ଅର୍ଗସ ବ୍ୟୁରୋ : ପାନ୍‌ କାର୍ଡରେ ଯଦି କିଛି ଭୁଲ ହୋଇଛି ତାହାଲେ କେମିତି ସୁଧାରିବେ ? କାରଣ ଅନେକ ସମୟରେ ଦେଖାଯାଇଛି କି ପାନ୍‌ କାର୍ଡରେ କିଛି ନା କିଛି ଭୁଲ ରହିଯାଏ । ଯାହା ପାଇଁ ପରବର୍ତ୍ତୀ ସମୟରେ ଅନେକ ଅସୁବିଧାର ସାମ୍ନା କରିବାକୁ ପଡ଼େ । ତେବେ ଜାଣନ୍ତୁ ଏହାର ସମାଧାନ କେମିତି କରିବେ ? 

ଯଦି ଆପଣ କୌଣସି ସରକାରୀ କିମ୍ବା ବେସରକାରୀ କାର୍ଯ୍ୟ କରୁଛନ୍ତି ତେବେ ସେହି ସମୟରେ ଆପଣଙ୍କୁ ଆପଣଙ୍କର ଅନେକ ପ୍ରକାରର ପରିଚୟ ପତ୍ର ମାଗିଥାନ୍ତି । ଆଉ ଯଦି ଆପଣ ସେହି ସମୟରେ ସେହି ଡକ୍ୟୁମେଣ୍ଟ ଗୁଡିକ ଦେବାରେ ସକ୍ଷମ ନହୁଅନ୍ତି ତେବେ ଠିକ୍‌ରେ କାମ ହୋଇନଥାଏ । ଆଧାର କାର୍ଡ, ଡ୍ରାଇଭିଂ ଲାଇସେନ୍ସ, ଭୋଟର ଆଇଡି କାର୍ଡ, ରେସିଡେନ୍ସ ସାର୍ଟିଫିକେଟ ଏହି ସବୁ ଡକ୍ୟୁମେଣ୍ଟ ବ୍ୟତୀତ ଆହୁରି ଅନେକ ଡକ୍ୟୁମେଣ୍ଟ ମଧ୍ୟ ଏହାର ଅନ୍ତର୍ଭୁକ୍ତ । ଏହିପରି ଗୋଟିଏ ପରିଚୟ ପତ୍ର ହେଉଛି ପାନକାର୍ଡ । ଯାହା ବ୍ୟାଙ୍କରେ ଆକାଉଣ୍ଟ ଖୋଲିବା ସମୟରେ, କୌଣସି ଲୋନ ନେବା ସମୟରେ ଆୟକର ରିଟର୍ଣ୍ଣ ଦାଖଲ କରିବା ପରି ଅନ୍ୟାନ୍ୟ କାର୍ଯ୍ୟ ପାଇଁ ଆବଶ୍ୟକ ହୋଇଥାଏ । ଆଉ ସେହି ସମୟରେ ପାନ କାର୍ଡରେ ନାମ, ଜନ୍ମ ତାରିଖ ନିଜର ଠିକଣାରେ କିଛି ବି ଭୁଲ ପ୍ରିଣ୍ଟ ହୋଇଥିଲେ ଲୋକମାନଙ୍କୁ ଅନେକ ଅସୁବିଧାର ସମ୍ମୁଖୀନ ହେବାକୁ ପଡିଥାଏ । କିନ୍ତୁ ଏବେ ଯଦି ଏପରି କିଛି ବି ପରିସ୍ଥିତି ଆସେ ତେବେ ଆପଣ ନିଜର ପାନ୍ କାର୍ଡରେ ଥିବା ତ୍ରୁଟିକୁ ସଂଶୋଧନ କରିପାରିବେ । ତେବେ ଆସନ୍ତୁ ଜାଣିବା କେମିତି ସୁଧାରିବେ ତ୍ରୁଟି  ?

ଯଦି ଆପଣଙ୍କ ପାନ କାର୍ଡରେ କୌଣସି ବି ସୂଚନାରେ ତ୍ରୁଟି ରହିଛି ତେବେ ଏହାକୁ ଆପଣ ସଂଶୋଧନ କରିପାରିବେ । ଏଥିପାଇଁ ଆପଣଙ୍କୁ କୌଣସି ସ୍ଥାନକୁ ଯିବାକୁ ପଡିବ ନାହିଁ ଆପଣ ଏହାକୁ ଘରେ ବସି ଠିକ କରିପାରିବେ ତାହା ମଧ୍ୟ ଅନଲାଇନ ମାଧ୍ୟମରେ ।

ତେବେ ଏହା ପାଇଁ ଆପଣଙ୍କୁ ସର୍ବପ୍ରଥମେ NSDL ର ଅଫିସିଆଲ୍ ୱେବସାଇଟ୍ onlineservices.nsdl.com/paam/endUserRegisterContact.html କୁ ଯିବାକୁ ପଡିବ । ଏଠାରେ ଆପଣଙ୍କୁ ଏକ ଫର୍ମ ମିଳିବ ଯାହାକୁ ଆପଣଙ୍କୁ ପୁରଣ କରି ଦାଖଲ କରିବାକୁ ପଡିବ । ଯଦି ଆପଣ ଅନଲାଇନରେ ଏହା କରିବାକୁ ଚାହୁଁନାହାନ୍ତି ତେବେ ଆପଣ ଏହାକୁ ଅଫଲାଇନରେ ମଧ୍ୟ ଏହା କରିପାରିବେ । ସେଥିପାଇଁ ଆପଣ ନିକଟତମ ଜନସେବା କେନ୍ଦ୍ରକୁ ଯାଇ ସମ୍ପୃକ୍ତ ଅଧିକାରୀଙ୍କ ସହ ଯୋଗାଯୋଗ କରନ୍ତୁ । ଏବଂ ସେଠାରେ ନୂତନ ପାନ କାର୍ଡ ଆବେଦନ କରି ପାନ ଡାଟା ସଂଶୋଧନ ପାଇଁ ଫର୍ମ ନେଇ ଏହାକୁ ସଠିକ ତଥ୍ୟ ସହ ସଂଶୋଧନ କରି ସେହି ଫର୍ମ ସହ ସମ୍ପୃକ୍ତ ଡକ୍ୟୁମେଣ୍ଟ ସଂଲଗ୍ନ କରି ଶେଷରେ ଏହାକୁ ଦାଖଲ କରିଦିଅନ୍ତୁ।

ଅଧିକ ପଢନ୍ତୁ ଭାରତ ଖବର