ଅର୍ଗସ ବ୍ୟୁରୋ:  22ତମ ଜାତୀୟ ପାରା ଆଥଲେଟିକ ଚାମ୍ପିଆନସିପ ୨୦୨୪ରେ ଓଡ଼ିଶାକୁ ବଡ଼ ସଫଳତା । ଗୋଟିଏ ଦିନରେ ଓଡ଼ିଶା ଖାତାକୁ ଆସିଲା ୩ ପଦକ । ଗୋଟିଏ ସ୍ୱର୍ଣ୍ଣ ସହ ଦୁଇଟି ରୌପ୍ୟ ପଦକ ହତେଇଲେ ଓଡ଼ିଆ ପାରା ଅଥଲେଟ୍ସ । T-47 ବର୍ଗର ୧୦୦ ମିଟର ମହିଳା ଦୌଡ଼ରେ ସ୍ୱର୍ଣ୍ଣ ପଦକ ଜିତିଛନ୍ତି ଜୟନ୍ତୀ ବେହେରା । ସେହିପରି ୧୦୦ ମିଟର T-53 ଓ T-54 କମ୍ବାଇଣ୍ଡ ବର୍ଗରେ କୁନିଲତା ବାରିକଙ୍କୁ ମିଳିଛି ରୌପ୍ୟ ପଦକ । ଜାଭେଲିନ ଥ୍ରୋରେ ମଧ୍ୟ ରୌପ୍ୟ ପଦକ ଜିତିଛନ୍ତି କମଳାକାନ୍ତ ନାୟକ ।

F-53 ବର୍ଗରେ ୧୬.୫୭ ମିଟର ଜାଭେଲିନ ଫିଙ୍ଗି ପଦକ ଜିତିଛନ୍ତି କମଳାକାନ୍ତ । ଚଳିତ ଥର ଗୋଆର ବାମ୍ୱୋଲିନରେ ଅନୁଷ୍ଠିତ ହେଉଛି ଜାତୀୟ ପାରା ଆଥଲେଟିକ ଚାମ୍ପିଆନସିପ । ଏହି ପ୍ରତିଯୋଗିତାରେ ରାଜ୍ୟରୁ ୩୦ ଜଣ କ୍ରୀଡ଼ାବିତ ଭିନ୍ନ ଭିନ୍ନ କ୍ରୀଡାରେ ଅଂଶଗ୍ରହଣ କରିଥିବା ବେଳେ ୩ଟି ପଦକ ନିଜ ନାମରେ କରିଛନ୍ତି ୩ ଓଡ଼ିଆ ପାରା ଅଥଲେଟ୍ସ । ଜାନୁଆରୀ ୧୦ରୁ ଆରମ୍ଭ ହୋଇଥିବା ପ୍ରତିଯୋଗୀତା ୧୩ରେ ଶେଷ ହେବ ।

ଅଧିକ ପଢ଼ନ୍ତୁ ଖେଳ ଖବର: