ପ୍ରଥମ ମୌସୁମୀ ବର୍ଷାରେ ମୁମ୍ବାଇ ବେହାଲ। ମୁମ୍ବାଇ ଓ ଏହାର ଉପକଣ୍ଠରେ ପ୍ରବଳ ବର୍ଷା ହୋଇ ମୁଖ୍ୟ ରାସ୍ତା ତଥା ତଳିଆ ଅଞ୍ଚଳରେ ଜଳସ୍ତର ବୃଦ୍ଧି ପାଇଛି । ସହର ସାରା ଟ୍ରାଫିକ୍ ଜାମ୍‌ ହେବା ଫଳରେ ସହ ସହରବାସୀଙ୍କ ସାଧାରଣ ଜୀବନଯାତ୍ରା ପ୍ରଭାବିତ କରିଛି । ଲୋକମାନେ କେଉଁଠି ଅଣ୍ଟାଏ ତ କେଉଁଠୁ ଆଣ୍ଠୁଏ ଗଭୀର ଜଳରେ ଯିବା ଆସିବାକୁ ବାଧ୍ୟ ହେଉଛନ୍ତି ।

ଫଳରେ ରେଳ ଓ ବସ ଚଳାଚଳ ବହୁମାତ୍ରାରେ ପ୍ରଭାବିତ ହୋଇଛି । ଲୋକାଲା ଟ୍ରେନ ବିଳମ୍ବରେ ଚଳାଚଳ କରୁଥିବାବେଳେ ଛତ୍ରପତି ଶିବାଜୀ ମହାରାଜ ଟର୍ମିନସକୁ ଆସୁଥିବା ଟ୍ରେନ ବଳମ୍ବରେ ଚାଲୁଛି । ମୁମ୍ବାଇର କୁର୍ଲା, ବିଦ୍ୟା ବିହାର, ସାୟନ, ଦାଦର ଓ ପରେଲ ଆଦି ଅଞ୍ଚଳରେ ଏବେ ବି ବର୍ଷା ହେଉଛି ।

ଭାରତୀୟ ପାଣିପାଗ ବିଭାଗ ଅନୁସାରେ ମୁମ୍ବାଇରେ ଆଗାମୀ 5 ରୁ 7 ଘଣ୍ଟା ମଧ୍ୟମ ଧରଣର ବର୍ଷା ଜାରି ରହିବ । ସେପଟେ ମମ୍ବାଇ ମହାନଗର ନିଗମ ଲୋକଙ୍କୁ ବିନା କାରଣରେ ଘରୁ ନବାହାରିବାକୁ ଅନୁରୋଧ କରିଛି । ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ ଓ ଉପ ମୁଖ୍ୟମନ୍ତ୍ରୀ ଏକନା ସନ୍ଦେ ସମସ୍ତ ସୁରକ୍ଷା ଏଜେନ୍ସିଗୁଡିକୁ ଆଲର୍ଟ ରହିବାକୁ ନିର୍ଦ୍ଦେଶ ଦେଇଛନ୍ତି ।

ସେପଟେ ଦିଲ୍ଲୀରେ ମଧ୍ୟ ବର୍ଷାରେ ବେହାଲ୍ ସ୍ଥିତି । ରାସ୍ତା ଘାଟ ପାଣି ଜମି ରହିଛି । ଦିଲ୍ଲୀର ବିଭିନ୍ନ ଅଞ୍ଚଳର ଜଳାର୍ଣ୍ଣବ ହୋଇପଡିଛି । ରାସ୍ତାରେ ଅଣ୍ଟା ଲେଖାଏଁ ପାଣି ଜମା ରହିଥିବାରୁ ଲୋକଙ୍କୁ ଯିବା ଆସିବାରେ ସମସ୍ୟା ଦେଖାଦେଇଛି । ଦିଲ୍ଲୀରେ ପ୍ରବଳରୁ ଅତି ପ୍ରବଳ ବର୍ଷା ହୋଇଥିବାବେଳେ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ଲୋକେ ବାହାରକୁ ବାହାରିବା ମୁସ୍କିଲ ହୋଇପଡୁଛି । ବର୍ଷା ସାଙ୍ଗକୁ ଝଡତୋଫାନ ମଧ୍ୟ ହୋଇଥିଲା ।