ରାଜସ୍ଥାନର ବାଡମେର ଜିଲ୍ଲାର କଲେକ୍ଟର IAS ଟୀନା ଡାବି ବହୁ ଲୋକପ୍ରିୟ। ସେ ପ୍ରାୟତଃ ଇନଷ୍ଟାଗ୍ରାମରେ ତାଙ୍କ କାମର ଭିଡିଓ ସେୟାର କରନ୍ତି। ବାଡମେରର ମୁଲତାନମାଲ ଭିକଚାନ୍ଦ ଛାଜେଦ ମହିଳା କଲେଜ ବାହାରେ ଏକ ପ୍ରତିବାଦ ସମୟରେ, ଦୁଇଜଣ ଛାତ୍ର ନେତା ତାଙ୍କୁ "ରିଲ୍ ଷ୍ଟାର" ବୋଲି କହି ହଟହଟା ହୋଇଛନ୍ତି। ଏହାପରେ ପୋଲିସ ସେମାନଙ୍କୁ ଉଠାଇ ନେଇ ଅଟକ ରଖିଥିଲା। ପରେ ଉତ୍ତେଜନା ଆହୁରି ତୀବ୍ର ହୋଇଥିଲା। ଯେଉଁଥିପାଇଁ ଶତାଧିକ ଛାତ୍ରଛାତ୍ରୀ ଏକାଠି ହୋଇଥିଲେ। ଯେମିତି ରୋଲ ମଡେଲ ଥାନ୍ତି ମାଡାମ ସେମିତି ରିଲ ଷ୍ଟାର ଏଭଳି କହିଛନ୍ତି ବାଡମେର କଲେଜର ଛାତ୍ରଛାତ୍ରୀ।

Just another day of a bureaucrat being intolerant in India.
They continue to bypass harsh scrutiny despite their corruption, power drunkenness and now intolerance. pic.twitter.com/8OAMLwZG4r

— Priyanka Chaturvedi🇮🇳 (@priyankac19) December 22, 2025

ଫି' ବୃଦ୍ଧି ବିରୋଧରେ ମହିଳା କଲେଜ ବାହାରେ ପ୍ରତିବାଦ ଚାଲିଥିଲା। ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ (ABVP) ର ଦୁଇଜଣ ଛାତ୍ର ନେତ୍ରୀ କଲେକ୍ଟର ଟିନା ଡାବିଙ୍କୁ "ରିଲ୍ ଷ୍ଟାର" ବୋଲି ଅଭିଯୋଗ କରିଥିଲେ। ପୋଲିସ ସେମାନଙ୍କୁ ଅଟକ ରଖିଥିଲା। କଲେଜର ଛାତ୍ରୀମାନେ ପୋଲିସ ଷ୍ଟେସନକୁ ଯାଇ ବିକ୍ଷୋଭ ପ୍ରଦର୍ଶନ ଆରମ୍ଭ କରିଥିଲେ। ଛାତ୍ରମାନେ ଅଭିଯୋଗ କରିଥିଲେ ଯେ ଫି ବୃଦ୍ଧି ବିରୋଧରେ ପ୍ରତିବାଦ କରିବା ପାଇଁ ନୁହେଁ, ବରଂ ଟିନା ଡାବିଙ୍କୁ "ରିଲ୍ ଷ୍ଟାର" ବୋଲି କହିବା ପାଇଁ ଛାତ୍ର ନେତାମାନଙ୍କୁ ଅଟକ ରଖାଯାଇଛି। ତଥାପି, ଜିଲ୍ଲା ପ୍ରଶାସନ କହିଛି ଯେ ଆଇନ ଶୃଙ୍ଖଳା ବଜାୟ ରଖିବା ପାଇଁ ଏହି କାର୍ଯ୍ୟାନୁଷ୍ଠାନ ନିଆଯାଇଛି।

The arrest of students for expressing their views is deeply condemnable and strikes at the very core of democratic values. When police officials asked the protesting girls to speak to the Collector, IAS Tina Dabi, referring to her as a “real star,” ABVP students clearly responded… pic.twitter.com/xrfxxiievz

— ABVP (@ABVPVoice) December 22, 2025

ମାଡାମ ସବୁବେଳେ ରିଲ କରନ୍ତି
ପ୍ରତିବାଦରେ ଅଂଶଗ୍ରହଣ କରିଥିବା ଛାତ୍ରୀ ହୀନା ଖତ୍ରୀ କହିଛନ୍ତି ଯେ ଛାତ୍ର ନେତା ଜିଲ୍ଲା କଲେକ୍ଟରଙ୍କୁ "ରିଲ୍ ଷ୍ଟାର" ବୋଲି କହିଥିଲେ। ଏଥିରେ କିଛି ଆପତ୍ତିଜନକ କିମ୍ବା ଅପମାନଜନକ ନ ଥିଲା। ସେ କେବଳ କହିଥିଲେ ଯେ ମ୍ୟାଡାମ୍ ଜଣେ "ରିଲ୍ ଷ୍ଟାର"। ଏଥିରେ କ'ଣ ଭୁଲ ଅଛି? ଯେଉଁଠାରେ ସ୍ୱଚ୍ଛତା ଅଭିଯାନ ହୁଏ ଏବଂ ସେ ଭିଡିଓ କରନ୍ତି। ଆମେ ତାଙ୍କୁ ରିଲ ଷ୍ଟାର କହିଲେ ଭୁଲ କେଉଁଠି ରହିଲା। ଆମେ ତାଙ୍କୁ କୌଣସି ଅପମାନ ଦେଇନୁ।
"ସେ ଜଣେ ଭଲ କଲେକ୍ଟର ନୁହଁନ୍ତି। ସେ କାହା ଆଦର୍ଶ ମଧ୍ୟ ନୁହନ୍ତି। ଯଦି ସେ ହୋଇଥାନ୍ତେ, ତେବେ ସେ ଛାତ୍ରମାନଙ୍କ ଦାବି ଶୁଣିବା ପାଇଁ ଏଠାକୁ ଆସିଥାନ୍ତେ। ସେ ଜଣେ ରିଲ୍ ଷ୍ଟାର, ରିଲ୍ ତିଆରି କରିବାକୁ ସବୁଠାକୁ ଯାଆନ୍ତି, କିନ୍ତୁ ଆମର ସମସ୍ୟା ପ୍ରତି ଧ୍ୟାନ ଦିଅନ୍ତି ନାହିଁ," ଛାତ୍ରଛାତ୍ରୀ ଏମିତି କହିଥିଲେ।

ଛାତ୍ରଛାତ୍ରୀମାନେ ପ୍ରଶାସନର ବିକାଶର ଦାବି ଉପରେ ମଧ୍ୟ ପ୍ରଶ୍ନ ଉଠାଇଥିଲେ। ସେମାନେ କହିଥିଲେ ଯେ ଜିଲ୍ଲା ପ୍ରଶାସନ "ବାର୍ଡମେର ବିକାଶ" କଥା କହୁଛି, କିନ୍ତୁ କଲେଜ ଚାରିପାଖର ପରିସ୍ଥିତି ଭିନ୍ନ। ଛାତ୍ରମାନେ କହିଥିଲେ ଯେ କଲେଜକୁ ଯାଉଥିବା ମୁଖ୍ୟ ରାସ୍ତାରେ ସବୁବେଳେ ଅଳିଆ ପଡ଼ି ରହିଥାଏ ଆଉ ଏହାକୁ କେବେ କେହି ଦୃଷ୍ଟି ଦେଇ ନ ଥାନ୍ତି।

ଏହିସବୁ ଅଭିଯୋଗକୁ ନେଇ ଟୀନା ଡାବି କହିଛନ୍ତି ଯେ, ସମଗ୍ର ମାମଲାକୁ ଭୁଲ ଭାବରେ ଉପସ୍ଥାପନ କରାଯାଉଛି। ଏପରି କୌଣସି ବିବାଦ ନାହିଁ। ପ୍ରତିବାଦ ସମୟରେ ଅଧିକାରୀମାନଙ୍କ ସହିତ ଦୁର୍ବ୍ୟବହାର କରାଯାଇଥିଲା। ଆଇନ ଶୃଙ୍ଖଳା ବଜାୟ ରଖିବା ପାଇଁ ଛାତ୍ର ନେତାମାନଙ୍କୁ ଅଟକ ରଖାଯାଇଥିଲା। ସେ ଏହା ମଧ୍ୟ ସ୍ପଷ୍ଟ କରିଥିଲେ ଯେ ଛାତ୍ର ନେତାମାନଙ୍କ ବିରୁଦ୍ଧରେ କୌଣସି ମାମଲା ରୁଜୁ କରାଯାଇ ନାହିଁ। ପରେ ସେମାନଙ୍କୁ ମୁକ୍ତ ମଧ୍ୟ କରାଯାଇଛି।