ଅର୍ଗସ ବ୍ୟୁରୋ: ଓଡ଼ିଶାର ହସ୍ତତନ୍ତ ପିନ୍ଧି ଇଣ୍ଡିଆ ଗେଟରେ ଚାଲିଲେ ପ୍ରବାସୀ ଓଡ଼ିଆ ମହିଳା । ସ୍ଵାଭିମାନୀ ଓଡିଆ ଓମେନ୍ସ ୱାଲଡ୍ ପକ୍ଷରୁ ଆୟୋଜିତ ୱାକାଥନ୍‌ରେ ବିକାଶ ଫାଉଣ୍ଡେସନ ଅଧ୍ୟକ୍ଷା ମୃଦୁଳା ଠାକୁର ପ୍ରଧାନ, ସାଂସଦ ସୁଲତା ଦେଓ, ଅବସରପ୍ରାପ୍ତ ଲେଫ୍ଟନାଣ୍ଟ ଜେନେରାଲ ଏକେ ସାମନ୍ତରାୟ ପ୍ରମୁଖ ଯୋଗ ଦେଇଥିଲେ । ବିଭିନ୍ନ ସ୍ଥାନରେ ଥିବା ୧୧ହଜାରରୁ ଉର୍ଦ୍ଧ୍ବ ଓଡ଼ିଆଣୀଙ୍କୁ ନେଇ ଏହି ଚାରିଟେବୁଲ ଟ୍ରଷ୍ଟ ଓଡ଼ିଶାର ଭାଷା ସାହିତ୍ୟ, ସଂସ୍କୃତି, ହସ୍ତକଳାକୁ ନେଇ ଏହି କାର୍ଯ୍ୟକ୍ରମ ଆୟୋଜନ କରିଛି ।

ନ୍ୟାସନାଲ ହ୍ୟାଣ୍ଡଲୁମ୍ ଡେ ଉପଲକ୍ଷେ ବୁଣାକାର ଭାଇ ଭଉଣୀମାନଙ୍କୁ ପ୍ରୋତ୍ସାହିତ କରିବା ପାଇଁ ସ୍ଵାଭିମାନୀ ଓଡିଆ ଓମେନ୍ସ ୱାଲଡ୍ ଆୟୋଜନ କରୁଛି ୨ଟି ହ୍ୟାଣ୍ଡଲୁମ୍ ୱାକାଥନ୍। ଅଗଷ୍ଟ ୪ ତାରିଖରେ ଦିଲ୍ଲୀ ଏବଂ ଅଗଷ୍ଟ ୧୧ ତାରିଖରେ ଭୁବନେଶ୍ବରଠାରେ ୱାକାଥନ୍ ଅୟୋଜନ ହେଉଥିବା ଆୟୋଜକ କହିଛନ୍ତି ।