କେନ୍ଦ୍ର କାର୍ମିକ ରାଷ୍ଟ୍ରମନ୍ତ୍ରୀ ଜିତେନ୍ଦ୍ର ସିଂହ ଗୃହରେ ଦେଇଛନ୍ତି ଏହି ସ୍ୱତନ୍ତ୍ର ପ୍ରସ୍ତାବ । ଯାହାକୁ ସମସ୍ତେ କରିଛନ୍ତି ସ୍ୱାଗତ । କେନ୍ଦ୍ର ସରକାରୀ କର୍ମଚାରୀମାନେ ନିଜ ପିତା ମାତାଙ୍କ ପାଇଁ ବର୍ଷକୁ ଏକ୍ସଟ୍ରା ୩୦ ଦିନ ଛୁଟି ନେଇପାରିବେ । ଏହି ସମୟରେ ସେମାନେ ନିଜ ପିତା ମାତାଙ୍କ ସେବା କରିବେ ଓ ଯତ୍ନ ନେବେ । ଖାଲି ସେତିକି ନୁହେଁ ଅନ୍ୟ ବ୍ୟକ୍ତିଗତ କାରଣ ପାଇଁ ମଧ୍ୟ ଏହି ଛୁଟି ନେଇପାରିବେ ।

କେନ୍ଦ୍ରୀୟ ସିଭିଲ୍ ସେବା ନିୟମ, ୧୯୭୨ ଅନୁଯାୟୀ କର୍ମଚାରୀମାନଙ୍କୁ ବର୍ଷକୁ ବିଭିନ୍ନ ପ୍ରକାରର ଛୁଟି ମିଳିଥାଏ । ଏଥିରେ ୩୦ ଦିନର ଛୁଟି, ୨୦ ଦିନର ଅର୍ଦ୍ଧବେତନ ଛୁଟି, ୮ ଦିନର ଆକସ୍ମିକ ଛୁଟି ଏବଂ ୨ ଦିନର ପ୍ରତିବନ୍ଧିତ ଛୁଟି ସାମିଲ ରହିଛି । ସେ ସ୍ପଷ୍ଟ କରିଛନ୍ତି ଯେ ଏହି ସମସ୍ତ ପ୍ରକାରର ଛୁଟି ବୃଦ୍ଧ ପିତାମାତାଙ୍କ ଯତ୍ନ ସମେତ ବ୍ୟକ୍ତିଗତ କାରଣ ପାଇଁ ବ୍ୟବହାର କରାଯାଇପାରିବ।

ତେବେ ପୂର୍ବରୁ ପିତା-ମାତାଙ୍କ ସ୍ୱାସ୍ଥ୍ୟ ସମ୍ବନ୍ଧୀୟ କୌଣସି ସମସ୍ୟା ହେଲେ କର୍ମଚାରୀମାନେ ଅନ୍ୟ ଆଳ ଦେଖାଇ ଛୁଟି ନେଉଥିଲେ । କିନ୍ତୁ ଏବେ ଆଉ ସେମିତି କରିବାକୁ ପଡ଼ିବ ନାହିଁ । ପିତା-ମାତାଙ୍କ ସେବା କରିବାକୁ ସେମାନଙ୍କୁ ଅତିରିକ୍ତ ୩୦ ଦିନ ଛୁଟି ଦେଇଛନ୍ତି କେନ୍ଦ୍ର ସରକାର । ତେବେ କେନ୍ଦ୍ର ସରକାରଙ୍କ ଏଭଳି ନିଷ୍ପତ୍ତି ପରେ ରାଜ୍ୟ ସରକାର ଏନେଇ କ'ଣ ପଦକ୍ଷେପ ନେଉଛନ୍ତି ତାହା ଦେଖିବାକୁ ବାକି ରହିଲା ।