ଅଯୋଧ୍ୟାରେ ୫୦୦ ବର୍ଷର ଗୁଲାମୀର ପ୍ରତୀକକୁ ଲିଭାଇ ଦିଆଯାଇଛି

ଅଯୋଧ୍ୟାରେ ୫୦୦ ବର୍ଷର ଗୁଲାମୀର ପ୍ରତୀକକୁ ଲିଭାଇ ଦିଆଯାଇଛି । ଏବେ ଏହା ମଥୁରାରେ ବି ସମାନ କାର୍ଯ୍ୟ କରାଯିବ । କୃଷ୍ଣ ଜନ୍ମାଷ୍ଟମୀରେ ମଥୁରାରେ ଏହା କହିଛନ୍ତି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ମୁଖ୍ୟମନ୍ତ୍ରୀ ଯୋଗୀ କହିଛନ୍ତି, ଉତ୍ତରପ୍ରଦେଶ ସରକାର ମଥୁରା, ବୃନ୍ଦାବନ, ବରସାନା, ଗୋକୁଳ, ବଳଦେବ, ଗୋବର୍ଦ୍ଧନ ଏବଂ ରାଧାକୁଣ୍ଡକୁ ତୀର୍ଥସ୍ଥଳୀ ଭାବେ ବିକଶିତ କରିବେ ।

ମଥୁରା ପହଞ୍ଚି ୬୪୫ କୋଟି ଉନ୍ନୟନମୂଳକ ପ୍ରକଳ୍ପର ଶିଳାନ୍ୟାସ ଏବଂ ଉଦଘାଟନ କରିବା ସହ ଏକ ରେକର୍ଡ କରିଛନ୍ତି ସେ । ଉତ୍ତରପ୍ରଦେଶର ପ୍ରଥମ ମୁଖ୍ୟମନ୍ତ୍ରୀ ଭାବେ ସେ ଗତ ୮ ବର୍ଷରେ ୩୮ ଥର ମଥୁରା ଗସ୍ତ କରିଛନ୍ତି। ପ୍ରତିବର୍ଷ ତାଙ୍କୁ ଦୁଇଥର ମଥୁରା ଆସିବାର ସୌଭାଗ୍ୟ ମିଳୁଛି ବୋଲି କହିଛନ୍ତି ମୁଖ୍ୟମନ୍ତ୍ରୀ ଯୋଗୀ ।