ଅର୍ଗସ ବ୍ୟୁରୋ: ମହାକାଶ ବିଜ୍ଞାନ କ୍ଷେତ୍ରରେ ଇତିହାସ ରଚିଲା ଇସ୍ରୋ । ସ୍ପେଡେକ୍ସ ମିଶନ ଲଞ୍ଚ । ବର୍ଷର ଶେଷ ଦିନରେ ଭାରତ ନାଁରେ ଯୋଡ଼ି ହୋଇଛି ଆଉ ଏକ ବଡ଼ କୀର୍ତ୍ତିମାନ । ମହାକାଶ ବିଜ୍ଞାନ କ୍ଷେତ୍ରରେ ଏହାକୁ ମାଇଲ ଷ୍ଟୋନ ବୋଲି କହିଛନ୍ତି ଇସ୍ରୋ ଅଧ୍ୟକ୍ଷ ଏସ ସୋମନାଥ । ଶ୍ରୀହରିକୋଟା ସ୍ଥିତ ସତୀଶ ଧାୱନ ମହାକାଶ କେନ୍ଦ୍ରରୁ ରାତି 10ଟାରେ ମିଶନ ଲଞ୍ଚ ହୋଇଛି ।

ପିଏସଏଲଭି-ସି୬୦ ରକେଟ ସାହାଯ୍ୟରେ ଲଞ୍ଚ୍ ହୋଇଛି ଦୁଇ ସ୍ପେସକ୍ରାଫ୍ଟ । ଭାରତୀୟ ଅନ୍ତରୀକ୍ଷ ଷ୍ଟେସନ ସ୍ଥାପନ ଲକ୍ଷ୍ୟରେ ଲଞ୍ଚ୍ ହୋଇଛି ବହୁ ପ୍ରତୀକ୍ଷିତ ମିଶନ । ଆରମ୍ଭ ହେବ ଭାରତର ‘ସ୍ପେସ ଡକିଂ ଏକ୍ସପେରିମେଣ୍ଟ’। ଏହି ଅଭିଯାନରେ ମହାକାଶରେ ମଞ୍ଜିକୁ ଅଙ୍କୁରିତ କରିବା ସହ ପ୍ରଥମଥର ପାଇଁ ମହାକାଶରେ ଗବେଷଣାଗାର ପ୍ରତିଷ୍ଠା ଲକ୍ଷ୍ୟ ରଖିଛି ଭାରତ । ୨୨୦ କେଜି ବିଶିଷ୍ଟ ଦୁଇଟି ସ୍ପେସକ୍ରାଫ୍ଟ ନେଇ ମହାକାଶକୁ ଯାଇଛି ପିଏସଏଲଭି-୬୦ ରକେଟ୍ ।

ମହାକାଶରେ ହିଁ ଦୁଇ ସ୍ପେସକ୍ରାଫ୍ଟ SDX-1 ଓ SDX-II କୁ ଯୋଡାଯାଇଛି । ଏହି ଟେକ୍ନୋଲଜି ଆଗାମୀ ଚନ୍ଦ୍ର ମିଶନ ଓ ମହାକାଶରେ ଭାରତୀୟ ଅନ୍ତରୀକ୍ଷ ଷ୍ଟେସନ ନିର୍ମାଣ ଲାଗି ସହାୟକ ହେବ । ଦୁଇ ଉପଗ୍ରହ ୪୭୬ କିଲୋମିଟର ବୃତ୍ତାକାର କକ୍ଷପଥରେ ସ୍ଥାପିତ ହେବା ପରେ ଜାନୁଆରୀ ପ୍ରଥମ ସପ୍ତାହରେ ଆରମ୍ଭ ହେବ ‘ସ୍ପେସ ଡକିଂ ଏକ୍ସପେରିମେଣ୍ଟ’। ଟ୍ବିଟ୍ କରି ଇସ୍ରୋକୁ ଅଭିନନ୍ଦନ ଜଣାଇଲେ ମୁଖ୍ୟମନ୍ତ୍ରୀ ମୋହନ ମାଝୀ ।

Argus News | argus news | Odisha Latest News, Breaking News, Trending News, Live TV