ଅର୍ଗସ ବ୍ୟୁରୋ: ଆଶଙ୍କା ଭିତରେ ଆଶ୍ବସ୍ତିର ଖବର ଆସିଛି ସତ । ହେଲେ ଆନମନା ମନ କଣ ବୁଝୁଛି। ଶଙ୍ଖା ସିନ୍ଦୂର ସାତଦିନ ହେବ ଟନେଲ ଭିତରେ ଫସିଛି । କଉ ସ୍ତ୍ରୀର ଛାତି ସହିବ । କେମିତି ସେ ତୁନୀ ହେବ । ବାପାଙ୍କ କଥା ଭାବି ଛୋଟଛୋଟ ପିଲା ଦୁଇଟି ବି ଆଉ ନିଜକୁ ସମ୍ଭାଳିପାରୁନାହାନ୍ତି। ସେଥିପାଇଁ ଏବେ ଭରସା ଶିବ । ଅଳ୍ପରେ ତୋଷ ବୋଲି ଶିବଙ୍କ ଦରବାରରେ ସ୍ବାମୀଙ୍କ ପାଇଁ ପୂଜାପାଠ ଆରାଧନା ।

ଉତ୍ତର କାଶୀ ଟନେଲ ଭିତରେ ୫ଜଣ ଓଡ଼ିଆ ରହିଥିବା ବେଳେ ମୟୂରଭଞ୍ଜ ବାଙ୍ଗିରିପୋଷି ଅଞ୍ଚଳରୁ ଦୁଇ ଜଣଙ୍କ ଘର। ରୋଜଗାରିଆ ପୁଅକୁ ଦେଖିବାକୁ ନପାଇ ମାନସିକ ଦୁଃଚିନ୍ତାରେ ଭାଙ୍ଗି ପଡିଛନ୍ତି ପରିବାର ସହ ସମଗ୍ର ବେଢାକୁଦ ଓ ଯୋଗିବନ୍ଧ ଗ୍ରାମବାସୀ। କଥା ହେଲେ ବି ମନ ବୁଝୁନି । ସେଥିପାଇଁ ଧିରେନ ଓ ବିଶ୍ବେଶ୍ବରଙ୍କ ଲାଗି ଗାଁ ଦେବତୀଙ୍କ ନିକଟରେ ଚାଲିଛି ପୂଜାର୍ଚ୍ଚନା। ଲାଗିଥିବା ସ୍ଵତନ୍ତ୍ର ପାଇପ୍‌ ଯୋଗେ ଧୀରେନ୍‌ କଥା ଥିଲେ । ଟନେଲ୍‌ ଭିତରେ ସମସ୍ତେ ଭଲରେ ଅଛୁ ବୋଲି ଧୀରେନ୍‌ କହିଥିବା କହିଥିଲେ । ଏପଟଏ ଉତ୍ତରକାଶୀ ଗ୍ରାଉଣ୍ଡଜିରୋରେ ପହଞ୍ଚିଛି ଅର୍ଗସ ଟିମ୍।

ଆମେରିକୀୟ ଅଗର ମେସିନ ସାହାଯ୍ୟରେ ଟନେଲ୍ ଭିତରେ ଡ୍ରିଲ୍ କରି 6 ମିଟର ଲମ୍ବା ଓ 3 ଫୁଟ ଚଉଡ଼ାର ପାଇପ୍ ଭର୍ତ୍ତି କରାଯିବାକୁ ଉଦ୍ୟମ କରାଯାଉଛି । ଏଯାଏଁ 27 ମିଟର ଯାଏଁ ଡ୍ରିଲ୍ କରାଯାଇଛି। ମୋଟ୍ 35 ମିଟର୍ ଡ୍ରିଲିଂ କରିବାକୁ ପଡ଼ିବ । ଉଦ୍ଧାର ପ୍ରକ୍ରିୟାରେ ଏନଡିଆରଏଫ୍, ଏସଡିଆରଏଫ୍ ଟିମ୍ ଜୀ ଜାନ୍ ଲଗେଇଛନ୍ତି । ପୂରା ଅଭିଯାନ ସମ୍ପୂର୍ଣ୍ଣ ହେବାରେ ଆହୁରି 2ରୁ 3 ଦିନ ଲାଗିବ। ତେବେ କେତେଶୀଘ୍ର ଉଦ୍ଧାର କାର୍ଯ୍ୟ ଶେଷ ହୋଇ ସମସ୍ତ ଶ୍ରମିକ ସକୁଶଳେ ବାହାରକୁ ଆସୁଛନ୍ତି, ତାହାକୁ ସାରା ଦେଶର ଅପେକ୍ଷା ।

ଅଧିକ ପଢ଼ନ୍ତୁ ଭାରତ ଖବର

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV