ରାଜ୍ୟ ତଥା ଦେଶରେ ଅସହ୍ୟ ତାତି। ଗୁଳୁଗୁଳି ସାଙ୍ଗକୁ ପ୍ରବଳ ଖରା ଅନୁଭୂତ ହେଉଛି। ଯାହାକୁ ଦୃଷ୍ଟିରେ ରଖି ସରକାର ସ୍କୁଲ ପିଲାଙ୍କ ପାଇଁ ବଡ଼ ଘୋଷଣା କରିଛନ୍ତି। ଅନେକ ସ୍ଥାନରେ ପିଲାଙ୍କର ସକାଳୁଆ ସ୍କୁଲ ହେଲାଣି ତ ଆଉ କେଉଁଠି ଛୁଟି ଆରମ୍ଭ ହେଲାଣି। ଠିକ ସେହିପରି ନୂଆ ଗାଇଡଲାଇନରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ସାମିଲ କରାଯାଇଛି । ଯେଉଁଥିରେ ପ୍ରତ୍ୟେକ ସ୍କୁଲରେ “ୱାଟର ଘଣ୍ଟି” ର ବେଲ୍ ବାଜିବ । ଦିଲ୍ଲୀରେ ଅସହ୍ୟ ଗରମକୁ ଦୃଷ୍ଟିରେ ରଖି ସରକାର ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି । ସରକାର ସ୍କୁଲଗୁଡ଼ିକ ପାଇଁ ନୂଆ ଗାଇଡଲାଇନ୍ ଜାରି କରିଛନ୍ତି । ପିଲାମାନଙ୍କ ସ୍ୱାସ୍ଥ୍ୟକୁ ଦୃଷ୍ଟିରେ ରଖି ସରକାର ଏହି ପଦକ୍ଷେପ ନେଇଛନ୍ତି ।

ଅନ୍ୟପଟେ ଦିଲ୍ଲୀର ତାପମାତ୍ରା ସାଧାରଣ ନାଗରିକ ଏବଂ ସ୍କୁଲ ପିଲା ଉଭୟଙ୍କୁ ହଇରାଣ କରୁଛି। ଆଜି ଦିଲ୍ଲୀର ସର୍ବାଧିକ ତାପମାତ୍ରା ପ୍ରାୟ ୪୦ ଡିଗ୍ରୀ ସେଲସିୟସ ପହଞ୍ଚିବ ବୋଲି ଆଶା କରାଯାଉଛି । ସର୍ବନିମ୍ନ ତାପମାତ୍ରା ୨୭ ଡିଗ୍ରୀକୁ ହ୍ରାସ ପାଇବ । ଆଗାମୀ ଦିନରେ ତାପମାତ୍ରାରେ ଯଥେଷ୍ଟ ବୃଦ୍ଧି ଘଟିବ । ଏହା ଗରମକୁ ଆହୁରି ତୀବ୍ର କରି ନାଗରିକମାନଙ୍କ ପାଇଁ ଅସୁବିଧାକୁ ଆହୁରି ବଢ଼ାଇପାରେ ବୋଲି ସମ୍ଭାବନା ରହିଛି । ସୂଚନାନୁଯାୟୀ, ଗରମର ପ୍ରକୋପ ପାଇଁ ୪୫ ରୁ ୬୦ ମିନିଟରେ ଏବେ ସ୍କୁଲ୍ ଘଣ୍ଟି ବାଜିବ ।

ଏଥିସହ ପଢ଼ନ୍ତୁ: ପ୍ରବଳ ଖରାକୁ ଦୃଷ୍ଟିରେ ରଖି ବଡ଼ ନିଷ୍ପତ୍ତି, ୨୫ ତାରିଖ ଯାଏଁ ସ୍କୁଲ ଛୁଟି

କିନ୍ତୁ ଏହି ଘଣ୍ଟି ସ୍କୁଲ୍ ଛୁଟି ହେବା ପାଇଁ ନୁହେଁ ବରଂ ପାଣି ପିଇବାକୁ ମନେପକାଇବା ପାଇଁ ବାଜିବ । ସରକାର ସ୍ପଷ୍ଟ ଭାବେ କହିଛନ୍ତି ଯେ, ପ୍ରବଳ ଗରମରେ ପିଲାମାନେ ପାଠ ପଢିବାବେଳେ ଯେପରି ପାଣି ପିଇବାକୁ ନ ଭୁଲନ୍ତି ସେଥିପାଇଁ ଏହି ବ୍ୟବସ୍ଥା ଲାଗୁ କରାଯାଇଛି ।ତାପମାତ୍ରା ବୃଦ୍ଧି ଯୋଗୁଁ ସାଧାରଣ ଲୋକଙ୍କ ପାଇଁ କଷ୍ଟକର ହୋଇପଡିଛି । ଝାଳ ଏବଂ ପ୍ରଚଣ୍ଡ ଖରା ପିଲା ଏବଂ ବୟସ୍କ ଲୋକଙ୍କୁ ଅସୁସ୍ଥତାରେ ପକାଉଛି । ଏହି ସବୁ ସମସ୍ୟାକୁ ରୋକିବାକୁ ସ୍ୱାସ୍ଥ୍ୟ ବିଭାଗ ପକ୍ଷରୁ ମଧ୍ୟ ସତର୍କ ପରାମର୍ଶ ଜାରି କରାଯାଇଛି ।

ଏଥିସହ ସରକାର ପିଲାଙ୍କ ସ୍ବାସ୍ଥ୍ୟକୁ ପ୍ରାଧାନ୍ୟ ଦେଇଛନ୍ତି । ପିଲାଙ୍କ ସ୍ବାସ୍ଥ୍ୟକୁ ଠିକ୍ ରଖିବାକୁ ସରକାର ଏହି ପ୍ରୟାସ ଜାରି ରଖିଛନ୍ତି । ଦିଲ୍ଲୀରେ ଗରମକୁ ଦୃଷ୍ଟିରେ ରଖି ସରକାର ଏହି ନଷ୍ପତ୍ତି ନେଇଛନ୍ତି । ଯାହା ଦ୍ବାରା ପିଲାମାନଙ୍କୁ ହିଟ୍ ଷ୍ଟ୍ରୋକ୍ ଏବଂ ଡିହାଇଡ୍ରେସନକୁ ରୋକାଯାଇପାରିବ । ପୂର୍ବରୁ ଦିଲ୍ଲୀର ପାଣିପାଗରେ ପରିବର୍ତ୍ତନ ହୋଇଥିବା ଦେଖିବାକୁ ମିଳିଛି । ଅନ୍ୟପଟେ ଓଡ଼ିଶାରେ ମଧ୍ୟ ସମାନ ସ୍ଥିତି। ପ୍ରଚଣ୍ଡ ଖରା ସାଙ୍ଗକୁ ଗୁଳୁଗୁଳି ଜନଜୀବନ ଅସ୍ତବ୍ୟସ୍ତ।

ଅଧିକ ପଢ଼ନ୍ତୁ ଦେଶ ଖବର: