେ ଡକ୍ଟର ମନମୋହନ ସିଂହଙ୍କ ପିତା ଜନ୍ମ ଗ୍ରହଣ କରିଥିଲେ । ଏହାର ଏକ ଐତିହାସିକ ପରିଚୟ ମଧ୍ୟ ରହିଛି । ମନମୋହନଙ୍କ ପିତା ସ୍ଥାନୀୟ ଶିଖ ସମ୍ପ୍ରଦାୟର ସଦସ୍ୟ ଥିଲେ। ଡକ୍ଟର ସିଂହ ୧୯୩୨ ମସିହାରେ ତତ୍କାଳୀନ ବ୍ରିଟିଶ ଭାରତରେ ଜନ୍ମଗ୍ରହଣ କରିଥିଲେ । କିନ୍ତୁ ତାଙ୍କ ପରିବାରର କନେକ୍ସନ ଗାହରେ ରହିଥିଲା ।

୧୯୪୭ ମସିହାରେ ବିଭାଜନ ପରେ ଡକ୍ଟର ସିଂହଙ୍କ ପରିବାର ଭାରତକୁ ଚାଲି ଆସିଥିଲେ। ସେବେଠାରୁ, ତାଙ୍କର ପୈତୃକ ଘର ପାକିସ୍ତାନରେ ରହିଛି । ଯାହା ବିଭାଜନ ଦ୍ୱାରା ପ୍ରଭାବିତ ଅନେକ ପରିବାର ପାଇଁ ଭାରତ ଏବଂ ପାକିସ୍ତାନ ମଧ୍ୟରେ ଗଭୀର ଭାବପ୍ରବଣ ବନ୍ଧନର ପ୍ରତୀକ।

ଗାହ ଗାଁ ପାରମ୍ପରିକ ଘର ଏବଂ କୃଷି ପଦ୍ଧତି ସହିତ ଗ୍ରାମୀଣ ପଞ୍ଜାବୀ ସଂସ୍କୃତିକୁ ବଜାୟ ରଖିଛି । ତାଙ୍କ ପୈତୃକ ଘର ଏକ ସାଧାରଣ ଘର, ଯାହାକି ଡକ୍ଟର ସିଂହଙ୍କ ପରିବାର ଭାରତ ଆସିବା ପୂର୍ବରୁ କେତେ ସରଳ ଜୀବନଯାପନ କରୁଥିଲେ ତାହା ପ୍ରତିଫଳିତ କରୁଛି।

ଭାରତ ଏବଂ ପାକିସ୍ତାନ ମଧ୍ୟରେ ରାଜନୈତିକ ଉତ୍ତେଜନା ସତ୍ତ୍ୱେ, ଡକ୍ଟର ମନମୋହନ ସିଂହ ନିଜ ପୈତୃକ ଗାଁକୁ ଯିବା ପାଇଁ ଇଚ୍ଛା ପ୍ରକାଶ କରିଥିଲେ। ଏବେ ତାଙ୍କ ଗାଁ ଏବଂ ତାଙ୍କ ପୈତୃକ ଘର ସୀମା ବାହାରେ ଏକ ସମ୍ପର୍କର ପ୍ରତୀକ ପାଲଟିଛି । ଯାହା ଭାରତ-ପାକିସ୍ତାନର ସହଭାଗୀ ଇତିହାସ ଏବଂ ଐତିହ୍ୟକୁ ପ୍ରତିଫଳିତ କରୁଛି ।