ହିମାଚଳ ପ୍ରଦେଶରେ ବର୍ଷାର ବିପର୍ଯ୍ୟୟ । ସିମଲା, ବିଳାସପୁର ଏବଂ ସୋଲାନର ଅନେକ ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା । ଚମ୍ବା, କାଙ୍ଗଡ଼ା, ମଣ୍ଡି ଏବଂ ସିରମୌର ଜିଲ୍ଲାର କିଛି ସ୍ଥାନରେ ଝଡ଼ତୋଫାନ ସହିତ ପ୍ରବଳ ବର୍ଷା ହେବା ସହ ୟେଲୋ ଆଲର୍ଟ ଜାରି କରିଛି ପାଣିପାଗ ବିଭାଗ । ୨୧ ଜୁଲାଇ ପର୍ଯ୍ୟନ୍ତ ବର୍ଷା ଜାରି ରହିବ । ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷାର କ୍ରମ ଜାରି ରହିବ। ବର୍ଷା ଯୋଗୁଁ ରାଜ୍ୟର ସର୍ବାଧିକ ତାପମାତ୍ରା ଗୋଟିଏରୁ ଦୁଇ ଡିଗ୍ରୀ ସେଲସିୟସ୍ ହ୍ରାସ ପାଇଛି ।

ରାଜ୍ୟ ବିପର୍ଯ୍ୟୟ ପରିଚାଳନା ବିଭାଗର ସୂଚନା ଅନୁଯାୟୀ ଜୁନ୍ ୨୦ ରୁ ଜୁଲାଇ ୧୫ ପର୍ଯ୍ୟନ୍ତ ୧୦୬ ଜଣଙ୍କର ମୃତ୍ୟୁ ହୋଇଛି । ମୋଟ ମୃତ୍ୟୁ ମଧ୍ୟରୁ ୬୨ ଜଣଙ୍କର ମୃତ୍ୟୁ ସିଧାସଳଖ ବର୍ଷା ସମ୍ବନ୍ଧୀୟ ବିପର୍ଯ୍ୟୟ ଯେପରିକି ଭୂସ୍ଖଳନ, ବନ୍ୟା, ବାଦଲ ଫଟା ବର୍ଷା, ବଜ୍ରପାତ ଯୋଗୁଁ ହୋଇଛି । ବର୍ଷା ଏବଂ ଭୂସ୍ଖଳନ ଯୋଗୁଁ ରାଜ୍ୟରେ ୧୯୯ ରାସ୍ତା ଯାତାୟାତ ପାଇଁ ବନ୍ଦ ଅଛି, ସେଗୁଡ଼ିକୁ ଖୋଲିବା ପାଇଁ ପ୍ରୟାସ କରାଯାଉଛି ।