ଅର୍ଗସ ବ୍ୟୁରୋ : ଅର୍ଥମନ୍ତ୍ରୀ ନିର୍ମଳା ସୀତାରମଣ ଆଜି ଲୋକସଭାରେ ଅଷ୍ଟମ ବଜେଟ ଉପସ୍ଥାପନ କରିଛନ୍ତି । ଯେଉଁ ବଜେଟ୍‌କୁ ନେଇ ସୋସିଆଲ ମିଡିଆରେ ତାଙ୍କର ଖୁବ ପ୍ରଶଂସା କରାଯାଉଥିବା ଦେଖିବାକୁ ମିଳିଛି । ସମସ୍ତେ ବଜେଟର ଟ୍ୟାକ୍ସକୁ ନେଇ ବେଶ ଖୁସି ଥିବା ପ୍ରକାଶ କରିଛନ୍ତି ।

ଅର୍ଥମନ୍ତ୍ରୀ ଟ୍ୟାକ୍ସକୁ ନେଇ ଏକ ବଡ ଘୋଷଣା କରିଛନ୍ତି । ବାର୍ଷିକ ୧୨.୭୫ ଲକ୍ଷ ବେତନ ପାଉଥିବା ଆୟକରଦାତାଙ୍କ ଲାଗି ଷ୍ଟାଣ୍ଡାର୍ଡ ଡିଡକ୍ସନ୍ ୭୫ ହଜାର ଟଙ୍କା ରଖା ଯାଇଛି । ତେବେ ନ୍ୟୁ-ଟାକ୍ସ ରେଜିମିରେ ଏହି ଲାଭ ମିଳିବ । ନ୍ୟୁ ଟାକ୍ସ ରେଜିମିରେ ୧୨ ଲକ୍ଷ ପର୍ଯ୍ୟନ୍ତ ଆୟରେ କୌଣସି ଆୟକର ଦେବାକୁ ପଡ଼ିବ ନାହିଁ । ବାର୍ଷିକ ଆୟ ୧୨ ଲକ୍ଷରୁ ଅଧିକ ଥିଲେ ଟିକସ ସ୍ଲାବ ହିସାବରେ ଆୟକର ଦାଖଲ କରିବାକୁ ପଡ଼ିବ ।

ଖାସ୍ କରି ମଧ୍ୟବିତ୍ତଙ୍କୁ ବଡ ଆଶ୍ୱସ୍ତି ଦେଲେ ସରକାର । ୧୨ ଲକ୍ଷରୁ ୧୬ ଲକ୍ଷ ପର୍ଯ୍ୟନ୍ତ ୧୫ ପ୍ରତିଶତ ଦେବାକୁ ପଡିବ । ୧୬ ରୁ ୨୦ ଲକ୍ଷ ପର୍ଯ୍ୟନ୍ତ ୨୦ ପ୍ରତିଶତ ଦେବାକୁ ପଡିବ । ସେହିପରି ୨୦ ରୁ ୨୫ ଲକ୍ଷ ପର୍ଯ୍ୟନ୍ତ ୨୫ ପ୍ରତିଶତ ଦେବାକୁ ପଡିବ । କ୍ୟାପିଟାଲ ଗେନ୍ ଛଡ଼ା ଅନ୍ୟ ଆୟ 12 ଲକ୍ଷ ପର୍ଯ୍ୟନ୍ତ ଛାଡ଼ । କ୍ୟାପିଟାଲ ଗେନ୍‌ ଥିଲେ 8ରୁ 12 ଲକ୍ଷ ପର୍ଯ୍ୟନ୍ତ ଆୟକର 10 % । 12 ଲକ୍ଷ ପର୍ଯ୍ୟନ୍ତ ଆୟ ଥିଲେ ବାର୍ଷିକ 80 ହଜାର ଟଙ୍କା ବଞ୍ଚିବ । 18 ଲକ୍ଷ ପର୍ଯ୍ୟନ୍ତ ଆୟ ଥିଲେ ବାର୍ଷିକ 70 ହଜାର ଟଙ୍କା ବଞ୍ଚିବ । ସେହିପରି 25 ଲକ୍ଷ ପର୍ଯ୍ୟନ୍ତ ଆୟ ଥିଲେ ବାର୍ଷିକ 1.10 ଲକ୍ଷ ଟଙ୍କା ବଞ୍ଚିବ । ଦରମା 12 ଲକ୍ଷ 25 ହଜାର ହୋଇଥିଲେ ବି ଟିକସ ଛାଡ଼ । 75 ହଜାର ଷ୍ଟାଣ୍ଡାର୍ଡ ଡିଡକ୍ସନ୍ ଥିବାରୁ 12.75 ଲକ୍ଷ ଦରମାରେ ପଡିବନି । ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଏହି ବଡ଼ ଘୋଷଣା ପରେ, ମଧ୍ୟବିତ୍ତ ବର୍ଗଙ୍କୁ ବଡ଼ ଆଶ୍ୱସ୍ତି ମିଳିଛି । ଅର୍ଥମନ୍ତ୍ରୀ କହିଛନ୍ତି, ମଧ୍ୟବିତ୍ତ ବର୍ଗ ଭାରତର ମେରୁଦଣ୍ଡ । ସେମାନଙ୍କ ଯୋଗଦାନକୁ ଧ୍ୟାନରେ ରଖି ଆମେ ଆୟକରକୁ କମ କରିବାକୁ ଚେଷ୍ଟା କରାଯାଇଛି । ଆସନ୍ତା ସପ୍ତାହରେ ଆସିବ ଇନ୍‌କମ ଟ୍ୟାକ୍ସ ବିଲ୍‌ ।

ଯାହାକୁ ନେଇ ସୋସିଆଲ ମିଡିଆରେ ସମସ୍ତେ ମିମ୍ସ ଶେୟାର କରିଛନ୍ତି । ସମସ୍ତେ ଅର୍ଥମନ୍ତ୍ରୀଙ୍କ ଭୂରି ଭୂରି ପ୍ରଶଂସା କରିଛନ୍ତି ।