ଅର୍ଗସ ବ୍ୟୁରୋ : ଆର୍ଟିଫିସିଆଲ ଇଣ୍ଟେଲିଜେନ୍ସ ଦ୍ବାରା ରୋବର୍ଟର ନୂଆ ଟେକନିକ ବାହାର କରିବା ପାଇଁ ବୈଜ୍ଞାନିକ ମାନେ ଲଗାତାର ଚେଷ୍ଟା କରୁଛନ୍ତି । ସେମାନେ ଏପରି ରୋବର୍ଟର ସନ୍ଧାନରେ ଅଛନ୍ତି, ଯିଏ ମଣିଷର ଏକ ସାଥୀ ହୋଇପାରିବ । ଏ ଭିତରେ ଏମିତି ଏକ ରୋବର୍ଟର ଆବିଷ୍କାର ହୋଇଛି, ଯିଏ ମଣିଷର ମନର ଭାବନାକୁ ବୁଝିପାରିବ । ଆପଣ କେଉଁ ସମୟରେ କଣ ଭାବୁଛନ୍ତି ତାହା ବେଶ ଭଲଭାବେ ବୁଝିପାରିବ ଏହି ରୋବର୍ଟ । ଏହି ରୋବର୍ଟ ମଣିଷର ସ୍କିନ ଛୁଇଁବା ଦ୍ବାରା ମଣିଷର ଭାବନାକୁ ବୁଝିପାରିବ । ସ୍କିନ କଣ୍ଟକ୍ଟାନ୍ସ ସାହାଯ୍ୟରେ ଏହି ରୋବର୍ଟ ମନର ଫିଲିଙ୍ଗ୍ସ ବୁଝିପାରିବ ।

ଏହା ମଣିଷର ଝାଳ ନିର୍ଗମନ ଏବଂ ସ୍ନାୟୁର ଗତିବିଧିରୁ ତାର ଭାବନାର ଅବସ୍ଥିତି ଦର୍ଶାଇଥାଏ । ଏହାକୁ ପରୀକ୍ଷା କରିବା ପାଇଁ ବୈଜ୍ଞାନିକ ମାନେ ୩୩ ଜଣଙ୍କ ଉପରେ ଏହି ରୋବର୍ଟକୁ ନେଇ ପରୀକ୍ଷା କରିଥଇଲେ । ଯେଉଁଥିରେ ସେମାନଙ୍କୁ ବିଭିନ୍ନ ପ୍ରକାରର ଅଲଗା ଅଲଗା ଭିଡିଓ ଦେଖାଇ ଦିଆଯାଇଥିଲା । ଭିଡିଓ ଦେଖାଇବା ପରେ ସେହି ରୋବର୍ଟ ଦ୍ବାରା ସେମାନଙ୍କ ଭାବନାର ପରୀକ୍ଷା କରାଯାଇଥିଲା । ଜଣା ପଡିଥିଲା ଯେଉଁମାନଙ୍କ ଭିତରେ ଡରର ଭାବନା ଥିଲା ତାହା ଅଧିକ ସମୟ ଯାଏଁ ଶରୀରରେ ରହିଥିଲା ।

ସେହିପରି ଯେଉଁମାନଙ୍କ ଭିତରେ ହସ ଖୁସିର ଏକ ମିଶ୍ରିତ ଭାବନା ଥିଲା ତାହା ଧିରେ ଧିରେ କମିବାକୁ ଲାଗୁଥିଲା । ଯେଉଁମାନଙ୍କ ଭିତରେ ଅତ୍ୟନ୍ତ ଖୁସି ଏବଂ ହସର ଭାବନା ଥିଲା ତାହା ଅଳ୍ପ ସମୟ ଯାଏଁ ଶରୀରରେ ତିଷ୍ଠି ରହିଥିଲା । ଏହି ପରୀକ୍ଷା ଦ୍ବାରା ବୈଜ୍ଞାନିକ ମାନେ ଜାଣିବାକୁ ପାଇଥିଲେ ଯେ, ଖୁବଶୀଘ୍ର ଏହି ରୋବର୍ଟକୁ ବିକଶିତ କରାଯାଇ ଲଞ୍ଚ କରାଯିବ ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV