ଅର୍ଗସ ବ୍ୟୁରୋ: ନୂଆ ବର୍ଷ ଆରମ୍ଭ ସହ ସୁନା ଦାମରେ ବୃଦ୍ଧି ଘଟୁଛି ।ବର୍ତ୍ତମାନ ୨୦୨୫ରେ ସୁନା ଦାମ ୮୦ ହଜାର ପାର ହୋଇଛି । ଦିଲ୍ଲୀ, ରାଜସ୍ଥାନ, ୟୁପି. ହରିୟାଣା ଭଳି ରାଜ୍ୟରେ ୨୪ କ୍ୟାରେଟ ସୁନା ଦାମ ୮୦,୨୦୦ ଟଙ୍କା ଉପରେ କାରବାର କରୁଛି । ସେହିଭଳି ୨୨ କ୍ୟାରେଟ ସୁନା ରେଟ ୭୩,୫୦୦ ଟଙ୍କା ଉପରେ ରହିଛି । ଏହି ଦର ୧୦ ଗ୍ରାମ ସୁନା ରେଟ । ଦେଶରେ ୨୨ କ୍ୟାରେଟ ସୁନାରେ ଗହଣା ତିଆରି କରାଯାଏ ।

୨୨ କ୍ୟାରେଟ ସୁନା ରେଟର ପ୍ରଭାବ ସିଧାସଳଖ କ୍ରେତାଙ୍କ ଉପରେ ପଡେ । ରୂପା ଦର : ଦେଶରେ ରୂପା ଦର ମଧ୍ୟ ୯୪,୫୦୦ ଟଙ୍କାରେ ପହଞ୍ଚିଛି । ୨୦୨୪ରେ ଏକ କିଲୋଗ୍ରାମ ରୂପା ଦର ୧,୦୦,୦୦୦ ପାର କରିଥିଲା । ସୁନା ଦର: ଦିଲ୍ଲୀରେ ୨୪ କ୍ୟାରେଟ ୧୦ ଗ୍ରାମ ସୁନା ଦାମ ୮୦,୨୨୦ ଥିବା ବେଳେ ୨୨ କ୍ୟାରେଟ ସୁନା ୧୦ ଗ୍ରାମକୁ ୭୩,୫୫୦ରେ ବିକ୍ରି ହେଉଛି । ସେହିଭଳି ଭୁବନେଶ୍ୱରରେ ୨୨ କ୍ୟାରେଟ ସୁନା ଦାମ ୭୩, ୪୦୦ ଟଙ୍କା ଥିବା ବେଳେ ୨୪ କ୍ୟାରେଟ ସୁନା କିଣିଲେ ଆପଣଙ୍କୁ ୮୦,୦୭୦ ଟଙ୍କା ଦେବାକୁ ପଡିବ ।