ଅନନ୍ତ ଓ ରାଧିକାଙ୍କ ପ୍ରି-ଓ୍ବେଡିଂ ଉତ୍ସବରେ ‘ଚାର୍-ଚାନ୍ଦ’ ଲଗାଇଲେ ଗ୍ଲୋବାଲ୍ ଆଇକନ୍ ରିହାନା
ଅର୍ଗସ ବ୍ୟୁରୋ: ଶିଳ୍ପପତି ମୁକେଶ ଅମ୍ବାନୀଙ୍କ ସାନ ପୁଅ ଅନନ୍ତ ଅମ୍ବାନୀ ଏବଂ ରାଧିକା ମର୍ଚାଣ୍ଟଙ୍କ ବିବାହର ସମସ୍ତ ପ୍ରସ୍ତୁତି ଆରମ୍ଭ ହୋଇଯାଇଛି। ଏହି ବିବାହ କାର୍ଯ୍ୟକ୍ରମର ମୁଖ୍ୟ ଆକର୍ଷଣ ରହିଥିଲା ଗ୍ଲୋବାଲ୍ ଆଇକନ୍ ରିହାନାଙ୍କ ଡ୍ୟାନ୍ସ। ରିହାନା ମଞ୍ଚକୁ ଯାଇ ତାଙ୍କର ଲୋକପ୍ରିୟ ଟ୍ରାକ୍ ପ୍ରଦର୍ଶନ କରୁଥିବାବେଳେ ବ୍ୟକ୍ତିଗତ ଇଭେଣ୍ଟରେ ଭିଡ଼ ଜମିବାରେ ଲାଗିଥିଲା।
୨୦୦୫ ମସିହାରେ ଡେବ୍ୟୁ କରିବା ପରେ ଖ୍ୟାତି ଅର୍ଜନ କରିଥିବା ରିହାନା ତାଙ୍କ ଗୀତ ଏବଂ ହିଟ୍ ନମ୍ବରରେ ‘ପୋର୍ ଇଟ୍ ଅପ୍’, ‘ୱାଇଲ୍ଡ ଥିଙ୍ଗସ୍’, ‘ଡାଇମଣ୍ଡ୍’ ଇତ୍ୟାଦି ପ୍ରଦର୍ଶନ କରିଥିଲେ। ଏହି କଳାକାର ତାଙ୍କ ନୃତ୍ୟରେ ପୂରା ମାହଲକୁ ଗରମ କରି ଦେଇଥିଲେ।
ଅନନ୍ତ-ରାଧିକାଙ୍କ ପ୍ରି-ୱେଡିଂ ସମାରୋହ ଏବେ ଚର୍ଚ୍ଚାରେ
ଚଳିତବର୍ଷର ସବୁଠୁ ବଡ଼, ସବୁଠୁ ଆକର୍ଷଣୀୟ, ସବୁଠୁ ଦାମୀ ବାହାଘର ହେବାକୁ ଯାଉଛି। ବିଶିଷ୍ଟ ଶିଳ୍ପପତି ମୁକେଶ ଅମ୍ବାନୀଙ୍କ ସାନପୁଅ ଅନନ୍ତ ଅମ୍ବାନୀଙ୍କ ବାହାଘର ହେବ। ଜୁଲାଇ ୧୨ରେ ହେବ ବାହାଘର କିନ୍ତୁ ଏହା ପୂର୍ବରୁ ଗୁଜରାଟ ଜାମନଗରରେ ଆଜିଠୁ ୩ଦିନ ଧରି ଆରମ୍ଭ ହୋଇଛି ପ୍ରିୱେଡିଂ ଫଙ୍କସନ। ଏହା କାର୍ଯ୍ୟକ୍ରମକୁ ସ୍ମରଣୀୟ, ଆକର୍ଷଣୀୟ କରିବା ପାଇଁ ସବୁ ପ୍ରସ୍ତୁତି କରାଯାଇଛି। ଜାମନଗର ବିମାନବନ୍ଦରରେ ଦେଖିବାକୁ ମିଳିଛି ଅତିଥିଙ୍କ ପ୍ରବଳ ଭିଡ। ବିମାନବନ୍ଦରକୁ ସଜା ଯିବା ସହ ଗୁଜରାଟୀ ନୃତ୍ୟଗୀତ ପରିବେଷଣ କରାଯାଉଛି । ଦେଶବିଦେଶର କଳାକାର ପହଞ୍ଚିଛନ୍ତି ସ୍ପେଶାଲ ପର୍ଫମାନ୍ସ ପାଇଁ । ସେପଟେ ନାମୀଦାମୀ ଅତିଥି ମଧ୍ୟ ପହଞ୍ଚିଛନ୍ତି। ୩ଦିନର କାର୍ଯ୍ୟକ୍ରମ ବେଶ ସ୍ୱତନ୍ତ୍ର ହେବାକୁ ଯାଉଛି।
📱 Get Argus News App
✨