ଅର୍ଗସ ବ୍ୟୁରୋ:  ଲୋକସଭା ନିର୍ବାଚନ ପୂର୍ବରୁ ବିଜେପି ସାଂସଦ ଗୌତମ ଗମ୍ଭୀର ଏକ ବଡ ନିଷ୍ପତ୍ତି ନେଇଛନ୍ତି । ଗମ୍ଭୀର ରାଜନୀତିରୁ ସନ୍ୟାସ ନେଉଥିବା ନେଇ ଘୋଷଣା କରିଛନ୍ତି । ଏନେଇ ସେ ସୋସିଆଲ ମିଡିଆ ଏକ୍ସରେ ସୂଚନା ଦେଇଛନ୍ତି । କ୍ରିକେଟ ପାଇଁ ସେ ରାଜନୈତିକ ଦାୟିତ୍ୱରୁ ସ୍ୱାଧୀନତା ଚାହୁଁଥିବା କହିଛନ୍ତି । ଏଥିପାଇଁ ଗମ୍ଭୀର ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ ଅନୁରୋଧ ମଧ୍ୟ କରିଛନ୍ତି । ଏହା ସହିତ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଅମିତ ଶାହଙ୍କୁ ଧନ୍ୟବାଦ ଜଣାଇଛନ୍ତି । ଗମ୍ଭୀର ବର୍ତ୍ତମାନ ଇଷ୍ଟ ଦିଲ୍ଲୀ ଆସନରୁ ସାଂସଦ ଅଛନ୍ତି ।
 

I have requested Hon’ble Party President @JPNadda ji to relieve me of my political duties so that I can focus on my upcoming cricket commitments. I sincerely thank Hon’ble PM @narendramodi ji and Hon’ble HM @AmitShah ji for giving me the opportunity to serve the people. Jai Hind!

— Gautam Gambhir (@GautamGambhir) March 2, 2024

ମାର୍ଚ୍ଚ 2019 ରେ ଗମ୍ଭୀର ବିଜେପିରେ ଯୋଗ ଦେଇଥିଲେ ଏବଂ ସେବେଠାରୁ ଦିଲ୍ଲୀରେ ଦଳର ପ୍ରମୁଖ ଚେହେରା ହୋଇପାରିଛନ୍ତି । ସେ 2019 ଲୋକସଭା ନିର୍ବାଚନରେ 6,95,109 ଭୋଟ ବ୍ୟବଧାନରେ ପୂର୍ବ ଦିଲ୍ଲୀ ଆସନରେ ପ୍ରତିଦ୍ୱନ୍ଦ୍ୱିତା କରିଥିଲେ ଏବଂ ଜିତିଥିଲେ । ଏହି ମାସ ପରେ ଆରମ୍ଭ ହେବାକୁ ଥିବା ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ) ର ଆଗାମୀ ସଂସ୍କରଣରେ ଗମ୍ଭୀରଙ୍କୁ କୋଲକାତା ନାଇଟ୍ ରାଇଡର୍ସ (କେକେଆର୍) ମେଣ୍ଟର ଭାବେ ଦେଖାଯିବ ।