ଅର୍ଗସ ବ୍ୟୁରୋ: ହୋସ୍‌ ଉଡାଇଦେଲା ରିପୋର୍ଟ । ପିଲାଙ୍କ ପାଠ ପଢାରେ ଯେତିକି ଖର୍ଚ୍ଚ ହେଉନି, ବାହାଘରରେ ତାହାଠୁ ଢେର ଅଧିକ ଖର୍ଚ୍ଚ ହେଉଛି ଟଙ୍କା । ବ୍ରୋକରେଜ୍ ନାମକ ଏକ ସଂସ୍ଥା ପକ୍ଷରୁ କରାଯାଇଥିବା ସର୍ଭେ ରିପୋର୍ଟ ଅନୁଯାୟୀ, ପିଲାଙ୍କ ପାଠ ପଢା ଅପେକ୍ଷା ବାହାଘରରେ ବେଶୀ ଖର୍ଚ୍ଚ ହେଉଛି । ବାହାଘରକୁ ସ୍ମରଣୀୟ କରିବା ପାଇଁ କୋଟି କୋଟି ଟଙ୍କାକୁ ବାଏଁ ବାଏଁ ଉଡାଇ ଦେଉଛନ୍ତି ଖର୍ଚ୍ଚ  ଭାରତୀୟ । ବିଶେଷକରି ବାହାଘରରେ ଗହଣାରେ ଅଧିକ ଖର୍ଚ୍ଚ ହେଉଛି । ଏହାସହ ଭୋଜି, ସଙ୍ଗୀତ, ମେହେନ୍ଦୀ, ଫଟୋ ଭିଡିଓ, ସାଜସଜ୍ଜା, ବ୍ରାଇଡାଲ୍ ଡ୍ରେସ ଆଦିରେ ଖର୍ଚ୍ଚ କରିବାକୁ ଟିକିଏ ବି ପଛଘୁଞ୍ଚା ଦେଉନାହାନ୍ତି । କାରଣ ନିଜ ମ୍ୟାରେଜକୁ ମେମୋରେବଲ୍ ବନାଇବା ପାଇଁ ନିଜ ଲୁକ୍ ରେ କିଛି ବି କମ୍ପରମାଇଜ୍ କରିବାକୁ ଚାହାନ୍ତିନି ଆଜିର ଯୁବପିଢି । ଆଉ ଏଥିପାଇଁ ମୋଟା ଅଙ୍କର ଟଙ୍କା ଖର୍ଚ୍ଚ କରିଥାନ୍ତି । 

ସବୁଠୁ ଅଧିକ ଗହଣାରେ ଖର୍ଚ୍ଚ ହେଉଛି । ରିପୋର୍ଟ ଅନୁଯାୟୀ, 25 ପ୍ରତିଶତ ରାଶି ଗହଣା କିଣାରେ ଲାଗୁଥିବାବେଳେ ଭୋଜିରେ 20 ପ୍ରତିଶତ , ଟେଣ୍ଟ୍ ଓ ଅନ୍ୟାନ୍ୟ ସାଜସଜ୍ଜାରେ 15 ପ୍ରତିଶତ ଖର୍ଚ୍ଚ ହେଉଛି । କହିବାକୁ ଗଲେ ଭାରତୀୟ ବିବାହ ଏବେ ବୃହତ ଶିଳ୍ପ ଭାବେ ଉଭା ହୋଇଛି । ଭାରତୀୟ ବିବାହ ବଜାର ଆମେରିକାଠାରୁ ବଡ ଓ ଚୀନ ଠାରୁ ଟିକେ ଛୋଟ । ଭାରତରେ ବର୍ଷକୁ 8-10 ନିୟୁତ ବିବାହ ସମ୍ପନ୍ନ ହେଉଥିବାବେଳେ ଚୀନ୍ ରେ 7-8 ନିୟୁତ ଏବଂ ଆମେରିକାରେ 2.5 ନିୟୁତ ବିବାହ ହେଉଛି ।   

ମଧ୍ୟବିତ୍ତଙ୍କର ଅବସ୍ଥା ଯାହା, ଧନୀଙ୍କ ଅବସ୍ଥା ବି ତାହା । ଧନୀ ଶ୍ରେଣୀର ଲୋକ ପ୍ରି-ୱେଡିଂ , ପୋଷ୍ଟ ୱେଡିଂ ରେ ବହୁତ ଟଙ୍କା ଖର୍ଚ୍ଚ କରୁଛନ୍ତି । ଏପରିକି ଧନୀ ଶ୍ରେଣୀର ଲୋକେ କ୍ରୁଜ୍ ବୁକ୍ କରି ସେଠାରେ କାର୍ଯ୍ୟକ୍ରମ ଆୟୋଜନ କରୁଛନ୍ତି । ଏପରିକି ବିବାହ ସିଜିନ୍‌ରେ ଗହଣା ଓ ପୋଷାକ ଷୋର୍ ଗୁଡିକ ବ୍ୟବସାୟର ପ୍ରମୁଖ ଉତ୍ସ ପାଲଟିଛି । ଏ ତମାମ ଘଟଣାକୁ ଦେଖିଲେ ଲାଗୁଛି ଭାରତରେ ପିଲାଙ୍କ ପାଠ ପଢା ଭବିଷ୍ୟତକୁ ନେଇ ବାପା ମା ଚିନ୍ତା କରନ୍ତି । ପିଲାଙ୍କ ଠାରୁ ଅଭିଭାବକ ବେଶୀ ବ୍ୟସ୍ତ ହୁଅନ୍ତି । ହେଲେ ପାଠ ପଢାରେ ପିଲାଙ୍କ ଭବି,୍ୟତ ଗଢିବାରେ ଯେତିକ ଖର୍ଚ୍ଚ କରୁନାହାନ୍ତି ବାହାଘରରେ ସେତିକି ଟଙ୍କା ଉଡେଇ ଦେଉଛନ୍ତି ।