ମହାକାଶରୁ ଗ୍ରୁପ୍ କ୍ୟାପଟେନ୍ ଶୁଭାଂଶୁ ଶୁଳ୍ପାଙ୍କ ବାର୍ତ୍ତା । ମହାକାଶରୁ ସେ ନମସ୍କାର କରିବା ସହ ଅନ୍ୟ ମହାକାଶଚାରୀଙ୍କ ସହ ତାଙ୍କର ଅନୁଭୂତି ଅନନ୍ୟ ବୋଲି କହିଛନ୍ତି । ଗତକାଲି ଉତ୍‌କ୍ଷେପଣ ପୂର୍ବରୁ ତାଙ୍କର ଉତ୍କଣ୍ଠା ବଢିଥିଲା । ସେ କେବଳ ଉପରକୁ ଯିବାକୁ ଚାହୁଁଥିଲେ । ୩୦ଦିନରୁ ଅଧିକ ସମୟ କ୍ବାରେଣ୍ଟାଇନରେ ରହିବା ପରେ ମହାକାଶକୁ ଯିବା ପାଇଁ ସେ ବ୍ୟଗ୍ର ହୋଇ ପଡିଥିଲେ । ବାରମ୍ବାର ମିଶନ ସ୍ଥଗିତ ହୋଇଥିବାରୁ ସେ ଯାତ୍ରା ପାଇଁ ଉତ୍ସାହିତ ରହିଥିଲେ । ଏଥିସହ ଶୁଭାଂଶୁ ମହାକାଶକୁ ଏକ ଖେଳଣା ହଂସ ନେଇଛନ୍ତି ଯାହା ଭାରତୀୟ ସଂସ୍କୃତିରେ ଜ୍ଞାନର ପ୍ରତୀକ ।  

ଅନ୍ତର୍ଜାତୀୟ ମହାକାଶ ଷ୍ଟେସନ ଅଭିମୁଖେ ଭାରତୀୟ ମହାକାଶଚାରୀ ଗ୍ରୁପ୍ କ୍ୟାପ୍ଟେନ୍ ଶୁଭାଂଶୁ ଶୁକ୍ଳା । ତେବେ ତାଙ୍କର ଏହି ଯାତ୍ରାରେ Axiom Space X ରେ ଏକ ପୋଷ୍ଟ ସେୟାର କରିଛି । ଯେଉଁଥିରେ ଶୁଭାଂଶୁ ତାଙ୍କର ମହାକାଶ ଯାତ୍ରାର ରୋମାଞ୍ଚକର ଅଭିଜ୍ଞତା ବର୍ଣ୍ଣନା କରିଛନ୍ତି । ଶୁଭାଂଶୁ ଆକ୍ସିଅମ୍-୪ ମିଶନରେ ଗ୍ରୁପ୍ କ୍ୟାପଟେନ୍ । ତାଙ୍କ ସହିତ କ୍ରୁରେ କମାଣ୍ଡର ପେଗି ହ୍ୱିଟସନ୍ (ଆମେରିକା), ସ୍ଲାଭୋଜ୍ ଉଜ୍ଞାନସ୍କି-ୱିଶ୍ନିୱସ୍କି (ପୋଲାଣ୍ଡ) ଏବଂ ଟିବୋର୍ କାପୁ (ହଙ୍ଗେରୀ) ଅଛନ୍ତି। ତେବେ ଯାତ୍ରା ବେଳେ ଶୁଭାଂଶୁ ମହାକାଶରୁ ପ୍ରଥମ ବାର୍ତ୍ତା ପଠାଇଛନ୍ତି । ସେ କହିଛନ୍ତି ନମସ୍ତେ ମୋର ପ୍ରିୟ ଦେଶବାସୀ, ଏହା କି ଏକ ଯାତ୍ରା ଥିଲା । ୪୧ ବର୍ଷ ପରେ ଆମେ ପୁଣି ଥରେ ମହାକାଶକୁ ଯାତ୍ରା କରୁଛୁ । ଶୁଭାଂଶୁ ଶୁକ୍ଳା ଖୁସିରେ ISS ଅଭିମୁଖେ ଯାଉଛନ୍ତି । ତାଙ୍କର ଯାତ୍ରା ଅଭିଜ୍ଞତା ସମଗ୍ର ଭାରତକୁ ଗର୍ବରେ ଭରି ଦେଉଛି ।

ଶୁଭାଂଶୁ କହିଛନ୍ତି ଯେ ୩୦ ଦିନର କ୍ୱାରାଣ୍ଟାଇନ୍ ପରେ, ଲଞ୍ଚ ଦିନ ଡ୍ରାଗନ୍ କ୍ୟାପସୁଲ୍‌ରେ ବସି ମୁଁ କେବଳ ଭାବୁଥିଲି ଯେତେ ଶୀଘ୍ର ମୁଁ ମହାକାଶ ଯାତ୍ରା କରିବି । ଏବେ ମୁଁ ବହୁତ ଗର୍ବୀତ ଅନୁଭବ କରୁଛି । ମୋ କାନ୍ଧରେ ଥିବା ତ୍ରିରଙ୍ଗା, କହୁଥିଲା କି ସମସ୍ତ ଦେଶବାସୀ ମୋ ସହିତ ଅଛନ୍ତି । ଏହା ଭାରତର ମାନବ ମହାକାଶ ଯାତ୍ରା ପାଇଁ ଏକ ବଡ଼ ପଦକ୍ଷେପ। @Axiom_Space on X ରେ ଏକ ପୋଷ୍ଟରେ, ସେ ମାଇକ୍ରୋଗ୍ରାଭିଟିରେ ଉଡ଼ିବା ଓ ପୃଥିବୀର ସୌନ୍ଦର୍ଯ୍ୟ ଦେଖିବାର ମଜା ବାଣ୍ଟିଛନ୍ତି । ଶୁଭାଂଶୁ କହିଛନ୍ତି ଯେ ଏହା ମୋର ଯାତ୍ରା ନୁହେଁ । ବରଂ ଭାରତର ମହାକାଶ କାର୍ଯ୍ୟକ୍ରମର ଆରମ୍ଭ। ମହାକାଶଯାନ ISS ରୁ ୪୦୦ ମିଟର ଦୂରରେ ଅଛି ।