ଅବିଶ୍ରାନ୍ତ ବର୍ଷାରେ ଉବୁଟୁବୁ ଦିଲ୍ଲୀ । ଲଗାଣ ବର୍ଷାରେ ବେହାଲ ରାଜଧାନୀ ଦିଲ୍ଲୀ । ଦିଲ୍ଲୀ ସମେତ NCRର ଅଧିକାଂଶ ସ୍ଥାନରେ ବିଳମ୍ବିତ ରାତିଠୁ ପ୍ରବଳ ବର୍ଷା । ଆଜି ପାଇଁ ପ୍ରବଳ ବର୍ଷା ନେଇ ଭାରତୀୟ ପାଣିପାଗ ବିଭାଗର ରେଡ ଆଲର୍ଟ ଜାରି କରିଛି । ଅନେକ ସ୍ଥାନରେ ଦେଖାଦେଇଛି ଜଳବନ୍ଦୀ ସମସ୍ୟା । ବିପର୍ଯ୍ୟସ୍ତ ହୋଇ ପଡ଼ିଛି ଟ୍ରାଫିକ୍ ବ୍ୟବସ୍ଥା । ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ଲୋକେ । ସେପଟେ ଦକ୍ଷିଣ ପୂର୍ବ ଦିଲ୍ଲୀର ଜୈତପୁରର ହରିନଗରରେ ଭୁଶୁଡ଼ି ପଡ଼ିଛି ଏକ କୋଠା । କୋଠା ଭଷୁଡ଼ି ପଡ଼ିବାରୁ ଅନେକ ଲୋକ ଆହତ ହୋଇଥିବା ସୂଚନା । ଘଟଣାସ୍ଥଳରେ ଦୁଇଟି ଦମକଳ ଗାଡ଼ି ପହଞ୍ଚି ଥିବା ବେଳେ ଉଦ୍ଧାର କାର୍ଯ୍ୟ ଜାରି । ଅନ୍ୟପଟେ ହରିୟାଣା ପାନିପଥରେ ରାସ୍ତାରେ ଚାଲୁଛି ୪ ଫୁଟର ପାଣି ।