ବିପର୍ଯ୍ୟୟର ଚାରି ଦିନ ପରେ  ମାଟି ତଳୁ ଉଦ୍ଧାର ହେଲେ ଚାରି ଜଣ  

ନୂଆଦିଲ୍ଲୀ:  ରଖେ ହରି ତ ମାରେ କିଏ ? ବିପର୍ଯ୍ୟୟର ଚାରି ଦିନ ପରେ ମାଟି ତଳୁ ଚାରି ଜଣଙ୍କୁ ଉଦ୍ଧାର କରାଯାଇଛି । ସେମାନଙ୍କ  ଉପରେ କୁଢ କୁଢ ମାଟି ଅତଡା ଜମି ରହିଥିଲା । ଆଉ ଏଭଳି ପ୍ରତିକୂଳ ପରିସ୍ଥିତିରେ ସେମାନେ ପ୍ରତିମୁହୂର୍ତ୍ତରେ ବଞ୍ଚିବା ପାଇଁ ସଂଘର୍ଷ କରୁଥିଲେ । ସେମାନଙ୍କୁ ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଛି । ଏଥିସହ ଓ୍ବାୟାନାଡରେ ଉଦ୍ଧାରକାରୀ ଟିମକୁ ବଡ ସଫଳତା ମିଳିଛି। ସନ୍ଧାନୀ କୁକୁର ସହାୟତାରେ ଉଦ୍ଧାରକାରୀ ଟିମ୍ ଅତ୍ୟନ୍ତ ସତର୍କତାର ସହ ଚଲାଇଛନ୍ତି ଅପରେସନ୍ ।

ମାଟି ଅତଡା ତଳୁ ସେମାନେ ଖୋଜୁଛନ୍ତି ଜୀବନ । ଓ୍ବାୟାନାଡରେ ପ୍ରକୃତିର କରାଳ ରୂପରେ ବର୍ତ୍ତମାନ ସୁଦ୍ଧା ୩ଶହରୁ ଅଧିକ ଲୋକଙ୍କ ମୃତ୍ୟୁ ହୋଇଥିବା ବେଳେ ଦୁଇଶହରୁ ଅଧିକ ଲୋକ ନିଖୋଜ ଅଛନ୍ତି। ଏଥିଯୋଗୁଁ ମୃତ୍ୟୁ ସଂଖ୍ୟା ଆହୁରି ବଢିବା ଆଶଙ୍କା କରାଯାଉଛ । ସେପଟେ ଭୂସ୍ଖଳନ ଅଂଚଳକୁ ସେନା ପକ୍ଷରୁ ଏକ ବ୍ରିଜ ତିଆରି ହୋଇଛି। ଏଥିଯୋଗୁଁ ସେଠାକୁ ବଡ ମେସିନ ଯିବା ସମ୍ଭବ ହୋଇପାରୁଛି । 

ଅଧିକ ପଢନ୍ତୁ ଭାରତ ଖବର