ଅର୍ଗସ ବ୍ୟୁରୋ:  ରାଜସ୍ଥାନରେ ନିର୍ବାଚନ ଅଧିକାରୀଙ୍କୁ ମାଡ ମାରିଥିବା ସ୍ବାଧୀନ ବିଧାୟକ ପ୍ରାର୍ଥୀଙ୍କୁ ଗିରଫ କରାଯାଇଛି । ଗତକାଲି  ଦେଓଲି ଉନିଆରାର ସ୍ବାଧୀନ ବିଧାୟକ ପ୍ରାର୍ଥୀ ନରେଶ ମୀନା ଟଙ୍କ ଜିଲ୍ଲାର ଉପ ଜିଲ୍ଲାପାଳଙ୍କୁ ଏକ ପୋଲିଂ ବୁଥରେ ମାଡ ମାରିଥିଲେ।  ତାଙ୍କ କଲାର ଟାଣିଥିଲେ । ଘଟଣାସ୍ଥଳରେ ଥିବା ପୋଲିସ ମାନେ ତାଙ୍କୁ ଅଟକାଇଥିଲେ । ଏହାର ଭିଡିଓ ଭାଇରାଲ ହୋଇଥିଲା । ଆଜି ତାଙ୍କୁ ପୋଲିସ ଗିରଫ କରିବାକୁ ଯିବାବେଳେ ହାଇଡ୍ରାମା ଦେଖିବାକୁ ମିଳିଥିଲା । ନରେଶ ମୀନାଙ୍କ ଶହ ଶହ ସମର୍ଥକ ପୋଲିସକୁ ବିରୋଧ କରିଥିଲେ । ସେମାନେ ଗାଡି ମଟର ପୋଡାଜଳା କରିବା ସହ ପ୍ରତିବାଦ କରିଥିଲେ। ପରିସ୍ଥିତି ଅଣାୟତ୍ତ ହେଉଥିବା ନଜରକୁ ରଖି ବରିଷ୍ଠ ପୋଲିସ ଅଧିକାରୀଙ୍କୁ ନେଇ ଏକ ସ୍ବତନ୍ତ୍ର ଟିମ୍ ଗଠନ କରାଯାଇଥିଲା ।

ଆଜି ସ୍ବାଧୀନ ବିଧାୟକ ପ୍ରାର୍ଥୀ ନରେଶ ମୀନାଙ୍କୁ ଗିରଫ କରାଯାଇଛି । କିନ୍ତୁ ଗିରଫର କିଛି ସମୟ ପୂର୍ବରୁ ସେ କୌଣସି ପରିସ୍ଥିତିରେ ଆତ୍ମସମର୍ପଣ କରିବେ ନାହିଁ ବୋଲି କହିଥିଲେ । ପୋଲିସକୁ ଘେରାଉ କରିବା ସହ ଟ୍ରାଫିକ୍ ଜାମ୍ କରିବାକୁ ସେ ତାଙ୍କ ସମର୍ଥକ ମାନଙ୍କୁ ଉସୁକାଇଥିଲେ । ନରେଶ ମୀନାଙ୍କୁ ଗିରଫ କରାଯିବା ପରେ ତାଙ୍କ ସମର୍ଥକମାନେ ହିଂସା ଭିଆଇଛନ୍ତି । ରାସ୍ତା ଅବରୋଧ କରିବା ସହ ବିଭିନ୍ନ ସ୍ଥାନରେ ପୋଡାଜଳା କରିଛନ୍ତି ।

ଅଧିକ ପଢ଼ନ୍ତୁ ଦେଶ ଖବର: