ଉତ୍ତରାଖଣ୍ଡରେ ବାଦଲଫଟା ବର୍ଷା ପରେ ପ୍ରଳୟର ଭୟଙ୍କର ଚିତ୍ର । ଧ୍ବଂସାବଶେଷରେ ପରିଣତ ହୋଇଛି ହରିସିଲର ଅନେକ ଅଂଚଳ । ଧ୍ବଂସସ୍ତୁପରେ ପରିଣତ ହୋଇଛି ଟୁରିଷ୍ଟ ସ୍ପଟ୍ ଧରାଲି । ଜାତୀୟ ରାଜପଥ ଧୋଇଯାଇଥିବାରୁ ଗାଡି ଚଳାଚଳ ପ୍ରଭାବିତ ହୋଇଛି । ଶହ ଶହ ଗାଡି ଅଟକି ରହିଛି। ମାଟି ଅତଡା ତଳେ ଅନେକ ଘର, ଗାଡି, ଦବି ଯାଇଛି । ବର୍ତ୍ତମାନ ସୁଦ୍ଧା ୪ଜଣଙ୍କ ମୃତ୍ୟୁ ହୋଇଥିବା ବେଳେ ୫୦ରୁ ଅଧିକ ଲୋକ ନିଖୋଜ ଅଛନ୍ତି । ସେନାର ୯ଜଣ ଯବାନ ମଧ୍ୟ ନିଖୋଜ ଥିବା ସୂଚନା ମିଳିଛି ।ନିଖୋଜ ମାନଙ୍କୁ ଠାବ କରିବାକୁ ଯୁଦ୍ଧ କାଳୀନ ଅପରେସନ ଚାଲିଛି NDRF, SRF ଓ ITBP ପକ୍ଷରୁ ମାଟି ଅତଡା ତଳୁ ଚାଲିଛି ଜୀବନ ଖୋଜା ।

କିନ୍ତୁ ଏବେ ବି ବର୍ଷା ଲାଗି ରହିଥିବାରୁ ଉଦ୍ଧାରକାରୀ ଟିମ୍ ପାଇଁ ବଡ ଚ୍ୟାଲେଂଜ ସୃଷ୍ଟି ହୋଇଛି । ଗତକାଲି ଅପରାହ୍ନରେ ବାଦଳଫଟା ବର୍ଷା ପରେ ପାହାଡରୁ ବଡ ବଡ ପଥରଖଣ୍ଡ ସହ ମାଟି ଅତଡା ଧସିଥିଲା । ଏଥିଯୋଗୁଁ ଅନେକ ଘର, ଦୋକାନ ଓ ହୋଟେଲ ଭାସି ଯାଇଥିଲା । ସେପଟେ ବାଗେଶ୍ୱର, କୋଟଦ୍ୱାରରେ ପ୍ରବଳ ବର୍ଷା ଜାରି ରହିଥିବାରୁ କେଦାରନାଥ ଯାତ୍ରା ସ୍ଥଗିତ ରଖାଯାଇଛି । ବନ୍ୟା ସ୍ଥିତି ସଂପର୍କରେ ସମୀକ୍ଷା କରିଛନ୍ତି ଉତ୍ତରାଖଣ୍ଡ ସିଏମ୍ ପୁଷ୍କର ସିଂ ଧାମି । ଉତ୍ତରାଖଣ୍ଡ ସିଏମଙ୍କ ସହ କଥା ହୋଇ ସମସ୍ତ ପ୍ରକାର ସହଯୋଗ ଯୋଗାଇଦେବାକୁ ପ୍ରତିଶ୍ରୁତି ଦେଇଛନ୍ତି ପ୍ରଧାନମନ୍ତ୍ରୀ ମୋଦି ।

ଅଧିକ ପଢ଼ନ୍ତୁ ଦେଶ ଖବର: