ପ୍ରଧାନମନ୍ତ୍ରୀଙ୍କ ବାସଭବନରେ ଗୁରୁତ୍ବପୂର୍ଣ୍ଣ ବୈଠକ । ଅପରେସନ ‘ସିନ୍ଦୂର’କୁ ନେଇ ମୋଦିଙ୍କ ବାସଭବନରେ ବଡ଼ ବୈଠକ । ପିଏମ୍‌ଙ୍କ ବାସଭବନରେ ପହଞ୍ଚିଲେ ପ୍ରତିରକ୍ଷା ମନ୍ତ୍ରୀ । NSA ଅଜିତ ଡୋଭାଲ ମଧ୍ୟ ବୈଠକରେ ଉପସ୍ଥିତ ଅଛନ୍ତି । ଭାରତ ପାକିସ୍ତାନ ଯୁଦ୍ଧ ବିରାମ ପରେ ଆଜି ପୁଣି ଭାରତ-ପାକିସ୍ତାନ ମଧ୍ୟରେ ହେବ ଆଲୋଚନା।

ଆଜି ଦିନ ୧୨ଟାରେ ବସିବ ଉଭୟ ଦେଶର DGMO ସ୍ତରୀୟ ବୈଠକ। ଏହା ଉପରେ ରହିଛି ସାରା ବିଶ୍ୱର ନଜର । ମେ' ୧୦ ତାରିଖରେ ହୋଇଥିବା DGMO ସ୍ତରୀୟ ଫୋନରେ କଥାବାର୍ତାରେ ଅସ୍ତ୍ରବିରତି ନେଇ ଉଭୟ ଦେଶ ସହମତି ପ୍ରକାଶ କରିଥିଲେ। ଅସ୍ତ୍ର ବିରତି ଘୋଷଣା ପରେ ମଧ୍ୟ ପାକିସ୍ତାନ ସୀମାରେ ଗୁଳି ବର୍ଷା କରିଥିଲା । ପରେ ଭାରତ ସରକାର ପ୍ରେସମୀଟ କରି ପାକିସ୍ତାନକୁ ଜଣାଇବା ପରେ ସୀମାରେ ଶାନ୍ତି ପରିସ୍ଥିତି ରହିଛି। ଗତକାଲି ଠାରୁ ସୀମାରେ ଅଶାନ୍ତ ସ୍ଥିତି ନାହିଁ । ଏପଟେ ପାକିସ୍ତାନକୁ କଡ଼ା ଚେତାବନୀ ଦେଇ ପିଏମ୍ ମୋଦି କହିଛନ୍ତି, ସେପଟୁ ଗୁଳି ଚଳାଇଲେ, ଏପଟୁ ଗୋଳା ବର୍ଷିବ । Dgmo ବୈଠକ ପରେ ଅପରାହ୍ନ 2.30 ରେ ପ୍ରେସମିଟ କରିବେ DGMO ।