Heavy Rain Alert / ଦେଶର ଅନେକ ରାଜ୍ୟରେ ଝଡ଼ ତୁଫାନ ସହ ପ୍ରବଳ ବର୍ଷିବ: IMDର ସତର୍କ ସୂଚନା

ନୁଆଦିଲ୍ଲୀ,୧୩/୦୮: ପାଣିପାଗ ଆକଳନ ଅନୁସାରେ ଆଜି ଓ ଆସନ୍ତା କାଲି ଝାଡ଼ଖଣ୍ଡ ଓ ଛତିଶଗଡ଼ ଓ ତାମିଲନାଡୁରେ ବର୍ଷା ବଢ଼ିବା ସମ୍ଭାବନା ରହିଛି । କେତେକ ସ୍ଥାନରେ ପ୍ରବଳ ବର୍ଷା ସହ ବିଜୁଳି ଓ ଘଡ଼ଘଡ଼ି ମଧ୍ୟ ହୋଇପାରେ । ଅଗଷ୍ଟ ୧୫ରୁ ବର୍ଷାର ପ୍ରଭାବ ପୂର୍ବ ଉତ୍ତରପ୍ରଦେଶ ଓ ପୂର୍ବ ମଧ୍ୟପ୍ରଦେଶ ଦିଗକୁ ବଢ଼ିପାରେ ।

ଏପଟେ ଆଜି ମଧ୍ୟ ରାଜସ୍ଥାନ, ପଶ୍ଚିମବଙ୍ଗ, ମହାରାଷ୍ଟ୍ର ଓ ଓଡ଼ିଶାର କିଛି ଅଞ୍ଚଳରେ ପ୍ରବଳ ବର୍ଷାର ଆଶଙ୍କା ରହିଛି । ପୂର୍ବ ରାଜସ୍ଥାନ, ଗାଙ୍ଗୀୟ ପଶ୍ଚିମବଙ୍ଗ, ମଧ୍ୟ ମହାରାଷ୍ଟ୍ର ପାଇଁ ଅରେଞ୍ଜ ଆଲର୍ଟ ଜାରି ହୋଇଛି। ତେବେ ଅଗଷ୍ଟ ୧୬ ପରେ ମୌସୁମୀ ଟ୍ରଫ୍‌ ଉତ୍ତର ଦିଗକୁ ଯାଇପାରେ। ଏହାର ପ୍ରଭାବରେ ବିହାର, ନେପାଳ, ପୂର୍ବ ଉତ୍ତରପ୍ରଦେଶର ପାଦଦେଶ ଏବଂ ହିମାଳୟ ସଂଲଗ୍ନ ଅଞ୍ଚଳରେ ବର୍ଷା ବଢ଼ିବାର ସମ୍ଭାବନା ରହିଛି। ଏହି ବର୍ଷା ଅବଧି ପ୍ରାୟ ଅଗଷ୍ଟ ୨୦ ପର୍ଯ୍ୟନ୍ତ ଜାରି ରହିପାରେ ।

ଅନ୍ୟପଟେ ପଶ୍ଚିମ, ମଧ୍ୟ ଓ ଦକ୍ଷିଣ ଭାରତର ଅନେକ ଅଞ୍ଚଳରେ ଅଗଷ୍ଟ ୧୬ ପରଠାରୁ ମୌସୁମୀ କାର୍ଯ୍ୟକଳାପ ଦୁର୍ବଳ ହେବାର ଆକଳନ ରହିଛି । ଅର୍ଥାତ୍‌, ଗୋଟିଏ ପଟେ ପୂର୍ବ ଓ ଉତ୍ତର ଅଞ୍ଚଳରେ ବର୍ଷା ବଢ଼ିବ, ଅନ୍ୟପଟେ କିଛି ରାଜ୍ୟରେ ମୌସୁମୀ ପ୍ରଭାବ କମିପାରେ । ଲଗାଣ ବର୍ଷା ଆଶଙ୍କା ଥିବାରୁ ଚାଷୀମାନଙ୍କୁ ଜମିରୁ ପାଣି ନିଷ୍କାସନର ବ୍ୟବସ୍ଥା କରିବା, ଫସଲ ଓ କୃଷି ଯନ୍ତ୍ରପାତିକୁ ସୁରକ୍ଷିତ ସ୍ଥାନରେ ରଖିବାକୁ ପରାମର୍ଶ ଦିଆଯାଇଛି ।

ପଢନ୍ତୁ ଏହି ଖବର: ୧୫ଟି ରାଜ୍ୟରେ ବର୍ଷା: IMDର ସତର୍କ ସୂଚନା, ଝଡ଼ବର୍ଷା ସହ ଏହି ରାଜ୍ୟରେ ପ୍ରବଳ ବର୍ଷିବ

ଝଡ଼ତୋଫାନ କିମ୍ବା ବିଜୁଳି ସମୟରେ ଗୃହପାଳିତ ପଶୁଙ୍କୁ ମଧ୍ୟ ସୁରକ୍ଷିତ ସ୍ଥାନକୁ ନେବାକୁ କୁହାଯାଇଛି । ତେଣୁ ଆସନ୍ତା କିଛି ଦିନ ଓଡ଼ିଶା ସମେତ ପୂର୍ବ ଭାରତ ପାଇଁ ପାଣିପାଗ ଦୃଷ୍ଟିରୁ ଗୁରୁତ୍ୱପୂର୍ଣ୍ଣ । ବଙ୍ଗୋପସାଗରରେ ନୂଆ ଲଘୁଚାପ କେତେ ଘନୀଭୂତ ହେଉଛି ଏବଂ ଏହାର ଗତିପଥ କିପରି ରହୁଛି, ତାହା ଉପରେ ଆଗାମୀ ବର୍ଷାର ତୀବ୍ରତା ନିର୍ଭର କରିବ ।

ସେପଟେ ଆଗାମୀ କିଛି ଦିନ ପର୍ଯ୍ୟନ୍ତ ତାମିଲନାଡୁରେ ବର୍ଷା ହେବାର ସମ୍ଭାବନା ରହିଛି, ଅଗଷ୍ଟ ୧୭ ତାରିଖ ପର୍ଯ୍ୟନ୍ତ ରାଜ୍ୟବ୍ୟାପୀ ବ୍ୟାପକ ବର୍ଷା ହେବାର ପୂର୍ବାନୁମାନ କରାଯାଇଛି। ଚେନ୍ନାଇର ଆଞ୍ଚଳିକ ପାଣିପାଗ କେନ୍ଦ୍ର (RMC) ଗୁରୁବାର କହିଛି ଯେ ଏହି ସମୟ ମଧ୍ୟରେ ଅନେକ ଜିଲ୍ଲାରେ ଝଡ଼ବର୍ଷା, ବିଜୁଳି ଏବଂ ଝଡ଼ ପବନ ମଧ୍ୟ ଦେଖାଯାଇପାରେ। ଆଜି ପଶ୍ଚିମଘାଟ ଜିଲ୍ଲାଗୁଡ଼ିକର ବିଚ୍ଛିନ୍ନ ସ୍ଥାନଗୁଡ଼ିକରେ ହାଲୁକାରୁ ମଧ୍ୟମ ବର୍ଷା ହେବାର ସମ୍ଭାବନା ଅଛି। କିଛି ଅଞ୍ଚଳରେ ବର୍ଷା ସହିତ ଝଡ଼ବର୍ଷା, ବିଜୁଳି ଏବଂ ପ୍ରବଳ ପବନ ହୋଇପାରେ।