ପ୍ରବଳ ବର୍ଷାରେ ବେହାଲ ରାଜସ୍ଥାନ, ୧୯ଟି ଗେଟ୍ ମଧ୍ୟରୁ ୮ଟି ଖୋଲା

ପ୍ରବଳ ବର୍ଷାରେ ବେହାଲ୍ ରାଜସ୍ଥାନ । କୋଟା, ଆଜମେର, ଯୋଧପୁର୍, ଚିତ୍ତୋରଗଡ଼, ପାଲି, ଭିଲୱାରା, ବାଂଶୱାରା ଏବଂ ବ୍ୟାୱାର ସମେତ ଅନେକ ଜିଲ୍ଲାରେ ପ୍ରବଳ ବର୍ଷା ହୋଇଛି । କୋଟା ଜିଲ୍ଲାର ମୋଦକ ସହରରେ ବନ୍ୟା ଭଳି ପରିସ୍ଥିତି ସୃଷ୍ଟି ହୋଇଛି । ଘର, ସ୍କୁଲ, ହସ୍ପିଟାଲ ଏବଂ ଏଟିଏମ୍ ମଧ୍ୟ ପାଣିରେ ଭର୍ତ୍ତି ହୋଇଯାଇଛି । କୋଟା ବ୍ୟାରେଜର ୧୯ଟି ଗେଟ୍ ମଧ୍ୟରୁ ୮ଟି ଖୋଲାଯାଇଛି ।

ସେହିପରି ଆଜମେରରେ ବର୍ଷା ସମୟରେ କାନ୍ଥ ଭୁଶୁଡ଼ି ଜଣଙ୍କର ମୃତ୍ୟୁ ହୋଇଛି । ଆଜମେରର କଚେରୀ ରୋଡରେ ବର୍ଷା ପାଣି ଲହଡ଼ି ଭାଙ୍ଗୁଛି । ଫଳରେ ଯାତାୟତ ବାଧାପ୍ରାପ୍ତ ହୋଇଛି । ଏସପିଙ୍କ​​ ଅଫିସରେ ପାଣି ପଶିଛି । ଯୋଧପୁରରେ ବି ବର୍ଷା ପାଣି ଜମି ଟ୍ରାଫିକ୍ ସମସ୍ୟା ସୃଷ୍ଟି ହୋଇଛି । ଚିତ୍ତୋରଗଡ଼ରେ ଅନେକ ଗାଁ ବାହ୍ୟ ଜଗତରୁ ବିଚ୍ଛିନ୍ନ ହୋଇଛି ।