ନାସନାଲ ଷ୍ଟକ୍‌ ଏକ୍ସଚେଞ୍ଜ ଏମ୍‌ଡି ତଥା ସିଇଓ ଆଶିଷ କୁମାର ଚୌହାନ ରବିବାର ଦେଇଛନ୍ତି ବଡ଼ ବୟାନ । ସେ କହିଛନ୍ତି ଆମେରିକା ଦ୍ୱାରା ଟାରିଫ ଲଗାଯିବା ସତ୍ତ୍ୱେ ଭାରତର ବଜାର ସ୍ଥିତି ସୁଦୃଢ଼ ରହିଛି । ସାରା ବିଶ୍ୱ ଅନିଶ୍ଚିତତା ମଧ୍ୟରେ ଗତି କରୁଥିବା ବେଳେ ଅନ୍ୟ ଦେଶ ତୁଳନାରେ ଭାରତୀୟ ବଜାର ଭଲ ପ୍ରଦର୍ଶନ କରିଛି ।

ପିଟିଆଇ ରିପୋର୍ଟ ଅନୁସାରେ, ସେ କହିଛନ୍ତି ଅଗାମୀ କିଛି ସପ୍ତାହରେ ଆଲୋଚନା ପରେ ଏକ ଶୁଳ୍କ ସଂରଚନା ସ୍ଥିର ହେବା ପରେ ସ୍ପଷ୍ଟ ଚିତ୍ର ସାମ୍ନାକୁ ଅଆସିବ । ଅଶିଷ କୁମାର ଆହୁରି କହିଛନ୍ତି ଆମେରିକା ଦ୍ୱାରା ବିଭିନ୍ନ ଦେଶ ଉପରେ ଟାରିଫ ଲଗାଯାଇଛି । ସେହିଭଳି ଭାରତ ଉପରେ ମଧ୍ୟ ଟାରିଫ ଲଗାଯାଇଛି । କିନ୍ତୁ ଏହା ସତ୍ତ୍ୱେ ବି ଭାରତୀୟ ସେୟାର ମାର୍କେଟରେ ଗତି ଦେଖିବାକୁ ମିଳିଛି । ଭାରତୀୟ ବଜାର ଉପରକୁ ଉଠିଛି । ଅନ୍ୟ ଦେଶ ତୁଳନାରେ ଭାରତର ସ୍ଥିତି ମଜଭୁତ ରହିଛି ।

ସେ ଏହା ମଧ୍ୟ କହିଛନ୍ତି, ଟାରିଫର ପ୍ରଭାବ ନିଶ୍ଚୟ ପଡ଼ିବ । କିନ୍ତୁ ଯେଉଁଭଳି ଭ୍ରମ ସୃଷ୍ଟି କରାଯାଉଛି ସେହିଭଳି କିଛି ହେବାର ନାହିଁ । ମୋର ବିଶ୍ୱାସ ରହିଛି, ବିଶେଷ କରି କିଛି କମ୍ପାନୀ ଉପରେ ଯେଉଁମାନେ ଆଲୋଚନା କରି ସ୍ଥିତି ସୁଧାରିପାରିବେ । ସପ୍ତାହେ କି ଦୁଇ ସପ୍ତାହ ମଧ୍ୟରେ ବଜାର ସ୍ଥିର ହେବା ପରେ ସବୁ କିଛି ଠିକ୍ ହୋଇଯିବ ଏବଂ ଚିତ୍ର ସ୍ପଷ୍ଟ ହେବ ।

ସେନ୍‌ସେକ୍ସ ଓ ନିଫ୍ଟି ୨.୫%ରୁ ଅଧିକ ଖସିଥିଲା

ନିକଟରେ ଆମେରିକା ଦ୍ୱାରା ଲଗାଯାଇଥିବା ଟାରିଫ କାରଣରୁ ବିଶ୍ୱ ବଜାରରେ ଏକ ବଡ଼ ପ୍ରଭାବ ପଡ଼ିଛି । ଗତ ସପ୍ତାହରେ ସେନ୍‌ସେକ୍ସ ୨.୫ ପ୍ରତିଶତରୁ ଅଧିକ ହ୍ରାସ ପାଇଛି । ନିଫ୍ଟି ଫିପ୍ଟି ସପ୍ତାହ ଶେଷ ସୁଦ୍ଧା ୨୨,୯୦୪.୪୦ରେ ବନ୍ଦ ହୋଇଥିଲା । ଯେତେବେଳେ କି ନିଫ୍ଟିଫିପ୍ଟିର ସ୍ତର ୭୫,୩୬୪.୬୯ ପାଖାପାଖି ବନ୍ଦ ରହିଛି । ସପ୍ତାହ ମଧ୍ୟରେ ବିଏସ୍‌ଇ ସେନ୍‌ସେକ୍ସରେ ୨,୦୫୦.୨୩ ଅଙ୍କ ତଥା ୨.୬୪% ପ୍ରତିଶତ ଖସିଛି । ଯେତେବେଳେ କି ଏନ୍‌ଏସ୍‌ଇ ନିଫ୍ଟିରେ ୬୧୪.୮ ପଏଣ୍ଟ ତଥା ୨.୬୧ ପ୍ରତିଶତ ହ୍ରାସ ପାଇଛି ।

ଅନ୍ୟପଟେ ଟ୍ରମ୍ପଙ୍କ ଟାରିଫ୍ ମାଡ଼ରେ ସୋମବାର ମାର୍କେଟ ସାଂଘାତିକ ଭାବେ ଖସିଥିବା ବେଳେ ମଙ୍ଗଳବାର ଆରମ୍ଭରୁ ଭଲ କାରବାର କରିଛି । ବମ୍ବେ ଷ୍ଟକ ଏକ୍ସଚେଞ୍ଜର ୩୦ ସେୟାର ବିଶିଷ୍ଟ ସେନସେକ୍ସ ୧୨୦୦ ପଏଣ୍ଟ ବଢ଼ିଛି । ସେହିଭଳି ନ୍ୟାସନାଲ ଷ୍ଟକ ଏକ୍ସଚେଞ୍ଜର ନିଫ୍ଟି ୨୫୦ ପଏଣ୍ଟ ବୃଦ୍ଧି ପାଇଛି ।

ଆରମ୍ଭରୁ ଉଭୟ ନିଫ୍ଟିଂ ଓ ସେନସେକ୍ସ ବଢ଼ିଥିବା ବେଳେ ପରେ କିଛି କମିଥିବା ନଜର ଆସିଛି । ଏହାରି ଭିତରେ ଟାଟା ଷ୍ଟିଲ୍, ଟାଟା ମୋଟର୍ସରୁ ନେଇ ଆଦାନୀ ପୋର୍ଟସ୍ ସେୟାର ଗ୍ରୀନ୍ ଜୋନ୍‌ରେ କାରବାର କରୁଛି । ସୋମବାର ସେନସେକ୍ସ ୭୩ ହଜାର ୧୩୭.୯୦ ପଏଣ୍ଟରେ ବନ୍ଦ ହୋଇତିବା ବେଳେ ମଙ୍ଗଳବାର ୭୪ ହଜାର ୦୧୩.୭୩ ପଏଣ୍ଟରେ କାରବାର ଆରମ୍ଭ କରିଛି ।

ସୋମବାର ୨୨ ହଜାର ୧୬୧.୬୦ ପଏଣ୍ଟରେ ବନ୍ଦ ହୋଇଥିବା ନିଫ୍ଟି ଆଜି ୨୨ ହଜାର ୪୪୬.୭୫ ପଏଣ୍ଟରେ କାରବାର ଆରମ୍ଭ କରିଛି । କେବଳ ଭାରତ ନୁହେଁ ସୋମବାର ବିଶ୍ଵର ଏକାଧିକ ବଜାର ପ୍ରଭାବିତ ହୋଇଥିଲା । ଏହା ପରେ ଜାପାନ ଓ ହଂକଂର ସେୟାର ବଜାରରେ ଉତ୍ସାହ ଦେଖିବାକୁ ମିଳିଥିଲା ।

ଜାପାନର ନିକ୍କେଇ ୭ ପ୍ରତିଶତ ଅଭିବୃଦ୍ଧି କରିଥିବା ବେଳେ ହଂକଂର ହ୍ୟାଙ୍ଗସାଙ୍ଗ ଇଣ୍ଡେକ୍ସ ୩ ପ୍ରତିଶତ ବଢ଼ିଛି । ଏସବୁ ଭିତରେ ନିବେଶକଙ୍କ ନଜର ରହିଛି ଆରବିଆଇ ଉପରେ । ଆରବିଆଇର ମନିଟାରୀ ପଲିସି ବୈଠକର ନିଷ୍ପତ୍ତି ଏବଂ ଭାରତୀୟ କମ୍ପାନୀଗୁଡ଼ିକର ଚତୁର୍ଥ ତ୍ରୈମାସିକ ଫଳାଫଳ ଏହି ସପ୍ତାହକୁ ପ୍ରଭାବିତ କରିବ ବୋଲି ଆଶା କରାଯାଉଛି ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV